LAB SINDIKATUA

2017/11/23 :: 2:37

Azken Eguneraketa:2017/11/22 :: 14:42

HIZKUNTZA
Hemen zaude: FEDERAZIOAK ZERBITZU PUBLIKOAK Udal eta Foru Administrazioa

Udal eta Foru Administrazioa

Ez gara enpresa batzordean hartutako akordioaren parte, Gasteizko Udaltzaingoaren gatazkaren diagnosiarekin ados egon arren

E-posta Inprimatu PDF fitxategia
Nabarmena da udaltzaingoaren plantila txikiegia dela. Bete gabe dauden lanpostuak, ordezkatzen ez diren bajak eta lan hitzarmenak araututako zenbait eskubide gozatzeko dituzten mugak, ukaezinak dira. Udaltzaingoaren plantilak dituen arazoak, berezitasunak berezitasun, orohar gainontzeko udal langileek dauzkaten arazo berberak dira: udal langileen behin-behinekotasun tasa %40a baino altuagoa da; 2006tik ez dugu lan hitzarmenik sinatu; bi urte daramatzagu udal gobernu honekin akordio bat lortu nahian... Baina Udal Gobernuak bere burua ezgauzatzat jotzen du honi irtenbidea emateko. Soilik Madrilgo Gobernuak baimentzen diena egin dezakete: estatuko aurrekontuek ezartzen duten soldata, eta larriagoa dena, plantila langile finkoekin betetzeko behar diren lanpostu guztiak deitzeko debekua.

Eudel Madrilen agindupean dagoela salatu dugu

E-posta Inprimatu PDF fitxategia

Gaur bildu da Udalhitzeko mahaia, berriz ere hitzarmen honen inguruan hamaikagarren buelta emateko eta 2008. urtean sinatu zena oraindik ere bete gabe dagoenean, beste bat negoziatzeko. Zertarako? Gerora ere beteko ez bada? Eta zergatik ez da beteko? Bilera egiten zuten bitartean, elkarretaratze bat egin dugu Bilbon, Eudelen egoitzaren aurrean, gure haserrea adierazteko.

Donostiako Udalak eskubideak deuseztatzen jarraitzen duela salatu dugu

E-posta Inprimatu PDF fitxategia
LABek salatzen du udal gobernu talde neo-liberalak eta eskuindar honek (PNV-PSE), alkatea buruan eta Viles jauna ariete gisa, Zerbitzu Publikoen kudeaketan agindu behar duten berdintasun eta inpartzialtasun oinarrizko printzipioak desegiten ari dela.

EAJk eta PSEk langileekiko duten politika salatu dugu Erandion

E-posta Inprimatu PDF fitxategia

LAB, ELA eta UGT sindikatuok bat egin dugu Erandiko Udalaren jarreraren aurka egiteko. Hain justu, hainbat mobilizazioetara deitu dugu arrazoi horrengatik. Azaroaren 10ean, Herritaren Arreta Bulego berria irekitzeko ekitaldian egon ginen gure salaketa kaleratzen.

Bilboko lorezaintza zerbitzuan ematen ari den diskriminazioan oinarritutako kontratazioa gainditzeko deia egin diogu Udalari

E-posta Inprimatu PDF fitxategia
Espacios Verdes Bilbao URBASER-CYCASA Aldi Baterako Enpresa Elkartea da Bilboko parke eta lorategien mantenu-zerbitzua kudeatzen duen enpresa. LABeko atal sindikalak salatu nahi du enpresa udatik hona egiten ari den kontratazioetan ematen ari den prekarizazio kezkagarria.

Epaitegietara jo dugu Arabako Gizarte Ongizaterako Foru Erakundearen aurka, zerrenda subsidiarioen lanerako eskubidearen alde

E-posta Inprimatu PDF fitxategia

Bide hau erabiliz, maiatzaren 16an Gizarte Ongizateako Diputatuak argitaratutako agindu foralak bertan behera uztea eskatzen dugu. Foru agindu horietan, Arabako Gizarte Ongizaterako Foru Erakundean (GOFE) data hori baino lehenago lan egin ez dutenei aldi baterako lanerako Zerrendetan Subsidiarioetan parte hartzea oztopatzen zaie. Honen guztiaren berri gaur eman dugu, epaitegien atarian, salaketa jartzeko unean.

