LAB SINDIKATUA

2018/07/21 :: 15:42

Azken Eguneraketa:2018/07/20 :: 12:12

HIZKUNTZA
Hemen zaude: FEDERAZIOAK ZERBITZU PRIBATUAK

Zerbitzu Pribatuak

Zerbitzu pribatuetako albisteak.

Bizkaiko Bulego eta Langelak, zergatik deitzen dute negoziazio kolektiboa xantaia baino ez denean

E-posta Inprimatu PDF fitxategia

Hitzarmenaren duinaren aldeko borrokan murgilduta daude Bizkaiko Bulego eta Langeletako langileak. Bizkaiko Batzar Nagusietako Enplegu, Inklusio sozial eta Berdintasuneko Batzordeak, joan den asteartean, uztailaren 17an arauz besteko proposamen bat izan zuen eztabaidagai, Foru Aldundiak Bulego eta Langeletako sektoreko langileen aldarrikapenak babes ditzan, CEBEKi dei egin diezaion eztabaida prozesua zabaltzeko eta bere konpetentzia eremutik lan egin dezan lan-baldintzak hobetzean. Proposamena baztertua izan zen EAJ. PSE eta PPren botoekin. Bestalde, datorren ostiralean Euskal encounter-era eramango dute euren protesta.

Gasteizko epaitegien aurrean mobilizatu gara CUTi adierazteko ez gaituztela isilduko

E-posta Inprimatu PDF fitxategia

CUTek gure aurka jarritako demandaren inguruko epaiketarekin batera, kontzentrazioa egin dugu Gasteizko Justizia Jauregiaren aurrean sasi-sindikatu honi, isilduko ez gaituztela adierazteko.

Agerraldia egin dugu gaur Donostian, merkatalgune handi gehiagori ezetz esateko

E-posta Inprimatu PDF fitxategia

Gaur goizean, agerraldia egin dugu Donostiako Udaletxean, beste hainbat eragilerekin batera, Gipuzkoan merkaltalgune handi gehiago nahi ez dugula adierazteko.

CUT eta Garbialdiri isilduko ez gaituztela adieraziko diegu bihar Gasteizko epaitegietan

E-posta Inprimatu PDF fitxategia

CUT sasi-sindikatuak, jatorria Txagorritxuko Ospitalean duenak, auzitara eraman gaitu, GARBIALDI enpresarekin duen elkar hartze makurra salatzeagatik. Enpresa hau da Osakidetzako Arabako ESIko zentroetako garbiketako emakida duena. Zehazki, eurekiko jarrera baztertzea, LABen kartelak zentroetako iragarki-tauletatik kentzea, eta ustezko “kalte moralengatik” 600 euro ordaintzea eskatzen du CUTek.

Greba mugagabea Lagupresen, hitzarmen kolektiboa negoziatzeko

E-posta Inprimatu PDF fitxategia
Lagupreseko langileek greba mugagabea hasiko dute bihar, uztailaren 17an, enpresan hitzarmen kolektiboa negoziatzeko. Enpresa Muskizen kokatuta dago, eta katalizatzaileak garbitzen ditu hainbat herrialdetan dauden birfindegietan, besteak beste, Petronorrek Euskal Herrian duenean. Langileei Kataluniako Eraikin eta Lokalen Garbiketako Hitzarmen Kolektiboa aplikatzen diete, euren lan-baldintzak okerragotzen dituena. Enpresak horretarako erabiltzen duen irizpidea da Tarragonan beste lan-zentro bat duela. Langileak Huelvan daude gaur egun, CEPSAko birfindegiko geldialdian katalizatzaileak garbitzen. Hau probestuz, LABek bihar hasiko den greba mugagabea deitu du.

Lizarran dauden Irache taldeko Ribera Ega beilatokietako egoera larriaz ohartarazi nahi dugu

E-posta Inprimatu PDF fitxategia
LAB sindikatuak indar guztiz arbuiatu nahi du langileak Ribera Ega enpresan pairatzen ari diren egoera. Estellerrian hileta zerbitzuak eskaintzen dituen Irache taldeko enpresa horretan gerentzia aldatu zuten duela urte batzuk, eta ordutik okerrera jo dute langileen lan baldintzek; eta horrek, noski, eskaintzen diren zerbitzuen kalitateari ere eragin dio.

