LAB SINDIKATUA

2019/01/17 :: 0:07

Azken Eguneraketa:2019/01/16 :: 14:03

HIZKUNTZA
Hemen zaude: HASIERA AZKEN BERRIAK

Sindikatuko emakumeon batzarra egingo dugu ostiralean, martxoaren 8ra begira


Martxoaren 8ra begira gaude. Hala, feminismoaz eztabaidatzeaz gain, greba feministaren lanketari buruz ariko gara. 

Kristau Eskolak gezurra esaten du ikastoletan baino gehiago eskaintzen duela esaten duenean

LABek Kristau Eskolari zintzotasuna eskatzen dio. Gure aldetik, lanean jarraituko dugu kolektibo prekarioen alde, lanpostu guztiak mantentzearen alde eta lan baldintza duinen alde.

Gizarte Ekimeneko ikastetxeetan jarraipen zabala izan du grebak, Jaurlaritzak ezarritako gutxieneko zerbitzuekin greba desitxuratu nahi izan badu ere


Urtarrilak 16tik 25era bitarteko 8 greba egunetara itundutako Gizarte Ekimeneko ikastetxeetako 9.000 langiletik gora daude deituak, EAEko itundutako ikastetxeen %70a inguru dira eta 120.000 ikasle ingururi ematen diote zerbitzua. Gizarte Ekimeneko ikastetxeetan ordezkaritza daukagun LAB, ELA, STEILAS, CCOO eta UGT sindikatuok negoziatzeko borondatea daukagu eta taxuzko proposamen baten zain jarraitzen dugu.

Garbiñe Aranburu: "Prekarietatearen kontrako gatazkak lotu nahi ditugu Iruñean, urtarrilaren 26an"


LABeko idazkari nagusi Garbiñe Aranburu Euskal Telebistako "Egun On Euskadi" saioan egon da, aktualitateari errepasoa egiten. Prekarietatearen aurka urtarrilaren 26an Iruñean egingo dugun manifestazioa, elkarrizketa soziala, Lan Harremanetarako eta Babes Sozialerako Euskal Esparrua, Huerta de Peraltako borroka, pentsionistena, Gizarte Ekimeneko ikastetxeetako greba, La Naval... hainbat gai izan ditu hizpide.

Enpresa eta Gasteizko Udalari eskatzen diogu TUVISAko langileen esku baliabideak jar ditzala autobusak eraso sexista, arrazista eta xenofoborik gabeko guneak izan daitezen

Iragan den astean TUVISAko 7. linean gertatutakoaren harira, TUVISAko LAB-en atal sindikaletik gertaera horretan eman ziren jarrera arrazista, xenofoboak eta sexistak salatu nahi ditugu, baita egoera horretan nahastuta egon ahal izan ziren erabiltzaileekiko gure elkartasuna adierazi ere. Gaur, urtarrilaren 16, 19:00etan, Gasteizko Andra Mari Zuriaren plazan ospatuko den elkarretaratzean parte hartzera deitzen dugu.

Lanuzte eta greba klabeetan jartzera deitu ditugu sindikatuak, Bizkaiko Metalgintzako egoerari konponbidea emateko


Agerraldi bat egin dugu komunikabideen aurrean, Bizkaiko metalgintzako hitzarmenaren egoera jasanezina delako. Otsailean urtebete beteko da mahaia ireki zenetik, eta ordutik patronalak, hitzarmen berri eta duin bat izateko borondate falta eta langileekiko errespetu falta izan du behin eta berriro.

Epaitegira joko dugu, Euskadi Irratian zuzendaritzak eta ELAk lan poltsa elebidunen deialdiak geldiarazteagatik


Azken lan eskaintza deialdia egin zenean, bertan jasota gelditu zen behin EPEa bukatutakoan lan-poltsa nola osatu, EITBko Administrazio Kontseiluaren onespena zuena. Denbora aurrera doa, eta behin eta berriz Eusko Irratiko zuzendaritza akordioa urratzen ari da, ELAren ekimenez eta babesarekin. Horrela, lan poltsan erdaldun elebakarrak lehenesten ditu euskaldun elebidunen aurretik, gardentasunaz gain, euskara bera kaltetuz.

Gizarte ekimeneko ikastetxeen greban Eusko Jaurlaritzak zerbitzu minimoak igotzeko hartutako erabakiaren atzean gatazkan daukan erantzunkizuna desbideratu eta sakoneko arazoari ez erantzutea dago


Gizarte Ekimeneko ikastetxetan ordezkaritza daukagun ELA, STEILAS, CCOO, LAB eta UGT sindikatuok negoziatzeko borondatea daukagu eta tajuzko proposamen baten zain jarraitzen dugu.

Elkarrizketa sozialaren helburua patronalaren eta Jaurlaritzaren politikei zilegitasuna ematea da

Gaur onartu du Jaurlaritzaren Gobernu Kontseiluak elkarrizketa soziala institituzionalizatzeko dekretua. LABek dekretu proiektua bertan behera uztea eskatu zuen bere egunean, elkarrizketa sozialak ez dituelako lan baldintza duinak bermatzen, proiektuak berak ez duelako Lan Harremanetarako eta Babes Sozialerako Euskal Esparruaren alde egiten eta dekretuak ez dituelako gehiengo sindikalak errespetatzen.

