LAB SINDIKATUA

2017/12/16 :: 10:11

Azken Eguneraketa:2017/12/15 :: 12:08

HIZKUNTZA
Hemen zaude: FEDERAZIOAK ZERBITZU PRIBATUAK

Zerbitzu Pribatuak

Zerbitzu pribatuetako albisteak.

Lan zentroen aurrean egin dute protesta Bizkaiko bulegoetako eta langeletako langileek

E-posta Inprimatu PDF fitxategia

Bizkaiko bulegoetako eta langeletako langileak borrokan dira, hitzarmenaren defentsan. Hala, negoziazioaren blokeo egoera ikusita, mobilizatzea erabaki dute eta, bide horretan, protesta egitarauaren harira, lan zentroen aurrean elkarretaratzeak egin dituzte gaur.

Bilbon eta Donostian mobilizatu dira gaur Hezkuntza Saila eta EHUko garbiketako langileak

E-posta Inprimatu PDF fitxategia

Mobilizazioekin jarraitzen dute Hezkuntza saila eta EHUko garbiketako langileek. Donostian eta Bilbon egin dituzte gaur protestak.

Galletas Artiach-eko langileek mobilizaziora deitu dute urtarrilaren 3rako

E-posta Inprimatu PDF fitxategia

Bizi proiektu duin eta egonkor bat bermatuko duen enplegu baten alde egiten du enpresa batzordeak. "Jakin badakigu beste langile askok apustu bera egiten dutela, eta, honengatik, langile guztiak gonbidatu nahi ditugu guztiok batera urtarrilaren 3an Bilboko Kale Nagusia zeharkatuko duen manifestazio batean kalera ateratzeko", adierazi dute. Manifestazioa 12:00etan abiatuko da, Plaza Eliptikotik.

MOBELeko langileek deitu dituzten grebei babesa erakutsi diegu

E-posta Inprimatu PDF fitxategia
LAB sindikatutik MOBEL enpresako langileen egoera salatu nahi dugu. Barakaldoko IKEAri ematen dio zerbitzua MOBELek eta pasa den azaroaren 10ean, itxierako EEEa aurkeztu zuen langile guztientzat, 21 finkoak, 4 aldi baterakoak eta 30 ustezko autonomoak. Pasa den astean apurtu zen itxierako EEEaren negoziazioa. Honetatik kanpo utzi dituzte IKEA eta MOBELek usteko autonomoak diren 30 langileak, IKEA dutenak bezero bakar bezala.

Greba mugagabera deitu ditugu Gipuzkoako garbiketa eta zabor bilketa arloko langileak

E-posta Inprimatu PDF fitxategia

LAB, ELA, CCOO eta UGT sindikatuko ordezkariok agerraldi bat egin dugu gaur, Gipuzkoako Kale Garbiketako hainbat langilerekin batera. Hain zuzen ere, Eusko Jaurlaritzaren Lan Delegaritzan Greba Mugagabearen deialdia erregistratu dugula jakinarazi dugu: greba 2017ko abenduaren 20an hasteko deialdia egin dugu, zehazki abenduaren 19an gaueko 21:00etatik aurrera.

Garbialdiko langileek hitzarmen duin bat aldarrikatu dute Bizkaiko aldundiaren aurrean

E-posta Inprimatu PDF fitxategia

Bizkaiko Aldundiko garbiketaz arduratzen den Garbialdi azpikontratako langileek elkarretaratze zaratatsu bat egin dute gaur, LAB, ELA, UGT, ESK eta CCOO sindikatuok deituta. Hain zuzen ere, hitzarmen duin baten defentsan irten dira kalera, eta, aurreratu dutenez, protesta hau "hasiera baino ez da, hemendik aurrera astero mobilizatuko garelako gure aldarrikapenak kontutan har ditzaten lortu arte".

