LAB SINDIKATUA

2017/10/17 :: 20:42

Azken Eguneraketa:2017/10/17 :: 13:18

HIZKUNTZA
Hemen zaude:

Gutxiengoan sinatutako hitzarmen baten kontrako epaia askatasun sindikalerako funtsezko eskubidea urratzen duelako

E-posta Inprimatu PDF fitxategia
Partekatu albistea

Ermuan kokatuta dagoen 157 langileko ZF LEMFORDER TVA SA (TVA) enpresan, UGTko 4 ordezkarik gutxiengoan sinatu zuten hitzarmena bertan behera utzi du epaileak ezagutu berri dugun ebazpenenean. Hitzarmen hori LABek salatu zuen, negoziazio kolektiborako eskubidea urratu zitzaigula iritzita, akordioaren negoziaketa Enpresa Batzordea eta langileen bizkar eman zelako. Epaileak ebazpenean askatasun sindikalerako funtsezko eskubidea urratu dela dio.

Gutxiengoan sinatutako hitzarmenak antidemokratikoak dira, hauteskunde sindikaletan hautatutako ordezkaritza ordezkatzen dutelako. Baina ez hori bakarrrik: patronalak nahi dituen akordioak dira, langileen eskubideak erasotzen dituztenak eta prekarietatean sakontzen dutenak.

Azken finean, gutxieneko hitzarmenak negozio borobila dira patronalarentzat, langileen zatiketa ekartzen dutelako konplizeak diren sindikatuen laguntzaz. Hain zuzen ere, UGT eta CCOO sindikatuek, gutxiengo akordioen apologia egin zutelako publikoki 2016ko uztailean, Confebask eta Eusko Jaurlaritzarekin sinatutako akordioan. Eusko Jaurlaritza ere konplizea izango da etorkizunean sina daitezkeen gutxiengoan egindako sinaduretan, akordio antidemokratiko horiei beharrezko babes politikoa eman baitzien.

TVAren kasuan ere, sinatutako hitzarmena atzerakoia da, EEE eta absentismo bidezko kaleratzeak errazten ditu eta bake soziala hitzartzen du, langile guztien etorkizuna hipotekatuz. Horregatik, gehiengoaren erabakia ordezkatuko duten gutxiengo hitzarmenen aurka egiten jarraituko dugu, enpresa nahiz sektore mailan, eskura dauzkagun tresna guztiekin, bide juridikoa barne.

Langileen baldintzak hobetzeaz ari garenean, ikuspegi kolektiboaz ari gara, sektore edo enpresa mailan kolektibo berezituen akordioek prekarietatea eta diskriminazioa besterik ez dakartelako.

Beraz, gehiengoan sinatutako hitzarmenak babesten jarraituko dugu, enpresa nahiz sektore mailan, langile guztiei eragiten dietelako eta aberastasunaren banaketa bidezkoa ekar lezaketen bakarrak direlako.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu