LAB SINDIKATUA

2018/02/21 :: 4:10

Azken Eguneraketa:2018/02/20 :: 14:05

HIZKUNTZA
Hemen zaude:

EAEko instituzioen familia eta haurren aldeko itunean, haurreskoletako doakotasuna jasotzea proposatu dugu

Partekatu albistea
Haurren zainketaz gain, haurren gaitasun fisiko, afektibo, sozial eta intelektual guztiak behar bezala garatzeaz arduratzen dira haur eskoletako hezitzaileak, hau da, haurraren hezkuntza integralaz, alegia. Beraz, hezkuntzako ziklo honetan inbertsioa handitu behar da, familia eta haurren aldeko benetako ituna lortu nahi baldin bada.

Eusko Jaurlaritzak, Araba, Bizkaia eta Gipuzkoako Foru Aldundiek eta EUDELek konpromisoa hartu dute familiaren eta haurren aldeko politika publikoak garatzeko. Urkullu, Gonzalezek, Rementeriak, Olanok eta Landak familien eta haurren aldeko ituna sinatu zuten atzo.

LABetik esan behar dugu plan honen baitan, beste gauza batzuen artean, jaiotzatik hasita haurrek daukaten hezkuntza eskubidea ez dela jasotzen eta horren doakotasunaren bidean ez dela inolako urratsik ematen.

Hezkuntza politika egokia behar dugu, jaiotzatik aukera berdintasunean oinarritutako sistema izan behar da, haur-hezkuntzako lehenengo zikloa doakoa, unibertsala, euskalduna eta kalitatekoa bermatuz.

Hiruhileko honetan onartuko den familia eta haurrentzako laguntzen eremuko jarduera-planaren dekalogoan, ezinbestekoa da azaldu duguna bermatzea.

0-3a, Haur hezkuntzako lehenengo zikloa dena, gastua baino inbertsioa dela pentsatzen dugu.Horregatik, gaur egun, administraziopeko zerbitzu publikoan, 8 orduko hezkuntza zerbitzuagatik hilean 210 euro ordaindu behar izatea lotsagarria iruditzen zaigu. Gainera, herri txikietako haurreskoletan, gaur egun ez da zerbitzu hori ere bermatzen, 7 ordukoa baizik.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu