LAB SINDIKATUA

2019/01/18 :: 6:08

Azken Eguneraketa:2019/01/18 :: 9:35

HIZKUNTZA
Hemen zaude:

Hauteskunde Sindikalak

Emaitza onak lortzen jarraitzen dugu industrian, sektoreko langileen lan eta bizi baldintzak hobetzeko egindako lanari esker

E-posta Inprimatu PDF fitxategia
Hauteskunde sindikalek bere horretan jarraitzen dute, eta hainbat enpresatan dagozkien ordezkari sindikalak aukeratu dituzte. Industria sektoreari dagokionez, LABek emaitza onak lortzen darrai, eta honek sindikatuaren posizioa indartzen du langileen lan eta bizi baldintzak hobetzeko bidean.

Langileen eskubideen eta zerbitzu publikoen defentsan jarraituko dugu lanean, Gipuzkoako Foru Aldundiko hauteskunde sindikalak irabazi ostean

E-posta Inprimatu PDF fitxategia
Hauteskunde sindikalek bere bidea egiten jarraitzen dute, eta LABek, aste honetan ere, emaitza oparoak bildu ditu; Gipuzkoako Foru Aldundian, esaterako. 28 delegatu zeuden jokoan atzo egindako hauteskundeetan, eta LABek duela lau urte eskuratutako lehen postua berretsi du.

Zabaltzen jarraitzen dugu Ipar Euskal Herrian, Funtzio Publikoko hauteskundeetan emaitza oparoak lortu eta gero

E-posta Inprimatu PDF fitxategia

LABek ordezkaritza lortu du Hendaia, Kanbo eta Urruñako udaletan, baita Ipar Euskal Herriko Hirigune Elkargoan eta Ipar Euskal Herriko Kostaldeko Ospitalgunean ere.

Milaka langilek gure alde egin dute hauteskunde sindikaletan, kendutako eskubideak berreskuratzeko bidelagun gisa

E-posta Inprimatu PDF fitxategia
Hauteskunde sindikalak abian daude hainbat lantokitan, eta LAB emaitza oso onak lortzen ari da, azken urteetan osatutako ibilbidearen harira. Lan baldintzak bakarka inposatu nahi dizkiguten garaiotan, LABek irtenbide argia proposatzen du: kolektiboki erantzutea. Izan ere, eskubideak lortzeko elkartasuna eta antolakuntza da gure alternatiba, eta errezeta horrekin bat egiten ari dira milaka langile.

Lasarteko Michelinen hirugarren aldiz jarraian irabazi ditugu hauteskunde sindikalak

E-posta Inprimatu PDF fitxategia
Atzo azaroaren 20an ospatutako hauteskunde sindikaletan berriz ere LAB izan zen indar bozkatuena. Langileek azken urte hauetan jarraitu dugun ildoa babestu dute berriz ere.LABek alde handiaz irabazi ditu hauteskundeak, bereziki nabarmena tailerretan jaso dugun babesa, beharginen %39a LABen alde egin baitu.

Irregulartasunak salatu ditugu UTE RSU BILBAO II-ko hauteskunde prozesuan

E-posta Inprimatu PDF fitxategia
Berriro ere, UTE RSU BILBAO II-ko (Bilbogarbi) LABeko sail sindikalak hertsapenak salatu behar izan ditu hauteskunde sindikaleko prozesuaren baitan. Prozesua datorren astelehenean amaituko da, bozketa eguna ospatuko den egunean, alegia.

Ipar Euskal Herriko Kostaldeko Ospitaleko hauteskunde sindikaletan izango gara

E-posta Inprimatu PDF fitxategia

Paueko Administrazio Auzitegiak arrazoia eman digu, eta ospitaleko zuzendaritzak gure hautagaitzari ezarritako debekua bertan behera utzi du.

Donostiako Udaleko hauteskunde sindikalak irabazi ditugu

E-posta Inprimatu PDF fitxategia

Donostiako Udalean egin genituen atzo hauteskunde sindikalak, eta 24 delegatu hautesleetatik 10 lortu ditugu, 2014ko hauteskundeetan baino bat gehiago. Lau hauteskunde mahaietatik hirutan irabazi dugu, eta laugarrenean duela 4 urteko emaitza mantendu dugu. ELAk zazpi delegatu lortu ditu, hiru galdu eta gero; CCOOk bost, bi gehiago; eta ERNEk bi, zituenak mantenduta.

Epaitegira joko dugu, Ipar Euskal Herriko Kostaldeko Ospitaleko zuzendaritzak gure hautagaitza baztertu eta gero

E-posta Inprimatu PDF fitxategia

Ospitaleko zuzendaritzak ez digu hauteskunde sindikaletarako zerrenda onartu, gure estatutuak nahikoak ez direla argudiatuz, berari ez dagokion eduki batean sartu eta gero. Hala, Admnistrazio Epaitegira eramango dugu afera, sindikatuaren antolaketa eredua zalantzan jarri dutelako.

Nafarroako ordezkaritza sindikalaren %16ra ailegatu gara hauteskunde sindikalen epe trinkoaren atarian

E-posta Inprimatu PDF fitxategia

Nafarroako Gobernuaren Lan Departamentuak hilero ematen dituen datuen arabera, uztailean, LABek Nafarroa Garaiko ordezkaritza sindikalaren %16ra ailegatzea lortu zuen. LAB sindikatuak Nafarroan inoiz izan duen ordezkaritzarik handiena da hori.

Page 1 of 5

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.