Gasteizko Udaleko Ordenantza Fiskalen akordioak ez ditu gasteiztarren interesak lehenesten

E-posta Inprimatu PDF fitxategia
PP eta EAJk Gasteizko Udaleko Ordenantza Fiskalen gainean gauzaturiko akordioa dela eta, LAB sindikatuak horren aurrean bere erabateko ezadostasuna adierazi nahi du publikoki. Akordio horrek 2018rako ezarririko zerga, tasa eta prezio publikoetatik jasoko den diru-bilketa baldintzatuko du. Adosturiko neurrien artean, ekonomia-jardueren gaineko zerga da gehien kezkatzen eta arduratzen gaituena. Bertan, milioi bat eta bi milioiren arteko fakturazioa duten enpresek %50ko hobaria izango dutela dago jasoa.

Langileek Agurain eta Dulantziko araztegiak ez doazela batere ondo salatu dute

E-posta Inprimatu PDF fitxategia
Agurango araztegiko langileek Agurain eta Dulantziko araztegiak ez doazela batere ondo salatu dute gaur ohar bidez. Hori gutxi balitz, salatu dute dauden hutsuneak langileekin bete nahi dituztela, horretarako lanbaldintzak are gehiago kaskartzen dituen 24 orduko etengabeko zainketa zerbitzua ezarriz. Agurango langileek hainbestetan aipatutako aldaketak behingoz gauzatzea espero dute (ur partzuergoa, araztegi berriak, inbertsioak...).

Bilboko Udala udaltzaingoan EPE bateratuak egiteko proiektura batzea arbuiatu dugu

E-posta Inprimatu PDF fitxategia

LAB eta ELA sindikatuok uste dugu eredu honekin ez dela gertuko polizia bat bermatzen, Bilboko udalak defendatzen duen bezala, eta udalean negoziazio kolektiborako eskubidea urratzen dela.

Elkarretaratze bat egin dugu Erandion, udalaren enplegu eta pertsonal politika salatzeko

E-posta Inprimatu PDF fitxategia

Lanpostu finkoak suntsitzen eta lan prekarioa sustatzen ari da udal gobernua (PNV-PSOE). Egoerak okerrera egiten du egunetik egunera.

Ez dugu biharko EUDELen mahai negoziatzailean parte hartuko

E-posta Inprimatu PDF fitxategia
Maiatzaren 31ko EUDELeko bileran LABek mahaitik altxatzea erabaki zuen seriotasunik ez zegoelako behar bezalako negoziazio bat egiteko. Atzo jaso genuen EUDELen erantzuna eta ikusten da LAB mahaitik altxatzeak eragin azkarra izan duela, aurrerapausuak egon dira. Behintzat erantzun egin digute. LAB altxatu zenetik, mahai horretan ezohikoa den azkartasunez egin dituzte mugimenduak. Beraz, gure erabakia egokia izan zela ondorioztatu dezakegu. Baina zoritxarrez, ez dago elementu nahikorik oraindik behar bezalako bermeekin biharko ekainaren 14rako deitu duten mahaira bueltatzeko.

EAJ enplegua prekarizatzen ari da Aguraingo Udalean

E-posta Inprimatu PDF fitxategia
Aguraineko Udala, Kulturbide enpresako langileak prekarizazioa eta murrizketa egoerara eramaten ari dela salatu nahi du LAB sindikatuak. EAJk kudeatzen duen Aguraingo Udalak, luzapena sinatu zuen Kulturbide enpresarekin Gaztelekuaren kudeaketarako. Honek ez du betetzen Aisia Hezitzaile eta Animazio Sozio-Kulturaleko Hitzarmena betetzen, 2016ko azaroaren 9an sinatutakoa. Hitzarmen hori ez betetzeak Kulturbideko langileen lan-baldintzak okertzea dakar.

Gasteizko udaletxeko langileek itxialdia hasi dute

E-posta Inprimatu PDF fitxategia

Bi urte pasa dira EAJ Gasteizko udalera heldu zenetik. Ordutik ona ez du bere hitza bete, ez du murrizketetan atzera egin ezta ere langileen lan baldintzak negoziatu. Hasieran baino okerrago gaude. Eskaini zigutena mahai gainetik kendu dute, zinegotzia aldatu ondoren soldata igoeraren akordioari ezezkoa eman diote eta 20 urte lanean daramaten langileei ez diete lanpostua zihurtatzen. 1000 lanpostu bakante daude baina 200 lanpostu betetzeko LEPa eskaintzen digute. Guzti honen aurrean mobilizazioei ekitea erabaki dugu, itxialdian egitea erabaki dugu.

