LAB SINDIKATUA

2018/11/13 :: 4:17

Azken Eguneraketa:2018/11/12 :: 13:14

HIZKUNTZA
Hemen zaude: ARLOAK LAN OSASUNA Prekarietatea Hiltzailea Garbiñe Aranburu: “Eskandalua da lanean heriotzak egotea hauek ekidin daitezkeenean"

Garbiñe Aranburu: “Eskandalua da lanean heriotzak egotea hauek ekidin daitezkeenean"

E-posta Inprimatu PDF fitxategia
Partekatu albistea



Gaur berriro ere, gaur Ondarrun gertatutako lan istripu hilgarriari buruzko salaketa egin nahi dugu. Izan ere, Ondarrun lanean ari zen 46 urteko gizonezkoa da hildakoa eta Soraluzeko OBRAS IBARO SL enpresako langilea.

Garbiñe Aranburu LABeko Idazkari Nagusiak esan du “eskandalua da lan-istripuekin gertatzen ari dena eta jendea egunero lanera joatea itzuliko den jakin barik. Biolentzia patronala da eta biolentzia patronalaz ari gara eskandalua denean lanean heriotzak egotea hauek ekidin daitezkeenean. Egungo prekarietatea murriztu eta beharrezko prebentzio neurriak hartuz ekidin daitezke. Instituzioek beste modu batera erantzun beharko liokete patronalari, baina ez diote patronalari aurre egin nahi”.

Kasu honetan, langilea Ondarruko pisu bat birgaitzen ari zen eta jakin gabeko arrazoiengatik, hedabideek esan duten arabera, altueratik erori zen.

LABetik gure babes eta elkartasunik zintzoena erakutsi nahi diegu hildakoaren senitarteko, auzokide eta gertukoei, eta langile-klaseari orokorrean.

Dagoeneko 2018an Euskal Herrian gutxienez 47 langile hil dituzte euren lanpostuetan edo horien ondorioz, 4 Araban, 22 Bizkaian, 5 Gipuzkoan eta 16 Nafarroan.

Aldi berean, erakundeei eta patronalari exijitzen diegu ezbehar honen inguruko guztiak argitzea, prebentzio neurriak hartu ziren ala ez eta egokiak ziren ala ez argitzea.

Behin eta berriz salatu dugu lan istripuen atzean dagoen egiturazko arazoa prekarietatea eta enpleguaren kalitate eskasa direla, prekarietatea eta lan osasuna elementu kontrajarriak direlako. Ildo beretik, Administrazio Publikoei exigitzen diegu beste alde batera begiratu ez dezatela; lan istripuen aurrean neurriak hartu eta beharrezko baldintzak ezar ditzatela.

Euskal gehiengo sindikalak (ELA, LAB, ESK, STEILAS, EHNE-Bizkaia eta HIRU) kontzentrazioa egingo du Ondarroako Alamedan datorren irailaren 18an, asteartea, 12:00etatik aurrera.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.