Lan baldintza duinak eskatu ditugu Correoseko langileentzat


LABek elkarretaratze bat egin du Gasteizen, Lan-Ikuskaritzaren aurrean, Correosen lan-baldintza duinak eskatu eta prekarietateak hil egiten duela adierazteko, abuztuan ikusi ahal izan genuen moduan Correoseko langile bat istripuan hil zenean.

Triman Mineralseko langileek urtebete daramate kobratu gabe


Triman Mineralseko langileek elkarretaratzea egin dute gaur Iruñean, urtebete kobratu gabe daramatela salatzeko.

Paumako kontratazio eredua aldatu eta langileen kontratuak mugagabe bihurtzea lortu dugu, langile borrokaren bidez


Kontratazio ereduaren inguruko akordioa sinatu da enpresarekin. Langileen aldarrikapenak onartu dituzte eta langileen heren bati, behin-behinekotasunean zegoenari, kontratuak mugagabe bilakatu dizkiete. 50 langile inguru dira.

Gipuzkoako Batzar Nagusietako taldeei bilera eskaera egin diegu, helduen egoitzetako gatazka konpontzeko lagun dezaten


Idatzi bat erregistratu dugu Gipuzkoako Batzar Nagusietan. Gipuzkoako Foru Aldundiari dagokion ardura har dezan eskatu dugu, herrialdeko hitzarmena egon dadin.

Angeluko Castorama dendako arduradunak auzitegira eraman ditugu, sindikatuko lau kideri soldata baxuagoak ezartzeagatik


Baionako auzitegi korrekzionalak otsailaren 12an erabakiko du auziaren inguruan. Bi aldeak entzun berri ditu, eta orain Angeluko Castorama dendan LABeko lau kideren aurka soldata diskriminazioa egon den edo ez erabaki beharko du. Hain zuzen ere, lau langile hauek euren lankideek baino gutxiago kobratu dute 2011 eta 2012. urteetan; hilean 100 euro gutxiago, zenbait kasutan. Hala berretsi du Lan Ikuskaritzak egindako azterketa batek, Mediabask-ek jaso duen bezala.

Klase elkartasuna aldarrikatuko dugu urtarrilaren 26an, Iruñean, prekarietatearen aurkako borroka guztiak batuko dituen manifestazioan


Manifestaziora deitu dugu urtarrilaren 26rako, Iruñean, lan duina eta bizi duina aldarrikatzeko. Hain zuzen ere, Huerta de Peraltako langileek greba mugagabea hasi zutela hilabete beteko denean, prekarietatearen eta esplotazioaren aurka kalera irtengo gara egun horretan, Iruñean. Borrokan garen enpresa eta sektoreak, LABeko komunitatea, emakumeak, pentsiodunak, gazteak eta batu nahi duen oro deituta dago manifestaziora, 17:00etan, Gaztelu plazatik abiatuta. Hala jakinarazi dute LABeko idazkari ondoko Igor Arroyok eta Ekintza Sindikaleko eta Negoziazio Kolektiboko idazkari Xabier Ugartemendiak, komunikabideen aurrean Bilbon egindako agerraldian.

Garbiñe Aranburu: "Gobernuen jarrera aldatzeko ezinbestekoa da presio soziala areagotzea"


Milaka pertsona irten dira kalera, Bilbon zein Baionan, presoen eskubideen urraketak salatzeko, "Orain presoak" leloarekin bat eginda. LABeko ordezkaritza zabal bat egon da bi mobilizazioetan, eta preso eta iheslarien arazoari konponbidea jartzea ezinbestekoa dela berretsi dugu, benetako bake eta elkarbizitza eszenatoki bat eraikitzeko.

Helburu guztiak lortu arte borrokan jarraituko dutela berretsi dute Huerta de Peraltako grebalariek, Iruñean


Huerta de Peraltako langileek 17 egun bete dituzte greba mugagabean, eta, Iruñean, elkartasun egun bat egiten ari gara euren borroka babesteko,joan den ostiralean Azkoienen egindakoaren ildoan. Hain zuzen ere, 35 gizarte eragile baino gehiagok egin dute bat jardunaldiarekin. Aurreikusitako mobilizazioen artean, goizean goiz, elkarretaratze zaratatsu bat egin dugu Nafarroako Legebiltzarraren aurrean eta, ondoren, Iruñeko kaleak hartu ditugu.

"Ez gara Aldi Baterako Enplegu-Erregulazio Espediente bati buruz ari, iruzurraz baizik"


Euskal Herria, Valentzia eta Asturieseko Arcelorreko lantegietako LAB, ESK, CGT eta CSI sindikatuetako ordezkariok agerraldi bat egin dugu, enpresak hartutako azken erabakien inguruko irakurketa egiteko. Hain zuzen ere, Arcelor Mittalek Aldi-Baterako Enplegu-Erregulazioa 2022. urtera arte luzatu du lantoki guztietan, eta horrek dituen ondorioak plazaratu ditugu.

Eusko Jaurlaritzaren Hezkuntza Sailak eskola jangelen inguruan argitaraturikoak langileen lan baldintzen aurka egiten du

Behin Eusko Jaurlaritzaren Hezkuntza Sailaren posizioa ezagututa, gaur, Eusko Jaurlaritzak osatu zuen ereduari buruzko batzordea beste iruzur bat izan dela esan dezakegu. Ez du bete Sailak jarritako helburua: jangela eredu berri batez hausnartzeko gunea izatea.

Page 1 of 371

Joomla extensions by Siteground Hosting

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.