LAB SINDIKATUA

2018/04/20 :: 8:50

Azken Eguneraketa:2018/04/19 :: 13:25

HIZKUNTZA
Hemen zaude: FEDERAZIOAK ZERBITZU PUBLIKOAK Zerbitzu Soziokomunitarioa

Zerbitzu Soziokomunitarioa

Lanbide arteko gutxieneko soldatarekin ez jolasteko exijitu diogu Tasubinsari

E-posta Inprimatu PDF fitxategia

Enplegu zentro bereziari hitzarmena betetzeko eskatu diogu, Iruñeko Justizia Jauregiaren aurrean.

Nafarroako Adingabeen Zuzendariordetzara jo dute Xilema eta Nuevo Futuroko langileek

E-posta Inprimatu PDF fitxategia

Laster adingabeen esku-hartze sozialeko zenbait programa esleituko ditu Nafarroako Gobernuak, eta horretan lan egiten duten Xilema eta Nuevo Futuro enpresetako langileek sinadurak bildu eta aurkeztu dituzte haien egoera salatzeko. 

Lanuzteekin jarraituko dute Busturiako Arrotegi helduen egoitzan

E-posta Inprimatu PDF fitxategia

Legeak eskaintzen dizkien baliabide guztiekin borrokatzen jarraituko dutela iragarri dute langileek, lan eskubideen defentsan.

Hirugarren lanuztea egin dute Arabako etxez etxeko langileek

E-posta Inprimatu PDF fitxategia

Batzarra, kalejira eta protesta egin dituzte Arabako Foru Aldundiaren aurrean, euren lan eskubideen defentsan. Datorren asteazkenean, martxoak 28, jarraipena emango diete mobilizazioei, aurreko asteetan egin bezala.

Arabako Etxez Etxeko Laguntza Zerbitzuko langileek lanuzteekin jarraitzen dute

E-posta Inprimatu PDF fitxategia

Biharko, martxoaren 15erako, deituta dagoen mahai negoziatzailean LABek ere parte hartuko du, eta plataforma bateratu bat aurkeztuko diogu patronalari. Hau guztiari indarra emateko, eta sektore honen borrokarako gogoak erakusteko, kalejira bat egin dugu gaur Gasteizen, eta Arabako Foru Aldundiaren aurrean egindako elkarretaratzearekin amaitu dugu protesta. 

Ipar Euskal Herriko zahar etxeetako langileak grebara deitu ditugu

E-posta Inprimatu PDF fitxategia

Ostegunerako, martxoak 15, lanuzteez gain, protestak iragarri ditugu LAB, CFDT eta UNSA sindikatuok. Baionako suprefekturaren aurrean elkarretaratze bat egingo dugu, azken urteetan izandako murrizketak salatzeko. Langileak ez ezik, senideak ere daude deituta, lan baldintzen kaskartzeak zerbitzuaren kalitatean duen eragin zuzena salatzeko.

Amavir Beteluko langileek ordubeteko lanuzteak eginen dituzte martxoko sei egunetan

E-posta Inprimatu PDF fitxategia

Amavir taldeak Betelun duen egoitzako langileok lanuzteak egiteko baimena erregistratu dugu Lan Departamentuan. Lanuzteak martxoan zehar izango dira eta ordubetekoak izango dira. Zehazki, 2018ko martxoaren 11n, 17an, 18an, 24an, 25ean eta 31n egingo ditugu.

Mugimendu Feministarekin eta martxoaren 8ko grebarekin duen konpromisoa dela eta, ez dugu egun horretan Arabako etxez etxeko hitzarmen sektorialeko elkarretaratzean parte hartuko

E-posta Inprimatu PDF fitxategia
Honek ez du esan nahi sektoreko lan-borrokak baztertzen ditugunik, martxoaren 8a eta gero Arabako Etxez Etxeko Laguntzako hitzarmen duin baten alde borrokan jarraituko dugu bai hurrengo elkarretaratzetan zein hitzarmenaren negoziaketan. Baina egun honetako konpromisoa sektoretik haratago doa, emakume ororengatik da, lana aitortua izan hala ez izan.