Udalhitzen negoziazio mahaitik altxatu gara

E-posta Inprimatu PDF fitxategia
Udalhitzen negoziazio mahaiko azken bileran, atzo, LABek negoziazio mahai horretan ez jarraitzea erabaki zuen. Askotan salatu dugu EUDELek ez duela beharrezkoa den seriotasunez jokatzen eta euren hauteskunde interesen arabera dabiltzala lanean beti. Bake soziala lortu nahirik, negoziatzen ari garen irudia eman nahi dute, baina gu ez gaude bide hori egiteko prest.

Arabako Gizarte Ongizaterako Foru Erakundeko zerrenda irekieran irregulartasunak salatu ditugu

E-posta Inprimatu PDF fitxategia
Azaroaren 18ko 2009/46 agindu foralak zehazki esaten du zerrenda hauetara sartu ahalko dela nahi duen eta beharrezko titulazioa duen oro, deialdi honek eragozten duen zerbait, administrazio honetan lan egin izana ere exijitzen duelako. Horregatik, legea urratzen dute horren jakitun izanda.

Suhiltzaileak gerra kontuetatik kanpo nahi ditugu

E-posta Inprimatu PDF fitxategia
Saudi Arabiarako arma-kargamentu batean, segurtasun-taldean parte hartzeari uko egiteagatik, Uriosteko suhiltzaile-etxeko lankide bati diziplina-espedientea zabaldu diote. LABek, gertatutakoa salatzeaz gain, Eusko Legebiltzarrari eta Bizkaiko Batzar Nagusiei eskatzen diegu armen ekoizpen, salmenta eta bidalketaren inguruan Europak emandako ebazpenak betetzeko.

Gasteizko Udalean benetako negoziazioa eman dadila eskatuko dugu bihar

E-posta Inprimatu PDF fitxategia

Hitzarmenaren negoziazioan inposaketak ez ditugu onartuko, eta, hori dela eta, manifestaziora deitu dugu. Protesta 19:00etan irtengo da San Anton plazatik.

Kalitatezko aniztasun funtzionaleko sektorea aldarrikatu dugu

E-posta Inprimatu PDF fitxategia

Aniztasun funtzionaleko pertsonekin ari diren langileek mobilizazioa egin dute Bizkaiko Foru Aldundiaren parean kalitatezko aniztasun funtzionaleko sektorea aldarrikatzeko. Hain zuzen ere zerbitzuen pribatizazioak ondorio larriak izan ditu bai langileen lan baldintzetan baita eskaintzen den zerbitzuan ere. Horregatik bestelako eredu bat aldarrikatzen dute langileek.

Arabako Foru Aldundiko EPEa

E-posta Inprimatu PDF fitxategia
2016ko Arabako Foru Aldundiko EPEaren gaitegi orokorrerako materiala.

Azpikontratatutako enpresen ari direnen lan-baldintzak aztertzeko eskaera egin diogu Amurrioko Udalari

E-posta Inprimatu PDF fitxategia

Azpikontratetan lan egiten duten langileen lan-baldintzak kezkatuta, gaur goizean sarrera bat erregistratu dugu Amurrioko Udalean. Adibidez kiroldegiko langileek greba mugagabea hasi dute langileen egoerak hobera egin dezan eskatuz. Baina kiroldegiaz gain, beste hainbat zerbitzu publiko azpikontratatuak daude Amurrion, eta enpresa horietan dauden langileen egoerak ere kezkatzen gaitu.

Basauriko Udalean ere, enpleguaren alde eta lan baldintza duinen defentsan

E-posta Inprimatu PDF fitxategia

Lan eta zerbitzuen azpikontratazioa Euskal Herriko instituzioak gobernatu dituzten alderdien erabakia izan da; bereziki EAJ-PNV, PSE eta UPNrena. Langileontzat ondorio larriak ekarri dituen erabaki politikoa izan da. Erabaki honen ondorioz lan baldintzek txarrera egin dute. Gainera, krisiaren ondorioz, enplegua suntsitu eta lanpostuak galdu dira azpikontratazioetan.

Page 1 of 6