DIA dendetan borrokan

E-posta Inprimatu PDF fitxategia

Lanpostuak duintzeko eskaera sendoarekin, ordubeteko lanuztea egin dute gaur Gipuzkoako DIA supermerkatueko langileek. Lanuztearen jarraipena handia izan da, hainbat denda ixtea lortu dute, (Donostiako hiru dendak, Ordizia, Azkoitia, Deba, Bergara eta Legazpi kasu).

Bizkaiko Bulego eta Langeleetako langileek manifestazioa egin dute Lantik-etik ETBra

E-posta Inprimatu PDF fitxategia

Udan zehar Bizkaiko Bulego eta Langeletako langileek mobilizazioekin jarraitzen dute, ELA, CCOO, LAB, UGT, ESK, CGT eta CNT sindikatuen babesarekin. Hitzarmen duina eskatzen dute sektorerako, eta euren lan baldintzak okertu nahi dituztenak salatu nahi dituzte.

Gaur, kontzentrazioa egin dute Lantikeko egoitzaren aurrean eta bertatik, manifestazioa egingo dute EITBren egoitzaraino, Lekuona Margolaria, Sabino Arana, Montevido, Gurtubuy eta Basurtuko Kaputxinoen kaleetan zehar.

Elkarretaratzeak eginen ditugu egunero, Iruñeko 
La Sangiovesa jatetxeak lau kaleratzeetan atzera egin arte

E-posta Inprimatu PDF fitxategia
Iragan uztailaren 6an jakin zen Iruñeko La Sangiovesa jatetxean lau langile kaleratzeko prozesua abiatua zutela, lau langile horiek LABen ekintza sindikala babestu zutelako hain zuzen ere. Ordutik, sindikatuak atzo bigarren elkarretaratzea egin zuen, eta ortzirale arte egunero eginen du gauza bera, enpresak kaleratzeetan atzera egin arte.

Enpresa-komiteak ustezko “putxerazoa” salatu du Pasaiako Portuko Agintaritzaren kontratazioetan

E-posta Inprimatu PDF fitxategia
Enpresa-komiteak oharra plazaratu du Pasaiako Portuko
Agintaritzak sorturiko 2 lan poltsa deialdietan ustezko iruzurra salatuz.

Ez dugu Nafarroako Elikagaietako Biltegizainen hitzarmena sinatu baldintzen okertzea dakarrelako

E-posta Inprimatu PDF fitxategia
Gaur uztailaren 5ean UGT eta CCOO sindikatuek eta sektoreko patronalak sinatutako aurreakordioa ez sinatzea erabaki du ulertzen duelako ez duelako inolako hobekuntzarik planteatzen, guztiz kontrakoa baino.

Capraboko langileek greba deialdiak bertan behera utzi dituzte enpresarekin akordio bat lortu ondoren

E-posta Inprimatu PDF fitxategia
Capraboko langileak uztailaren 9, 10 eta 11rako greba deialdia egin zuten Eroskik haien lan baldintzak etorkizunean bermatu ditzan. Orain arte Caprabo izan diren 4 denda (Mugazuri, Atarrabia, Santo Domingo eta Artika), Eroski dendak izatera pasako dira.

Greba eta mobilizazio egun berriak Gipuzkoako errepide bidezko bidaiarien garraioaren hitzarmenaren defentsan

E-posta Inprimatu PDF fitxategia

Ekainaren 8an Gipuzkoako errepide bidezko bidaiarien garraioaren hitzarmenean lortutako aurreakordioa betetzeko patronalak erakutsi duen jarrera ezkorraren aurrean langileak greba eta mobilizazio egunak iragarri dituzte. Gaur Diputazioaren aurrean egindako elkarretaratzeari lau greba egun gehituko zaizkie, uztailaren 13, 14, 20, 21ean.