Mobilizazioekin jarraitzen dute ST3 elkarteko langileek

E-posta Inprimatu PDF fitxategia

EDE taldeko langile guztiak hiru orduko lanuztera deitu dituzte gaurko, 10:00etatik 13:00etara. Hain zuzen ere, EDE taldeko ST3 elkarteko langileek greba mugagabe bati ekin diote, euren lanpostuekin zer gertatuko den argitu nahi dutelako. Elkarretaratze bat egin dute gaur, elkartearen egoitzaren aurrean.

Kalera irten dira berriro Bizkaiko etxez etxeko laguntza zerbitzuko langileak

E-posta Inprimatu PDF fitxategia

Bizkaiko etxez etxeko laguntza zerbitzuko langileek hiru orduko lanuztea egin dute gaur, 10:00etatik 13:00etara, zerbitzu eta enpleguaren kalitate hobea eskatzeko. Bilboko udaletxetik Bizkaiko Foru Aldundira manifestazioa egin dute, eta azken asteetako mobilizazioei eman diete segida horrela.

Kanpaina bat abiatuko dugu, Nafarroako Gobernuari eskatzeko zerbitzu sozialen ratioen dekretua hobetu dezan

E-posta Inprimatu PDF fitxategia

Sektore soziokomunitariotik, zerbitzu sozialen egungo egoera aintzat harturik, eta ikusirik Nafarroako Gobernuak ez duela bete zerbitzu sozialen ratioak arautzearen aldeko kanpainaren ondorioz duela bi urte hartutako hitza, hain zuzen ere zerbitzu sozialak arautzen duen dekretua behingoz alda dezaten exijitzeko beste kanpaina bat martxan jarriko du LAB sindikatuak. Gure iritziz, zerbitzu sozialen kalitatearen berme bakarra baita langileen lan osasuna zaintzen duen ratio egokiak lortzea. Euskal Autonomia Erkidegoaren egoerari buruzko irakurketa atzo egin genuen, Bilbon egindako agerraldian.

Bizkaiko erresidentzietako langileen egoera ez da konpondu hitzarmenaren sinadurarekin

E-posta Inprimatu PDF fitxategia

Bizkaiko Helduen Egoitzetako hitzarmenaren balorazioa egin dugu gaur, Bilbon egindako agerraldi batean. Era berean, EAEko parlamentuan aurkeztu den helduen egoitzak arautzeko dekretu proposamenari buruz dugun iritzia eman dugu, eta zerbitzu sozialetan martxan jarriko dugun kanpainaren xehetasunak jakinarazi ditugu. Hain zuzen ere, LABeko soziokomunitario sektoreko arduradunek hartu dute hitza, sektoreko delegatuak ondoan zituztela.

EAJk menpekotasuna duten pertsonen eta zerbitzua eskaintzen dieten emakumeekiko egiten duen apustua agerian utzi du Barakaldoko Udalean

E-posta Inprimatu PDF fitxategia
LAB sindikatuak, Barakaldoko Udaleko atzoko plenoan, sindikatuen dinamikaren baitan aurkeztu zen Etxez Etxeko Lagunta Zerbitzuaren defentsan aurkeztutako mozioaren inguruan honakoa adierazi nahi du: EAJko alkateak bere boterea erabili du mozioa puntuka bozka dadin eragozteko, ulertuta 6tik 5 puntu lehenengoarekin lotuta zeudela, zeinetan zerbitzuaren errebertsioa adosten zen.

Kalera irten da Arabako Etxez Etxeko Laguntzako sektorea

E-posta Inprimatu PDF fitxategia

Araban 800 langiletik gora egiten dute lan Etxez Etxeko laguntzan, eta guztira 2.981 erabiltzaileetatik gora zaintzen dira. Arabako Foru Aldundiak eta Gasteizko udalak azpikontratzen duten zerbitzua dugu hau, hau da, enpresa pribatuen esku geratzen den gizarte zerbitzua dugu. Bada, gaurko lanuzteak deitu dituzte, 12:00etatik 15:00etara, eta elkarretaratze bat egin dute Gasteizen.

