LAB SINDIKATUA

2019/01/18 :: 6:02

Azken Eguneraketa:2019/01/18 :: 9:35

HIZKUNTZA
Hemen zaude: NAZIOARTEA Errepresioa Babes osoa erakutsi diogu Mateo Gutierrez gazte kolonbiarrari

Babes osoa erakutsi diogu Mateo Gutierrez gazte kolonbiarrari

E-posta Inprimatu PDF fitxategia
Partekatu albistea



Bilboko LABeko egoitzan LAB sindikatua Mateo Gutierrez gazte kolonbiarraren kasua Euskal Herrian gizarteratzen ari den ordezkaritzarekin bildu da. Bileran, LABeko Nazioarteko Harremanetarako idazkari Koldo Saenz Mateo Gutierrez gazte Kolonbiarrarekin, Mateoren ama Aracely León, Hector Garcia Asociación Jorge Adolfo Freyttereko kidea eta Jorge Freytter Florian-ekin bildu da.

Mateo Gutierrez Kolonbiako gazteak 622 egun pasa ditu kartzelan terrorismo delitu bat leporatuta. Berriki Kolonbiako epaitegiek Kolonbiako gaztea aske utzi dute, bere kontrako terrorismo frogarik ez baitute ikusi. Orain Euskal Herrian dago Kolonbiako fiskaltzak bere askatasuna agindu zuen sententzia errekurritzeko aukera handiak daudelako.

Egindako bilkuran, Mateoren kasuaren eta bere egoera ezagutzeaz gain, Kolonbian bizi den egoera poltikoaz mintzatzeko aukera izan dugu. Kolonbiako gobernu eskuindarrak mugimendu sozial zein sindikalen eta unibertsitateko ikasle eta irakasleen kontra garatu duen errepresio bortitza ere bertatik bertara ezagutzeko aukera izan dugu.

Azkenenengo urtean Kolonbian 200 erahildako politiko baino gehiago eman dira, eta FARC-ekin bake akordioak sinatu zirenetik 400 baino gehiago dira erahildako pertsonak. Kolonbiako Unibertsitate Nacionaleko Soziologiako fakultateko 33 ikasle errepresaliatuak izan dira eta horietarik 3 erahilak izan dira, eta 14 irakasle ere errepresaliatuak izan dira, horietatik 3 erahilak izan direlarik. Datu hauek Kolonbian bizi den egoeraren larritasuna erakusten dute.

LAB sindikatutik Mateo Gutierrez eta bere senitartekoei gure babes eta elkartasuna adierazi diegu, eta Kolonbian ematen diren oinarrizko eskubideen urraketak eta errepresio politiko eta paramilitarra salatzen jarraituko dugula berretsi dugu, gure esku dauden bitartekoak, kasu hauetan lagundu ahal izateko, jarriko ditugularik.

 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.