LAB SINDIKATUA

2018/12/19 :: 6:03

Azken Eguneraketa:2018/12/18 :: 17:05

HIZKUNTZA
Hemen zaude: FEDERAZIOAK ZERBITZU PRIBATUAK Bulego eta despatxuak

Bulego eta despatxuak

 

Bizkaiko bulego eta langeletako sektorean elkarrekin borrokan jarraitzeko beharra nabarmendu dugu

E-posta Inprimatu PDF fitxategia

Bizkaiko Bulego eta despatxuetako hitzarmena negoziatzen ari garen LAB, ESK, CGT eta CNT sindikatuok gure kezka adierazi nahi dugu sindikatuen arteko batasuna apurtu delako, hura barik nekez lortuko dugulako geure helburua: hitzarmen duina.

Bulego eta langeletako langileen aldarria Euskalduna jauregira iritsi da

E-posta Inprimatu PDF fitxategia
Bilboko Euskalduna jauregian inauguratu dituzte gaur Basque Industry 4.0 jardunaldiak, eta bertan egin dute protesta Bizkaiko bulego eta langeletako langileek, hitzarmen duin baten defentsan. Hain zuzen ere, oihuen artean eten dute Ekonomia Garapenerako eta Azpiegituren kontseilari Arantxa Tapiaren hitzaldia. Ondoren, protesta kanpoaldera eraman dute, elkarretaratze baten bitartez.

Mobilizazio egutegi bat proposatu dugu Bizkaiko Bulego eta Langeletarako

E-posta Inprimatu PDF fitxategia

Sindikatuen arteko gaurko bileran, LABek mobilizazio egutegi bat jarri du mahai gainean eta sindikatu guztiak gonbidatu ditu atxikitzeko, beti ere sindikatuen arteko batasuna mantentzeko eta urrats mailakatuak emateko, piskanaka piskanaka, baina etenik gabe, Bizkaiko Bulegoen eta Langeletako hitzarmena sinatzeko helburuarekin.

Hitzarmen duin bat aldarrikatu dute Bizkaiko Bulego eta Langeletako langileek

E-posta Inprimatu PDF fitxategia

Bizkaiko Bulego eta Langeletako langileak kalera irten dira berriro, hitzarmen duin baten defentsan. Hain zuzen ere, Euskal Encounterren inaugurazioan izan dira protestan, joan den asteartean egindako agerraldian iragarri bezala.

Bizkaiko Bulego eta Langeletako langileak ostegunean irtengo dira berriro kalera

E-posta Inprimatu PDF fitxategia

Bizkaiko Bulego eta langeletako langileek hilabeteak daramatzate hitzarmen duinaren aldeko borroka eta mobilizazioetan. Gaur, prentsaurrekoa eman dute Foru Aldundiaren aurrean, alderdi politikoekin egindako harremanen berri emateko. Honetaz gain, ekimen berriak iragarri dituzte; ostegunean, esaterako, Euskal Encouterren inaugurazioan egingo dute protesta, 9:30ean.

Bizkaiko Bulego eta Langelak, zergatik deitzen dute negoziazio kolektiboa xantaia baino ez denean

E-posta Inprimatu PDF fitxategia

Hitzarmenaren duinaren aldeko borrokan murgilduta daude Bizkaiko Bulego eta Langeletako langileak. Bizkaiko Batzar Nagusietako Enplegu, Inklusio sozial eta Berdintasuneko Batzordeak, joan den asteartean, uztailaren 17an arauz besteko proposamen bat izan zuen eztabaidagai, Foru Aldundiak Bulego eta Langeletako sektoreko langileen aldarrikapenak babes ditzan, CEBEKi dei egin diezaion eztabaida prozesua zabaltzeko eta bere konpetentzia eremutik lan egin dezan lan-baldintzak hobetzean. Proposamena baztertua izan zen EAJ. PSE eta PPren botoekin. Bestalde, datorren ostiralean Euskal encounter-era eramango dute euren protesta.

Bizkaiko Bulego eta Langeleetako langileek manifestazioa egin dute Lantik-etik ETBra

E-posta Inprimatu PDF fitxategia

Udan zehar Bizkaiko Bulego eta Langeletako langileek mobilizazioekin jarraitzen dute, ELA, CCOO, LAB, UGT, ESK, CGT eta CNT sindikatuen babesarekin. Hitzarmen duina eskatzen dute sektorerako, eta euren lan baldintzak okertu nahi dituztenak salatu nahi dituzte.

