LAB SINDIKATUA

2018/09/20 :: 16:07

Azken Eguneraketa:2018/09/20 :: 12:01

HIZKUNTZA
Hemen zaude: EKINTZA SINDIKALA Akordio interprofesionala Estatalizazioaren kontra, bertoko hitzarmenen eta negoziazio kolektiboaren aldeko ebazpena egitea proposatuko dugu

Estatalizazioaren kontra, bertoko hitzarmenen eta negoziazio kolektiboaren aldeko ebazpena egitea proposatuko dugu

E-posta Inprimatu PDF fitxategia
Partekatu albistea



Bihar, apirilak 17, Akordio Interprofesionalaren Batzorde Paritarioaren bilera dago, non akordioaren sinatzaile guztiok batuko garen.

LABentzat Akordio Interprofesionala inpugnatzeak 155.artikulua aplikatzea dakar lan arloan, langileon erabakitzeko eskubidea ukatu, bertako hitzarmenak ezereztatu eta lan baldintzak okertzea ekarrikobaitu, estatu mailako hitzarmenen aplikazioa inposatzearekin batera.

Egoera hau ikusita, biharko batzorde paritarioan ebazpen bat onartzea defendatuko du LABek, hurrengo puntuak barnebilduz:

- Akordio Interprofesionalaren aitortza, baita sortu eta sinatu genuenaren zergatiaren azalpena, hau da, estatalizazioari eta estatu eremutik ematen ari den zentralizazio nahaiari aurre egitea, negoziazio kolektiborako eskubidea eta, zehatzago, Negoziazio Kolektiboko marko propio injerentziarik gabe lortzeko eskubidea aldarrikatuz.

- Akordio Interprofesionala tresna legal eta guztiz legitimoa dela adieraztea.

- FEADRS patronal estatala irmoki interpelatzea, aurkeztu duten inpugnazioa apirilaren 24a baino arinago kentzeko exijituz.

- Eusko Jaurlaritza interpelatzea Akordio Interprofesionalaren defentsa egiteaz gain (pasa den astean egin dutenez), Lan Harremanetarako Euskal Esparrua aldarrikatueta defendatu dezan, negoziazio kolektiboko gure esparrua eta euskal langile eta eragileok inongo injerentziarik gabe erabakitzeko dugun eskubidea defendatzea.

Hori guztia esanda, estatalizazioak badu beste aurpegi bat ere: Confebask patronalak negoziazio kolektiboan eragiten duen blokeoak ere estatalizazioa dakar, hitzarmenak ez berritzean, estatu mailakoak aplikatzea dakarrelako. Confebaskek, Akordio Interprofesionala sinatuz, EAEko markoa defendatzen duela adierazi arren, estatalizazioari bide ematen dio blokeo bidez, alegia, gure hitzarmenen negoziazioen blokeoa eraginda. Jarrera hau salatu egiten dugu, eta interpelatzen diegu blokeoarekin amaitu dezaten.

Bestalde, Akordio Interprofesioanalaren inpugnazioak sortutako egoera larriaren harira, gaur egin du LABek alderdiekin egingo duen errondaren lehen bilera. EH Bilduko ordezkariekin elkartu dira gaur Xabier Ugartemendia Ekintza Sindikala eta Negoziazio Kolektiboko arduraduna eta sindikatuaren irakurketa partekatu dute sindikatuaren Donostiako Igara auzoko egoitzan.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.