Osasungintza Publikoa

Uste dugu Osakidetzako langileok kalitate zein eraginkortasun aldetik beharrezko diren baldintzak bermatzen dituzten lan-baldintzak exijitu behar dugula.

LAB sindikatuak salatzen du Ospitaletegiko larrialdi bateratuan ematen den egoera. Dagoeneko bi urte eta erdi baino gehiago igaro dira Barcinak eta Verak inauguratu zutenetik. Zabaldu zenean zeuden arazo askok bere horretan diraute tamalez. Langileek behin eta berriz salatu dute zerbitzuan ematen diren arazoak, baina Ospitaletegiko zuzendaritzak ez du jaramonik egiten eta ez du zerbitzuaren anabasa zuzentzeko erabakirik hartzen.

Ostiraleko mahai sektorialaren batzarrean bertan, SATSE, SME eta UGT sindikatuek aurre-akordioa sinatu zuten. LABek momentuz ez du baldintza nahikorik ikusten halako akordio batean sartzeko. Negoziazioa ez da amaitu, hasi baino ez dugu egin. Beraz, gure zentzuzko proposamenak kontuan hartzeko borondaterik balego LAB prest legoke bide hori jorratzen jarraitzeko eta akordioak eskuratzeko.

Ezkerraldea-Enkarterri-Gurutzeako ESIko zuzendaritzak, langile bati hiru urteko semea zaintzeko eszedentzia zatitzea ezeztatu dio. Tamalez, hau ez da kasu isolatua, egunero gertatzen da Osakidetza osoan, ESI guztietan. Osakidetzan ez dira berdintasunerako neurriak errespetatzen. Egoera honen aurrean, LAB sindikatuak egoera hau salatu du gaur, Gurutzetako Ospitaleko sarreran kontzentrazioa eginez.

Gaur Gasteizen, Osakidetzako Mahai Sektoriala bildu da, baina beste behin esan behar dugu osakidetzaren eskaintza oso urrun dagoela LABen eskakizunetatik. Bertan, akordioetara heltzeko borondate eta beharraz aritu dira, baina momentuz distantzia handia dago gure artean. LABek, egindako eskaintza eta pasatutako informazioa aztertuko ditu eta benetako negoziazioaren aldeko bidetik jarraituko du. Oraindik ikusteke dago Osakidetzaren jarrera ere bide honetatik joango den.

Osakidetzak gaurko deitu du Osakidetzako Mahai sektoriala. Helarazitako gai-ordenenean negoziatzeko zenbait puntu sartu zituen: 2016-2017 EPEa, behin-behineko kontratazioa, leku-aldatze lehiaketak, ESIen dekretua, lizentzia eta baimenak eta pribatizazioa. Bilera honetan Osakidetzako zuzendaritzak negoziatzeko benetako konpromisoa adierazteko aukera paregabea izango du. Izan ere, aurreko sektoreko mahaian akordioak eskuratu nahi zituela azaldu zuen Osakidetza. Hala ere, ez gara oso baikorrak, hitz politez gain, benetako jarrera aldaketarik ez dugulako ikusi orain arte.

"Autoaseguradora Basurtoko langileon zerbitzu propioa da, lan istripuen gestio, arreta eta jarraipenaz arduratzen dena. Erabaki honek, hemendik aurrera, edozein lan osasun arazoren aurrean, kanpo mutualitate pribatu batera joatera behartzen gaitu", adierazi dute. Sindikatuok elkarretaratzea egin dugu gaur egoera salatzeko.

Sukalde zerbitzua publiko izatea albiste ona dela deritzogu, baina kudeaketa kaskarra dela ahaztu gabe. Hain zuzen ere, Nafarroako Ospitale Gunearen sukalde zerbitzua bere gain hartuko du osorik Nafarroako Gobernuak, janaria banatzeko zerbitzua emateko eskaintza hutsik geratu eta gero, enpresarik ez delako aurkeztu. LABek Lan Eskaintza Publiko bat egin dezala eskatu dio gobernuari, publikotasuna sendotzeko eta Osasunbidean dagoen behin-behinekotasun "eskandalagarria" murrizteko.

Iñigo Urkullu lehendakariaren aurrean mobilizatu gara gaur, Urdulizko ospitaleko larrialdi zerbitzuaren inaugurazioa dela eta. Hain zuzen ere, Osakidetzaren pribatizazioa arbuiatzeaz gain, irekieraren atzerapena salatu dugu LAB, SATSE, ELA, CCOO, UGT eta ESK sindikatuetako ordezkariok. Urtebete beranduago inauguratu dute larrialdi zerbitzua.

SATSE, ELA, LAB, CCOO, UGT eta ESK sindikatuok manifestazioa antolatu dugu ekainaren 3rako, eguerdiko 12etan Bilbon, Osakidetza egiten ari den pribatizazioak salatzeko. Hain zuzen ere Osakidetzak pribatizazioaren estrategiari eusten dio. Sindikatuon iritziz honek desberdintasunak areagotzen ditu osasun zerbitzua eskuratzeko orduan. Horregatik ezinbestekoa deritzogu gure osasun publikoa sendotzea.

LABek salatu nahi du Osakidetzako zuzendaritzak langileei posta elektronikoz informazioa helaraztea oztopatzen duela, gure lan sindikala baldintzatu eta langileon zein sindikatuon eskubideak bertan behera uzten dituelarik. Badaramagu aste oso bat posta elektroniko masiborik bidali ezinik. Hain zuzen ere, Korrika eta euskararen alde langileek egindako lan izugarriaren gaineko mezu elektronikoa ezin izan diegu langileei helarazi, besteak beste. Arazo teknikoa omen zen, baina konpondu dezaketen arduradun guztiei jakinarazi eta gero berdin jarraitzen dugunez (orduak eta orduak telefonoz telefono, eta e-mailez e-mail), lan sindikala oztopatzeaz hitz egin behar dugu.

