LAB SINDIKATUA

2018/07/18 :: 10:17

Azken Eguneraketa:2018/07/17 :: 9:34

HIZKUNTZA
Hemen zaude: SOZIO-EKONOMIA Langabezia PSOEren gobernuak egoera honetara ekarri gaituzten lan-erreformen prozesua leheneratzeari ekin beharko lioke

PSOEren gobernuak egoera honetara ekarri gaituzten lan-erreformen prozesua leheneratzeari ekin beharko lioke

E-posta Inprimatu PDF fitxategia
Partekatu albistea
Ekaina amaieran 152.539 pertsona zegoen langabezian Hego Euskal Herrian, enplegu zerbitzu publikoetan erregistratutako langabezia ofizialen zifren arabera, honek suposatzen du 3.598 pertsonetan egin duela behera aurreko hilabetearekiko. Sexuen araberako bilakaerari dagokionez, esan beharra dago langabezia zerrendak utzi dituzten 3 pertsonetatik 2 gizonezkoak zirela. Hortaz, egun langabezian daudenen %58 emakumezkoak dira.

Urteko sasoi hau egokia izaten da kontratazioetarako, turismo denboraldia eta beherapenek bultzatuta. Hala ere, data hauei lotutako kontratazioaren zati handi bat prekarioa eta iragankorra da.

Izan ere, urte hasieratik hona sinatu den kontratuen %91,4 aldi baterakoa izan da, baina ekainean egindako kontratazioei dagokionez, portzentaia honek %92,2raino egin du gora.

Gainera, garrantzitsua da azpimarratzea suspertze ekonomikoaren hasieratik gora baino ez duela egin enpleguaren desegonkortasunak. 2018an sinatutako kontratuen batazbesteko iraupena 53 egunetakoa da, duela 10 urte 81 egunetakoa zenean.

Ondorioz, suspertze ekonomikoa eta irabazi enpresarialen igoerarekin batera, langile klasearen esplotazio eta bizi-baldintzak okerrera egin dute, egun prekarietate handiagoa eta soldaten balio- gutxitze iraunkorra jasan behar dutelarik.

Hau izan da jasandako krisi sakona eta PPren erreformen emaitza, azken hauek enpresen lehiarako abantailak hobetzera bideratuak egon baitira soldata eta lan-baldintzen kaltetan.

Zentzu honetan, PSOEren gobernuak egoera honetara ekarri gaituzten lan-erreformen prozesua leheneratzeari ekin beharko lioke, beste urgentzia batzuen artean.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.