LAB SINDIKATUA

2019/01/18 :: 7:01

Azken Eguneraketa:2019/01/18 :: 9:35

HIZKUNTZA
Hemen zaude: FEDERAZIOAK ZERBITZU PRIBATUAK Kontserberak Bizkaiko Kontserberetako herrialdeko hitzarmena eraberritzeko indarra eman diote LABi sektoreko langileek

Bizkaiko Kontserberetako herrialdeko hitzarmena eraberritzeko indarra eman diote LABi sektoreko langileek

E-posta Inprimatu PDF fitxategia
Partekatu albistea

Bizkaian sektoreko enpresa guztietan LABek burutu duen sinadura bilketan, %50a baino gehiagok sinatzea lortu da. Hitzarmena eraberritu behar dela aldarri egiten du langileen gehiengoak. Patronalak blokeatzen du hitzarmena, baina aldi berean, ELA (gehiengoa du sektorean) eta CCOO eta UGTren aldetik ere, blokeo hori gainditzeko borroka planteamendurik ez dago.


LAB mobilizatzera deitzen ari da (lanuzteak, kontzentrazioak, sinadurak...), eta indarrak biltzera maiatzaren 20an egindako proposamenaren inguruan. Proposamen gauzagarria eta mami duina duena, beste herrialdeko hitzarmen batzuetan sinatzea lortu dena.

Patronalak mahai negoziatzailea blokeatuta daukan heinean, prest azaldu da maiatzaren 20an LABek egindako proposamena negoziatzera sindikatuon gehiengoaren oneritzia izango balu, une honetan ez duena, ELAk ez baitu berea egiten.

ELAk, une honetan gutxi gora beherako %40aren ordezkaritza duenak sektorean (azken hauteskunde sindikalen arabera), Mahai Negoziatzailean duela 7 urte zeukan ordezkaritzari eusten dio Mahaia blokeatzeko erabiliaz (Mahaia 2008an sortu zen eta une honetan mantendu egiten dira garai hartako ordezkaritzak), Hitzarmena eraberritzeko planteamendurik egin gabe. Gaur egun gehiengorik ez badauka, zergatik inposatu nahi digu bere estrategia sindikala?

Ulertezina egiten zaigun jarrera hartu du ELAk Bizkaiko Kontserba Hitzarmenean, ulertezina Bizkaian holako jarrera edukitzea eta aldi berean Araban, Ehun Merkataritzan herrialdeko hitzarmena sinatzea, LABek Kontserbetarako proposatzen duena baino mamiz askoz txarragoa. Ultraktibitate gabe sinatu du Hitzarmena, inaplikazio klasula gabe, 2013an soldata igoera gabe eta 2014rako %0,70 igoerarekin (KPIari erreferentziarik egin gabe eta erreferentzia hori desagertze bidean ipiniaz ez baita Hitzarmenean agertzen).

Horregatik diogu ez dugula ELAren jarrera ulertzen hemen, nola ez duen onartzen planteamendu integratzaile bat indarrak batu eta patronalari aurre egin ahal izateko Hitzarmen duina lortzeko bidean; eta bitartean, beste mahai sektorial betetan, askoz Hitzarmen txarrago sinatzen duen. Ez dugu ulertzen, zergatik Araban bai eta hemen ez? Zer dauka ELAk guzti honen atzean? ELAk azaldu beharko du LABek ez baitu ulertzen!

CCOOk bere garaian esan zuen ezer ez zuela planteatuko EAEko Auzitegi Nagusiak 2007–2011 Hitzarmenaren inguruko ebazpenaren aurretik. Zuen informaziorako, epaimahai horrek ebatzi du antzeko Hitzarmen baten inguruan Bizkaiko Metalean, eta ebazpena aurkakoa izan da, sindikatuok aurkeztutako helegitearen aurkakoa, eta ziurrenik Kontserbetan berdina gerta daiteke.

CCOOk eta UGTek euren planteamendu argia mobilizazioen alde egiteaz gain, beste lan gehigarri bat ere badute egiteke, hots, Kontserba Hitzarmen Estataletik laugarren disposizioa desagertzeko lana egitea, hori baita Bizkaian Hitzarmen propioa edukitzea oztopatzen gaituena.

LABek mobilizazio eta negoziazio bidean aurrera egingo du Hitzarmen sektoriala lortu ahal izateko oinarri gisa.

Une honetan daukagun egoera azaltzeko asanblada irekietara deituko ditu sektoreko langileak epe labur batean, eta parte hartu nahi duten sindikatu guztientzat ere irekiak izango dira. LABek ez du ezer ezkutatzeko!
 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.