LAB SINDIKATUA

2017/12/15 :: 13:03

Azken Eguneraketa:2017/12/15 :: 7:31

HIZKUNTZA
Hemen zaude: SOZIO-EKONOMIA Fiskalitatea EAJ eta PSEk sozietate zergaren inguruan lortutako akordioak are gehiago okertu du egoera, patronalaren mesedetan

EAJ eta PSEk sozietate zergaren inguruan lortutako akordioak are gehiago okertu du egoera, patronalaren mesedetan

E-posta Inprimatu PDF fitxategia
Partekatu albistea
EAJk hasiera batetik bilatu du PP eta PSEren babesa EAEko aurrekontuak onartzerakoak, beste aukera batzuk baztertuz. PPk jarritako sozietate zerga murriztearen baldintza atsegin handiz bete duen zerbait da, alderdi biek bat egiten dutelako jendartearen kontrako proiektu eskubitar eta liberalean.

Espero zitekeen bezala EAJ eta PPk estatu mailan lortu dituzten akordioen ondoren, dena dago prest PPk Urkulluren gobernuaren aurrekontuen aldeko botoa eman dezan. Fiskalitatearen inguruko antzerkitxoak konfirmatu egiten du bere interes bakarra erreforma fiskal batean sakontzea dela, bai sozietateen zerga zein PFEZarena, errenta altuei eta kapital enpresarialei mesede egiten diena. Horretarako kontatzen dute, beti kontatu duten bezala, PSEren komodinarekin. Azken alderdi honi, berriki 21 miliotako zorra barkatu diote. Horrela kobratzen dira mesedeak eta aldatzen dira posizio politikoak.

155aren tripartitoaren aurrekontuak atzera botatzea exijitzen dugu eta baita erreforma fiskal bidezkoa ere, zeinetan errenta eta ondareak eskala progresibo batean ordainduko dituzten zergak, eta iruzur fiskala eta paradisu fiskalak jarraituak izango diren.

Patronalak hasieratik eskatu izan du sozietateen gaineko zerga murriztea, eta EAJ hasieratik egon da ados, proiektu liberal berdina konpartitzen dutenaren erakusgarri.

PSEk tipoa murrizteko akordiorik ez zuela onartuko esan zuen bere egunean. Hiru aste beranduago onartu du. Honek argi uzten du PSEk gobernu barruan duen egitekoa eta benetan nork agintzen duen gobernuan eta noren interesak lehenesten diren, patronal eta kapitalistenak hain zuzen ere.

LABen ustez, aurretik adostua zutena motz geratzen zen. Hori ez zen da behar genuen zerga erreforma. Oraingo itun honekin, are gehiago okertu da egoera, berriro ere patronalaren mesedetan.

Eztabaida tipoaren ingurukoa izaten ari den honetan, tipo nominala beste herrialde batzuetakoa baino altuagoa dela onartu beharra dago. Ez aldiz irabazi enpresarialek benetan ordaintzen dutela, kenkarien eragina dela eta. Europar Batasunean BPGaren %2,5 suposatzen dute zergek, EAEn %1,5era baino heltzen ez direlarik. Honek agerian uzten ditu, beste behin ere, patronalaren gezurrak.