Greba mugagabe bati ekin diote ST3 elkarteko langileek

E-posta Inprimatu PDF fitxategia

Joan den otsailaren 15ean, EDE taldeak ST3 elkartearekin lehenbailehen eta ahalik eta erarik traumatiko eta definitiboan amaitzeko asmoen aurrean, ST3ko langileek eurek asanblada bat egin zuten. Greba mugagabea egitea erabaki zuten bertan, gaurtik abiatuta. Hala, elkarretaratze bat egin dute elkartearen egoitzaren aurrean, bizi duten egoera jasanezina salatzeko: zenbait hilabete daramatzate kobratu gabe eta lanean jarraitu dute euren lanpostuekin zer gertatuko zen jakin gabe. EDE Taldeko arduradunek ST3 likidatzea eta bertako langileen kontratuak amaitzea eskatu dutela joan den otsailaren 12an jakin zuten langileek.

Beteluko AMAVIR egoitzako langileek bizi duten lan gatazkari konponbide bat bilatzea eskatu diote Nafarroako Parlamentuari

E-posta Inprimatu PDF fitxategia

Eskubide Sozialen Batzordean hartu dute hitza langileek, eta zaharren egoitzako helduei zaintza egokia emateko lan baldintzarik ez dutela salatu dute. Agerraldia egin duten bitartean, elkarretaratze bat egin dute kanpoaldean, lan baldintza duinen defentsan.

Enpleguaren kalitatea hobetzeko eskatu dute Bizkaiko etxez etxeko laguntza zerbitzuko langileek

E-posta Inprimatu PDF fitxategia

Bizkaiko etxez-etxeko laguntza zerbitzuko langileek hiru orduko lanuztea egin dute gaur, 10:00etatik 13:00etara, zerbitzu eta enpleguaren kalitate hobea eskatzeko. Mobilizazio honen harira, elkarretaratze bat egin dute Santurtziko udaletxearen aurrean, udalbatza egiten ari ziren bitartean. Bilbon ere elkarretaratze bat egin dute, udaletxearen aurrean ere, plenoa egiten zuten bitartean.

Lanuzteak iragarri dituzte Bizkaiko etxez etxeko laguntza zerbitzuko langileek

E-posta Inprimatu PDF fitxategia

Mobilizazioak egitera behartuak daudela azaldu dute gaur, komunikabideen aurrean egindako agerraldi batean. LAB, ELA, UGT eta USO sindikatuok patronalari dei egin diogu, "behingoz eseri eta sektorea duintzeko pausoak eman ditzan".

Lan eskubideen defentsan irten dira kalera Bizkaiko Aspaceko langileak

E-posta Inprimatu PDF fitxategia

Zuzendaritzari eskatu diote langileekiko "benetako apustu bat" egitea. Hori gertatu ezean, mobilizazio gehiago deitzea ez dutela baztertzen ohartarazi dute. Gaurko bi elkarretaratze aurreikusi dituzte Bilbon; horietako bat goizean egin dute, Julio Urquijo kaleko Aspaceko egoitza nagusiaren aurrean.

Arabako Gizarte Ongizate Foru Erakundeak baietza eman dio APDEMA eta enpresa batzordearen arteko aurreakordioari

E-posta Inprimatu PDF fitxategia

Gizarte Ongizate Foru Erakundeak baietza eman dio Adimen-Ezintasuna duten Pertsonen aldeko Arabako Elkarteak (APDEMA) eta Enpresa Batzordeak (LAB, ELA, CCOO) sinatutako aurrekordioari. APDEMAko Enpresa Batzordeak ondo deritzo aurrekordio hau izenpetzeari, azken urteetan galdutako lan baldintzak berreskuratzen delako eta familia eta adimen urritasun duten pertsonei emandako zerbitzu publikoen kalitatea hobetzen delako.

Page 1 of 10