Gaur, kontzentrazioa egin dute Lantikeko egoitzaren aurrean eta bertatik, manifestazioa egingo dute EITBren egoitzaraino, Lekuona Margolaria, Sabino Arana, Montevido, Gurtubuy eta Basurtuko Kaputxinoen kaleetan zehar.

Bizkaiko bulego eta langeletako langileak berriro irten dira kalera

E-posta Inprimatu PDF fitxategia

Atzokoaren ostean, bigarren greba eguna egin dute gaur. Mobilizazioak ez dira falta izan; Bilbon egindako manifestazioa, kasu.

Bulego eta langeletako langileen borroka ardatz izango du Bulegune ekimenak

E-posta Inprimatu PDF fitxategia

Apirilaren 25 eta 26rako deitutako bi greba egunak gauzatu arte egongo da egokituta, Bilboko Arriaga plazan.

Bizkaiko bulego eta langeletako langileek mobilizazio gehiago iragarri dituzte; bi greba egun, tartean

E-posta Inprimatu PDF fitxategia

Patronalak negoziazio-mahaian erakutsi duen jarrera ikusita, LAB, ELA, ESK, CGT eta CNT sindikatuok, sektoreko gehiengoa izanik, mobilizazio gehiago egingo ditugu datozen asteetan; apirilaren 25 eta 26rako deitutako bi greba egunak, kasu. "Hitzarmena negoziatzeko azken bi bileretan, aurrera egin beharrean, CEBEK eta haren inguruko enpresek negoziazioa blokeatu dute, eta ohartarazi digute hitzarmena okertzeko baino ez dutela negoziatuko", adierazi dugu, Bilbon gaur egindako agerraldian.

Arrakastatsutzat jotzen dugu atzoko Bizkaiko bulego eta langeletan egindako greba

E-posta Inprimatu PDF fitxategia

Grebak %70eko jarraipena izan zuen eta milaka langilek manifestazioa egin zuten Bilbon. Eskatuko dugu datorren otsailaren 14an, negoziazio-mahaia Lan Harremanen Kontseiluan batzartuko den egunean, argi dezala antzinatasuna eta gutxieneko bermea, aurreko hitzarmenean mantentzen ziren bezala, ia marra gorria den eurentzat eta honen inguruko aldaketak planteatzen baldin badituzte, ia hauek zeintzuk izango diren.

"CEBEK-ek lapurtu nahi dizkigun eskubideak defendatzea erabaki dugu"

E-posta Inprimatu PDF fitxategia

LAB, ELA, ESK, CGT eta CNT sindikatuok egun osoko greba egin dugu gaur Bizkaiko bulego eta langelen hitzarmenak eragiten dien sektoreetan. Hitzarmenaren negoziazioari bultzada emateko helburuarekin deitu dugu mobilizaziora, eta hainbat ekimen gauzatu ditugu goizean goizetik. Bilboko Arriaga plazatik eguerdian abiatutako manifestazioa izan da mobilizazio nagusia, baina, aurretik, pikete informatiboak, Zabalburutik manifestazioa eta auto karabana bat egin dituzte, besteak beste; azken hau Zamudioko Parke Teknologikotik abiatuta.

Bizkaiko bulego eta langeletako langileek egun osoko greba egingo dute ostegunean

E-posta Inprimatu PDF fitxategia

LAB, ELA, ESK, CGT eta CNT sindikatuok egun osoko grebara deitu dute ostegunerako Bizkaiko bulego eta langelen hitzarmenak eragiten dien sektoreetan. Hitzarmenaren negoziazioari bultzada ematea da sindikatuen helburua. Hala azaldu dute gaur Bilbon, mobilizazioen berri emateko egindako agerraldian. Hitzordu nagusiena 12:00etan izango da, Bilboko Arriaga plazatik abiatuko den manifestazioa.

Bizkaiko bulego eta langeletako langileek manifestaziora deitu dute biharko

E-posta Inprimatu PDF fitxategia

Bihar, urtarrilak 18, 19:00etan, manifestazio bat egingo dute Bizkaiko bulego eta langeletako langileek, Plaza Zirkularretik abiatuta. Otsailaren 1ean, berriz, greba eguna egingo dute. "Mobilizazio hauek ez dira egitarau baten amaiera, hasiera baino ez da. Greba deialdi honetatik aurrera, mobilizazio dinamika areagotuz joango gara, gure helburua lortzeko: herrialdeko hitzarmen duin bat", jakinarazi dute.

