LAB SINDIKATUA

2017/12/15 :: 12:56

Azken Eguneraketa:2017/12/15 :: 7:31

HIZKUNTZA
Hemen zaude: FEDERAZIOAK ZERBITZU PUBLIKOAK Zerbitzu Soziokomunitarioa Amesgaiztoak ez du etenik Pasaiako Zahar Etxeko langileentzat

Amesgaiztoak ez du etenik Pasaiako Zahar Etxeko langileentzat

E-posta Inprimatu PDF fitxategia
Partekatu albistea



Pasaiako Udal Zaharren Egoitzako langileok berriz salatu nahi dugu nola tratatu gaituzten Fundazioak eta Udalak. Borroka askoren ondoren, azkenean abuztuaren 17an azkenean sartu zen lizitazioagatik Pasaiako Zaharren Egoitza ABEE, Clece Zaintzen. Ematen zuen Kaipe ateratzen ari zen enpresarekin bizitako amesgaiztoa amaitu egingo zela. Azken honen etengabeak izan baitziren bere egitekoen ezbetetzeak. Kaipe enpresak alde egin zuen 2017ko uztaileko hilabetea zorretan utzita, eta horregatik, fundazioak erretenitu egin zuen gure abuztuko soldata, euren arabera, kobratu egingo genuela ziurtatzeko. Aste honetan zehar fundazioa langileen erreklamazioak jasotzen ibili da. Eta ideia bikaina izan dute. Soilik 11 langileri ordaintzea uztaila, abuztua eta finikitoak, jakinik horrela eginez gero ez zela guztiekikin zuten zorra kitatzeko nahikoa dirurik egongo.

Euren txapuzetako bat egin dute berriro. Langile batzuei dena ordaindu eta beste batzuk ezer gabe utzi. Langileen artean sortu duten bakarra haserrea da. Zergatik ez zaigu ordaindu modu proportzional batean?

Zer da lortu nahi dutena, zatitzea? Ez dute lortu. Baztertu eta ninguneatuak sentitu gara, bilera bat egiteko aukerarik ere ez dugu izan, oso lanpetuta omen zeudelako. Zorrak dituzten beste langileei lehenbailehen ordaintzea eskatzen diegu.

Eurak dira egoera hau urtetan zehar bizi izanaren errudunak, inoiz ez baitute Kaipe enpresa salatu eta hogei urte baino gehiagoz mantendu dute.