LAB SINDIKATUA

2019/01/18 :: 6:20

Azken Eguneraketa:2019/01/18 :: 9:35

HIZKUNTZA
Hemen zaude: NAZIOARTEA Elkartasuna Catalunyan zerbitzu publikoetan egiten ari diren greba txalotu nahi dugu

Catalunyan zerbitzu publikoetan egiten ari diren greba txalotu nahi dugu

E-posta Inprimatu PDF fitxategia
Partekatu albistea
Gaurko Kataluniako sindikatu ezberdinek greba eguna deitu dute zerbitzu publikoetan. Aldarrikapenen artean murrizketak leheneratzea, langileekin dagoen zorra ordaindu eta enplegu egonkortasunerako kontsolidazio prozesuak egotea eskatzen dute. Jakina da zerbitzu publikoetan estatuaren aldetik murrizketa eta inposaketa besterik ez datorrela eta administrazioetako kudeatzaile ezberdinek murrizketa arau hauek zintzo jarraitzen dituztela. Murrizketen garaiari amaiera emateko ez dago inongo borondate politikorik. Beraz, zerbitzu publikoetako langileok kalean berreskuratu beharko ditugu gure eskubideak.

Katalunian bezala, Euskal Herrian murrizketek bere horretan jarraitzen dute. Horren erakusgarri izan dira sektore ezberdinetan LABk beste sindikatuekin batera egindako hainbat greba eta lanuzte. LAB sindikatuak Katalunian deitutako grebarekin bat egiten du eta deitzaileek adierazitako jarrera txalotu nahi du. Gure ikuspegiz, Euskal Herriko zerbitzu publikoetan bere osotasunean borroka egiteko eta greba deitzeko beharra badago. Horrela, jakinarazi izan diegu beste hainbat sindikatuei, zorraren aitortza eta enpleguaren egonkortasuna lortzeko administrazio guztietan batera borrokak piztea beharrezkoa deritzogu.

Kataluniako sindikatu borrokalariek erakusten duten ausardia goraipatzea besterik ez zaigu gelditzen. Gora langileen borroka.!!! Jo ta ke irabazi arte!!

 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.