“Turismoaren eraginak eta erantzun posibleak Bilbotarron ahotsetatik” mahai inguruan izan gara

E-posta Inprimatu PDF fitxategia

Abenduaren 1aren eta 2an, #EHTourist “Tourist, are you welcome?” jardunaldiak izan dira Bilbon. LAB bertan izan da turismoak merkataritzan eta bertako langileengan duen eragina azaltzen Merkataritza sektoreko Agurne Gaubekaren eskutik.

Urondo eta Urertza ontzien salmentak 25 lanpostu suntsituko lituzkeela ohartarazi dugu Ondarroan

E-posta Inprimatu PDF fitxategia

Elkarretaratze bat egin dugu Ondarroan, Urondo enpresako bi arrantza ontzi horien salmentak ekarriko lituzkeen ondorioen berri emateko. "Ondarroako portuari eta herriari buelta ezina den galera lazgarria datorkio gainera berriro", adierazi dugu.

Galletas Artiacheko langileek lanuzteak hasi dituzte kaleratzeen kontra

E-posta Inprimatu PDF fitxategia

Atzo, azaroaren 27an, hasi ziren lanuzteak, Enpresa-batzorde osoak deitutakoak UGT kenduta. Jarraipena arrakastatsua izan zen, zuzendaritzak zenbait langile presionatu arren. Lanuztea egin zuten bitartean, lantokiaren kanpokaldean kontzentrazioa egin zuten Orozkon kokatuta dagoen enpresa honetako langileek. Hurrengo lanuztea biharko dago deitua, azaroaren 29rako, eta txanda bakoitzeko ordubetekoa izango da, 9:00etatik 10:00etara eta 17:00etatik 18:00etara.

Hitzarmenaren hileta eszenifikatu dute Bizkaiko bulego eta langeletako langileek

E-posta Inprimatu PDF fitxategia

Bizkaiko bulegoetako eta langeletako langileak borrokan dira, hitzarmenaren defentsan. Hala, negoziazioaren blokeo egoera ikusita, mobilizatzea erabaki dute eta, bide horretan, protesta egitarau bat prestatu dute. Mobilizazioen artean lehena gaur egin dute Bilbon. Hain zuzen ere, BBVA, Kutxabank eta LANTIKen aurrean egin dute protesta.

Bizkaiko bulego eta langeletako langileek mobilizatzera deitu dute

E-posta Inprimatu PDF fitxategia

Bizkaiko bulego eta langeletako hitzarmenaren negoziaketa berrerarazi zenetik zortzi hilabetetan izandako 10 bileren ondoren, CEBEK Patronalak proposamen bat helarazi digu, LAB eta ELA sindikatuon ikuspuntutik (gehiengo osoa osatzen dugun sindikatuon aburuz, alegia) sektoreari burla, iseka, mespresu egitea beste kalifikatiborik merezi ez duen proposamena. Hori dela eta, mobilizazio egutegi bat prestatu dugu, eta protesten artean lehena astelehenean izango da. Hain zuzen ere, elkarretaratzeak egingo ditugu Bilbon, BBVA, Kutxabank eta LANTIKen aurrean. Honen guztiaren berri gaur eman dugu, Bilbon egindako agerraldi batean.

Ikasleek berriro egin dute bat garbiketako langileekin

E-posta Inprimatu PDF fitxategia

Hezkuntza Saila eta EHUko garbiketako kontratetako langileak borrokan dira. Bada, ikasleek bat egin dute berriro langileek deitutako mobilizazioekin, joan den astean egin bezala. Oraingoan, Sarrikon egin dute protesta. Langileek hitzarmen duin bat aldarrikatu dute eta ikasleek, "Garbitzaileak borrokan, gu ere bai" leloarekin, elkartasuna adierazi diete.

