LAB SINDIKATUA

2018/12/18 :: 18:51

Azken Eguneraketa:2018/12/18 :: 11:43

HIZKUNTZA
Hemen zaude:

Lan duina, bizi duina

LAN DUINA, BIZI DUINA
PREKARIETATEAREN AURKAKO EKIMEN IBILTARIA

Zerbitzu publikoen pribatizazioa salatu dugu Bermeon

E-posta Inprimatu PDF fitxategia

Bizkaian jarraitzen du Ekimen Ibiltariak, "Lan duina, bizi duina" aldarriarekin bueltaka. Bermeora iritsi gara gaur, eta zerbitzu publikoen pribatizazioa salatu dugu; Osakidetzan ematen diren pribatizazioak, besteak beste. Era berean, udal zaharren egoitza hizpide izan dugu, pribatua eta publikoaren arteko gatazkaren adibide, eta arazo hori langileen lan baldintzen eta herritarrek jaso beharko luketen kalitatezko zerbitzuaren kalterako dela berretsi dugu.

Etorkin langileak eta arrantza, hizpide, Ondarroan

E-posta Inprimatu PDF fitxategia

Ondarroara iritsi da gaur “Lan duina, bizi duina” Ekimen Ibiltaria, eta etorkin langileak eta arrantza izan ditugu aldarrikapengai. Hala, gure eskaintzaren berri eman eta elkarretaratze bat egin dugu herrian, kaian bertan.

Eibarko ospitale berrian azpikontrataziorik ez dugula onartuko ohartarazi dugu

E-posta Inprimatu PDF fitxategia

Ekimen Ibiltaria Eibarren izan da gaur, hainbat aldarrikapen zabaltzeko, beti ere “Lan duina, bizi duina” leloarekin. Hala, Untzaga plazan, elkarretaratze bat egin dugu azpikontratazioa salatzeko. Hain zuzen ere, Eibarko ospitalean zerbitzuen azpikontrataziorik ez dugula onartuko jakinarazi dugu.

Pribatizazioaren aurka mobilizatu gara Zestoan

E-posta Inprimatu PDF fitxategia

Ekimen Ibiltaria Zestoan izan da goizean, “Lan duina, bizi duina” aldarria zabaltzeko. Jardueren artean, elkarretaratze bat egin dugu udalaren pribatizazio politikaren aurka. Hain zuzen ere, bi langile jubilatuko dira, biak funtzionario, eta postu horiek amortizatu eta azpikontrata bat jarriko dute mantenu lanak egiteko.

Emakumeok etxean, kalean eta lantokian libre izan nahi dugula aldarrikatuko dugu azaroaren 25ean

E-posta Inprimatu PDF fitxategia

“Lan duina, bizi duina” Ekimen Ibiltariak lehen lerrora eramango ditu emakumeak, Emakumeenganako Indarkeriaren Kontrako Nazioarteko Egunean. Hala, solasaldi bat egingo dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin.

Lan baldintza duinak aldarrikatu ditugu merkataritzako langileentzat

E-posta Inprimatu PDF fitxategia

Arrasatera iritsi da Ekimen Ibiltaria, eta “Lan duina, bizi duina” aldarriak bere bidea egiten jarraitu du. Hain zuzen ere, pekarietatearen aurkako tailerra egin dugu goizean delegatuentzat, Kultur-Ate aretoan. Eguerdian, berriz, giza kate bat egin dugu merkataritza sektoreko langileen lan baldintzen defentsan.

Kaleratzeak salatu ditugu Araiako Nestle-Froneri enpresaren aurrean

E-posta Inprimatu PDF fitxategia

Arabako Lautadan dabil gaur Ekimen Ibiltaria; Araian eta Agurainen, hain zuzen ere. Araba agurtu eta Gipuzkoara itzuliko da ondoren, Arrasatera bihar iristeko. Hori gertatu aurretik, protestak egin ditugu Lautadako industriaguneetan barrena. Mobilizazioetako bat Araiako Nestle-Froneri enpresaren aurrean egin dugu, kaleratzeak salatzeko.

Araban jarraitzen du lan duina eta bizi duina izateko aldarriak

E-posta Inprimatu PDF fitxategia

Ekimen Ibiltariak Gasteiz utzi du, baina Araban jarraitzen du, bihar arte. Hain zuzen ere, “Lan duina, bizi duina” dinamika Oionen izan da gaur, eta Araia eta Agurainera iritsiko da asteartean.

Gasteizko kaleetara eraman dugu "Jaietan denok jai" aldarria

E-posta Inprimatu PDF fitxategia

"Lan duina, bizi duina" Ekimen Ibiltaria Gasteizen dago gaur, bigarren egunez. Atzoko jardueren ostean, gaur ere irten gara kalera. Hain zuzen ere, dendetatik ibili gara merkataritza sektoreko langileen lan baldintzak defendatzeko eta hauek pairatzen duten prekarietatea salatzeko.

Gorka Berasategi: "Ezin da sektore publiko oso bat eraiki behin behinekotasuna ardatz izanda"

E-posta Inprimatu PDF fitxategia

LABek antolatutako “Lan duina, bizi duina” Ekimen Ibiltaria Gasteizera iritsi da gaur, urriaren 16tik hona prekarietatearen aurkako aldarria Euskal Herriko hainbat txokotan zabaldu eta gero. Zerbitzu publikoetan bizi den egoera salatzeko baliatu dugu gaurko eguna, Eusko Jaurlaritzaren egoitza nagusia Gasteizen dagoela kontutan hartuta. Hala, LABeko Zerbitzu Publikoetako Federazioko idazkari Gorka Berasategik ohartarazi du Eusko Jaurlaritzaren magalean dauden administrazioak prekarietatea eta behin behinekotasun gehien dutenak direla.

Aparteko orduak eta azpikontratazioa salatu ditugu Olaberriako Arcelorren

E-posta Inprimatu PDF fitxategia

Goierrira iritsi da Ekimen Ibiltaria, indartsu. Goizean goizetik gaude kalean, eskualdeko hainbat lantokitan “Lan duina, bizi duina” aldarria zabaltzen. Haurreskoletako gaurko grebarekin egin dugu bat eta Olaberriako Arcelor eta Carrefourren izan gara, hau guztia, Ekimen Ibiltariaren bitartez egindako auto karabanaren eskutik. Arcelorri dagokionez, prekarietatearen adibide bat dela salatu dugu lantegiaren aurrean.

Artikulu gehiago...

Page 2 of 4

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.