Lan zentroen aurrean egin dute protesta Bizkaiko bulegoetako eta langeletako langileek

E-posta Inprimatu PDF fitxategia

Bizkaiko bulegoetako eta langeletako langileak borrokan dira, hitzarmenaren defentsan. Hala, negoziazioaren blokeo egoera ikusita, mobilizatzea erabaki dute eta, bide horretan, protesta egitarauaren harira, lan zentroen aurrean elkarretaratzeak egin dituzte gaur.

Hitzarmenaren hileta eszenifikatu dute Bizkaiko bulego eta langeletako langileek

E-posta Inprimatu PDF fitxategia

Bizkaiko bulegoetako eta langeletako langileak borrokan dira, hitzarmenaren defentsan. Hala, negoziazioaren blokeo egoera ikusita, mobilizatzea erabaki dute eta, bide horretan, protesta egitarau bat prestatu dute. Mobilizazioen artean lehena gaur egin dute Bilbon. Hain zuzen ere, BBVA, Kutxabank eta LANTIKen aurrean egin dute protesta.

Bizkaiko bulego eta langeletako langileek mobilizatzera deitu dute

E-posta Inprimatu PDF fitxategia

Bizkaiko bulego eta langeletako hitzarmenaren negoziaketa berrerarazi zenetik zortzi hilabetetan izandako 10 bileren ondoren, CEBEK Patronalak proposamen bat helarazi digu, LAB eta ELA sindikatuon ikuspuntutik (gehiengo osoa osatzen dugun sindikatuon aburuz, alegia) sektoreari burla, iseka, mespresu egitea beste kalifikatiborik merezi ez duen proposamena. Hori dela eta, mobilizazio egutegi bat prestatu dugu, eta protesten artean lehena astelehenean izango da. Hain zuzen ere, elkarretaratzeak egingo ditugu Bilbon, BBVA, Kutxabank eta LANTIKen aurrean. Honen guztiaren berri gaur eman dugu, Bilbon egindako agerraldi batean.

Bizkaiko bulegoetako langileek manifestazio bat egingo dute gaur, hitzarmenaren alde

E-posta Inprimatu PDF fitxategia

LAB eta ELA sindikatuok deituta, Bilboko Plaza Biribilatik abiatuko dugu protesta, 19:00etan. Bost urte hitzarmenik gabe egon ostean, aurtengo otsailean azkenean eratu zuten Bizkaiko Bulego eta Despatxuetako hitzarmena negoziatu behar duen mahaia. Patronalak krisialdia erabakitzat jo eta sektorea arautu gura zuelakoan geunden, baina zortzi hilabete igaro eta zazpi bilera egin ostean, haren asmo bakarra soldatak mugagabe izozteko oniritzia ager genezan zen. Eta ez dugu halakorik onartuko. Hau dela eta, mobilizatuko gara.

Hitzarmen duin bati bide emango dien negoziazioak ireki daitezen aldarrikatuz antolatutako mobilizazioetan parte hartzera deitzeko du LABek

E-posta Inprimatu PDF fitxategia
Azken bi hilabetean, CEBEK enpresaburuen elkartearekin eta aipatu elkarteak ordezkatzen dituen enpresekin egin negoziazioak askatzeko LABek ganorazko proposamenak egin ostean, azken proposamena baztertuz eta negoziazioak euren erabakiz bertan behera utziz, elkarrizketa hautsi behar zela erabaki du patronalak. Honen aurrean LABek mobilizaziorako deia egiten du. Datorren hitzordua bihar, hilak 2, CEBEKen aurrean.

La negociación del convenio de oficinas y despachos de Bizkaia ha finalizado sin acuerdo

E-posta Inprimatu PDF fitxategia
A pesar de los esfuerzos que la parte sindical ha realizado la negociación del convenio de oficinas y despachos de Bizkaia ha finalizado sin acuerdo. A lo largo de la negociacion los sindicatos han realizado concesiones dirigidas a facilitar que la otra parte pudiera sumarse al esfuerzo negociador. Pero ninguno de los intentos han servido para que la patronal renuncie a ninguna de sus exigencias.

Page 1 of 2

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.