Garbialdiko langileek protestekin jarraitzen dute, Bizkaiko Aldundiak bere hitza bete ez duela ikusita

E-posta Inprimatu PDF fitxategia

Bizkaiko Aldundiak ez du agindutakoa egin; hain justu, ez dio enpresari negoziazioa berreskura dezan eskatu. Hortaz, langileek elkarretaratze bat egin dute gaur Mazarredo Zumardia kalean, Teresa Laespada foru diputatuaren bulegoaren aurrean.

Nafarroako Iturgintza eta Berogintza hitzarmen duina aldarrikatzen dugu sektoreko 3.000 langileentzat

E-posta Inprimatu PDF fitxategia
Nafarroako Iturgintza eta Berogintza hitzarmenaren indarraldia duela 3 urte iraungi zen honetan, CCOO eta UGT-k, Patronalarekin %1,1-eko soldata igoera sinatu dute, sektoreko langileek beraien lan baldintzak hobetzeko behar duten hitzarmenaren negoziaketa osoari heldu gabe, eta beraz, beste behin ere langileen eskubideen defentsari bizkar emanez.

Gasteizko kale garbiketako langileek bihar erabakiko dute grebari hasiera ematea ala ez

E-posta Inprimatu PDF fitxategia

Astebeteko greba iragarrita zuten Gasteizko kale garbiketako langileek, ekainaren 20 eta 26 bitarterako, eta lanuzteen aurretik mobilizazioak ere egin dituzte. Bada, gaur hastekoa zen grebaren atarian, lanuzteen deialdia geratzea erabaki dute langileek, udal gobernuarekin bildu eta honen proposamenak entzun eta gero. Horrenbestez, batzar orokor bat egingo dute bihar langileek, greba bertan behera utzi edo ez erabakitzeko.

Mobilizazioekin jarraitzen dute Gasteizko kale garbiketako langileek, astebeteko grebaren atarian

E-posta Inprimatu PDF fitxategia

Gasteizko kale-garbiketako kontratako langileen egoera gero eta okerragoa dela salatu dute, Andra Mari Zuriaren plazan. Asteazkenean grebari ekingo diote, ekainaren 26a bitartean.

Museo Guggenheim Bilbao Fundazioa kaleratze baliogabeagatik zigortzen zuen epaia berretsi dute

E-posta Inprimatu PDF fitxategia

Ekainaren 14an ezagutu dugu EAEko Epaitegi Nagusiko Lan-Arloko Epaitegiaren epaia, aurtengo urtarrilaren 23an Bilboko Lan Arloko 6. epaitegiaren epaia berresten zuena. Museo Guggenheim Bilbao zigortzen du epaiak, eta baliogabetzat jotzen du kaleratzea, grebarako funtsezko eskubidea urratzen duelako. Kaleratutako langilea berronartzea eta tramitazio soldatez gain, kalte moralengatik 6.251 eurotako kalte-ordain gehigarria ordaintzera zigortzen du epaiak.

Garbialdik eta CUT sindikatuak osatutako "kortijo patronala" salatu dugu Txagorritxun

E-posta Inprimatu PDF fitxategia

Arabako ESIren zentroetako (Txagorritxu, Kanpo kontsultak eta Osasun zentruak) garbiketako kontratetako LAB, ESK, CCOO eta ELA sindikatuetako ordezkariek eta Arabako ESIren Arreta Espezializatuko Langileen Batzordeko ordezkariek Garbialdiko Zuzendaritzak eta Arabako ESIk, CUT sindikatuarekin batera, Garbialdiko zein Osakidetzako langileak muturreko egoerara eraman dituztela salatu dugu gaur, kontzentrazio baten bidez.

Hazparnera iritsiko da igandean "Bizi egunak" dinamika

E-posta Inprimatu PDF fitxategia

Merkataritza, hiri eta kontsumo ereduari buruz gogoeta egitea bilatzen duen "Bizi egunak" dinamikak Hazparnen izango du azken geltokia. Bilbo, Iruñea, Donostia eta Gasteiztik igaro ostean, Ipar Euskal Herrira egingo du jauzia.

Page 1 of 33

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.