LABek protesta ekimena egin du gaur Gasteizen, Osakidetzako zerbitzu zentraletan, langileok esklabo bihurtzen gaituen kontratazio sistemaren ordez, alternatibarik badagoela aldarrikatzeko. Adierazi dugu, neurri zehatzak hartuta, kontratatzeko sistema justu eta gardena lor daitekeela. Europatik etorritako sententziek adierazi bezala, Osakidetzak eta Eusko Jaurlaritzak zerbitzu publikoetan darabilten kontratazio sistemak prekarizazioa dakar. Honek guztiak ezin argiago uzten du benetako negoziazio kolektiboa abiatu behar dugula, beste gauza batzuen artean, kontratazio akordio berri bat lortu ahal izateko.

Protestak egin ditugu gaur Gasteiz, Bilbo eta Donostian. Hain zuzen ere, LAB, SATSE, ELA, CCOO, UGT eta ESK sindikatuak Osakidetzan ematen ari diren pribatizazioen kontrako kanpainan bete-betean gaude, osasun-arreta eta lanpostu publikoak suntsitzen ari direla salatzeko helburuarekin.

Zortzi hilabete eta gero mahai sektoriala deitu gabe, gaur izan dugu bilera. Lehenengo eta behin, deialdiaren formak salatu behar ditugu, oso berandu jaso dugulako deialdia eta gai- ordena, ia prestatzeko denborarik gabe. Bestaldetik, gai-ordenaren lehenengo puntuan Osakidetzak jaso egin du negoziatzeko eskaintza. Aurrekoetan ere honelaxe egin du, baina iruzur hutsa izan da eta “negoziatzeko” gutxi eskaini digu. Izan ere, urte hauetan guztietan Osakidetzak negoziazio kolektiboaren eskubidea behin eta berriro urratu du eta inposaketaren bidetik jo. Gaur egun, bide beretik doa eta, adibidez, Urdulizko zenbait zerbitzu berriki pribatizatu egin ditu, langile eta sindikatuei inolako azalpenik eman gabe.

Lehen Arreta oinarrizkoa dela defendatzen dugu LABetik. Osakidetza utzikeriagatik hiltzen uzten ari dela ohartarazi dugu behin baino gehiagotan, eta, egoera larri hori irudikatzeko, ekintza sinboliko bat egin genuen Barakaldon, joan den otsailean, Errontegiko osasun etxean. Hain zuzen ere, osasun zentroak bost urte baino ez ditu, baina, dagoeneko, azpiegitura arazoak ere baditu: teilatua erortzear dago, ur berorik ez dago, aldaketa geletan ez dago komunik, garajea ezin da erabili, hainbat zonaldetan kiratsa jasanezina da... Hori nahikoa ez balitz, osasun zentroak ez du bizigarritasun baimenik. Osasun etxearen erraietan izan gara, bertako egoera azaleratzeko.

LABek ospitaleko zuzendaritzaren kudeaketa kaskarra salatu nahi du. Jakin izan dugu urgentziak eta ospitalizazioa ez direla martxan jarriko agindutako datetan, baizik eta lehenengoa, gutxienez bi hilabeteko epean eta bigarrena, uda pasatu arte.

Pribatizazio berri bat salatu dugu gaur; Lezako ospitaleko garbitegiarena, hain zuzen ere. Mobilizazioekin aurrera jarraituko dugu Osakidetzako arduradunen politika salatzeko. Urrutira joan gabe, Osasun Delegaritzen aurrean elkartuko gara apirilaren 4an, 11:00etan.

Sindikatuak pribatizazioen kontrako kanpainan murgilduta gaude eta hurrengo hilabeteetan ere mobilizazioekin jarraituko dugu. Maria Jesus Mugikaren arabera Osakidetzaren negozioa osasuna da. Hitz horiek agerian utzten dute Osakidetza zuzentzen ari direnen filosofia, osasuna negozio iturri izatea nahi dute. Langile zein erabiltzaileok borrokan jarraituko dugu osasun zerbitzu publiko baten alde.

Darpon sailburuak ez dio egia, esaten baitu Osakidetzan ez dela pribatizazio berririk egiten, ez eta egingo ere. Eta ez duela egia esaten diogu, uste dugulako, egiazki, Darpon jaunak ez dakiela zer gertatzen den bere ospitaletan eta osasun-zentroetan. Bestela, jakin beharko luke, Osakidetzan, “betiko” negozioez gain, garbikuntza, segurtasuna, sukaldeak eta garbitegi edo ikuztegiak besteak beste, ikerketan, berrikuntzan eta informazioaren teknologietan bezalako arloetan pribatizazioak sustatzen ari direla.

Lehen Arreta oinarrizkoa dela defendatu dugu Barakaldon. Hain zuzen ere, utzikeriagatik hiltzen uzten ari dira, eta, egoera larri hori irudikatzeko, ekintza gauzatu dugu Errontegin. Bertako osasun zentroak bost urte baino ez ditu, baina, dagoeneko, azpiegitura arazoak ere baditu: teilatua erortzear dago, ur berorik ez dago, aldaketa geletan ez dago komunik, garajea ezin da erabili, hainbat zonaldetan kiratsa jasanezina da... "Hori nahikoa ez balitz, osasun zentroak ez du bizigarritasun baimenik", salatu dugu.