LAB SINDIKATUA

2018/11/18 :: 15:14

Azken Eguneraketa:2018/11/16 :: 11:45

HIZKUNTZA
Hemen zaude: FEDERAZIOAK ZERBITZU PRIBATUAK Bulego eta despatxuak Mobilizazio egutegi bat proposatu dugu Bizkaiko Bulego eta Langeletarako

Mobilizazio egutegi bat proposatu dugu Bizkaiko Bulego eta Langeletarako

E-posta Inprimatu PDF fitxategia
Partekatu albistea



Sindikatuen arteko gaurko bileran, LABek mobilizazio egutegi bat jarri du mahai gainean eta sindikatu guztiak gonbidatu ditu atxikitzeko, beti ere sindikatuen arteko batasuna mantentzeko eta urrats mailakatuak emateko, piskanaka piskanaka, baina etenik gabe, Bizkaiko Bulegoen eta Langeletako hitzarmena sinatzeko helburuarekin.

Gainontzeko sindikatuei iritzia eskatu diegu mobilizazio egitarau bateratu bati buruz. Hala, gainontzeko sindikatuek erabaki dute euren asanbladei galdetuko dietela eta datorren asteazkena baino lehen erantzun bat emango dutela.

LABek, bere aldetik, jakinarazi du datorren ostegunean ekingo diola lanari, proposatutako mobilizazio egutegia ardatz. Hala, LABek espero du sindikatu guztiek bat egitea lan horrekin.

Gure proposamena, laburrean
Lehen fasea. Informazioa, propaganda eta sektorearen egoeraren hedapena, enpresetan bereziki, eta asanbladak gauzatzea.

Bigarren fasea. Sektoreko langileei deia, mobilizatu daitezen.

Hirugarren fasea. Mobilizazioen handitze mailakatua. Hainbat ekintza eta lanuzte egingo dira, astebeteko greba batekin bukatzeko.

Gainontzeko sindikatuei jakinarazi diegun bezala, proposamen hau eztabaidari eta ekarpenei irekita dago. LABen oso garbi dugu borrokak eta guztion batasunak soilik ahalbidetu dezaketela hitzarmenaren sinatzea. Datozen egunetan gertatzen dena gertatuta ere, guk oso garbi dugu eginbeharrekoa, eta patronalaren xantaiaren aurka borrokatuko dugu.
 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.