LAB SINDIKATUA

2018/11/17 :: 7:23

Azken Eguneraketa:2018/11/16 :: 11:45

HIZKUNTZA
Hemen zaude:

Abenduaren 1ean Bilbon ontzigintza sektorearen defentsan egingo den manifestaziora deitzen dugu

E-posta Inprimatu PDF fitxategia
Partekatu albistea



Instituzioen utzikeriaren aurrean, mobilizazioa eta borroka dira bide bakarra. Horregatik, herritarrei abenduaren 1ean La Navaleko enpresa-batzordeak deituta Bilboko manifestazioan parte hartzeko deialdia egiten dugu, Ezkerraldea basamortu industrial bilakatzea eragozteko.

Hasteko, esan behar dugu Van Oord armadoreak bere ontzia La Navalen ez bukatzea ez dela ustekabekoa izan. Eusko Jaurlaritzaren eta Espainiako Gobernuaren porrot berri baten aurrean gaude, armadorearekin negoziatzekoa rdura hartu zutelako, eta negoziaketa hauek fruiturik eman ez dutelako.

La Navaleko egoera atzetik dator. Pribatizazioak, gero etorriko zenaren oinarria jarri zuen: estrategikoa den sektorea pikutara joan daiteke nahiz eta merkatua eta teknologia eduki, interes partikularrak lehenesten dituzten esku pribatuen esku geratzen bada. Oraindik ez dakigu Jaurlaritzak La Navalen sinisten duen. Etortzekoa zen inbertsorea ez zen etorri, eta orain ez dute akordiorik lortu armadorearekin. Kudeaketa negargarria.

Hala ere, armadorearen erabakia irmoa balitz ere eta ez negoziaketa estrategia, LABek La Navalek etorkizuna duela mantentzen du. Albistea txarra da, baina likidazioak aurrera egiten du, eta inbertsore bat etortzeko aukera mahai gainean dago. Gainera, gertatutakoak espekulazioa bilatu dezaketen inbertsoreak erakarri ditzake, diru publikoa jasotzea nahiko luketenak, eta prezio merkean inolako betebeharrik gabe.

Beraz, likidazio prozesuan inbertsoreei bi baldintza ezarri behar zaizkiela defendatzen du LABek: Batetik, langileekiko konpromisoa, eta ez soilik 177 langile zuzenekiko administradorearen txostenean aipatzen den moduan, 2.000 langileak izan behar dira konponbidearen parte. Bestetik, proiektu industriala eta etorkizunerako konpromisoak, espekulaziorik gerta ez dadin.

Gainera, administrazio publikoak proiektu berria lagundu beharko luke, egin den kudeaketa negargarriaren ostean.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.