Hezkuntza Saila eta EHUko garbiketako kontratetako langileak Barakaldon mobilizatu dira gaur

E-posta Inprimatu PDF fitxategia

Hezkuntza Saila eta EHUko garbiketako kontratetako langileek manifestazio bat egin dute gaur Barakaldon, Herriko plazan hasi eta Meatzeen eta Herri Lanen Ingeniaritza Teknikoko Unibertsitate Eskolean bukatzeko. Hitzarmen duin baten aldeko protesta izan da, LAB, ELA, UGT, ESK eta CCOO sindikatuok deituta. Hain zuzen ere, ikastetxee eta unibertsitateko garbikuntza kontraten hitzarmena negoziatzen hasi ginenetik bi urte eta erdi igaro dira jada; eta egoerak hasieran bezain blokeatuta jarraitzen du. Ez dago hitzarmenik eta ez dirudi hurrengo hilabetetan akordiorik lortuko denik.

Pasaiako Portu agintzaritzak adierazpen askatasuna ukatzen du

E-posta Inprimatu PDF fitxategia
Urriaren 25ean, Pasaiako Portuko LABeko Sail Sindikalean Zuzendaritzaren gutun bat jaso genuen euskal presoak etxeratzearen aldeko ikurra eta estelada kentzera behartuz. Dirudienez, Gobernu espainolaren ordezkariordeak errekerimendua egin dio Agintaritzari, LABeko sail sindikalaren bulegoko kristaletan jarriak dauden kartelengatik. Bere ustez, dispertsioaren kontrako ikurrak biktima batzuen duintasuna urratzen du eta estelada zein “Si” jartzen duen banderak administrazioaren neutraltasuna urratzen omen du.

Dei egiten diogu EAJri herri eta langile interesak bere interesen gainetik jartzeko

E-posta Inprimatu PDF fitxategia

LABek prentsaurrekoa eman du gaur Bilboko Kutxabankeko egoitza nagusiaren aurrean, “Kutxabanque ez itxi” idatzita zeukan pankarta baten aurrean. Filipe Dulucq Kutxabanqueko delegatuak, Iñaki Egaña Kutxabankekoak eta Xabier Ugartemendia LABen Negoziazio Kolektiboko arduradunak hartu dute hitza. Hain zuzen ere, Kutxabankek erabaki du Kutxabanquen, Ipar Euskal Herrian duen bere markaren, hiru bulego itxi eta bertako 23 langileak kaleratzea. Hori dela eta egin dugu gaur agerraldia.

Kalera irten dira Hezkuntza Saila eta EHUko garbiketako kontratetako langileak

E-posta Inprimatu PDF fitxategia

Hezkuntza Saila eta EHUko garbiketako kontratetako langileek mobilizazioak egin dituzte gaur Leioa, Donostia eta Gasteizen, hitzarmen duin baten alde, LAB, ELA, UGT, ESK eta CCOO sindikatuok deituta. "Ikastetxee eta unibertsitateko garbikuntza kontraten hitzarmena negoziatzen hasi ginenetik bi urte eta erdi igaro dira jada; eta egoerak hasieran bezain blokeatuta jarraitzen du. Ez dago hitzarmenik eta ez dirudi hurrengo hilabetetan akordiorik lortuko denik. Patronalak egoera erabat blokeatuta dauka eta gainera, jarrera probokatzaile bat mantentzen du, bere langileenganako erabateko errespetu falta erakutsiz", adierazi dute langileek.

Bizkaiko bulegoetako langileek manifestazio bat egingo dute gaur, hitzarmenaren alde

E-posta Inprimatu PDF fitxategia

LAB eta ELA sindikatuok deituta, Bilboko Plaza Biribilatik abiatuko dugu protesta, 19:00etan. Bost urte hitzarmenik gabe egon ostean, aurtengo otsailean azkenean eratu zuten Bizkaiko Bulego eta Despatxuetako hitzarmena negoziatu behar duen mahaia. Patronalak krisialdia erabakitzat jo eta sektorea arautu gura zuelakoan geunden, baina zortzi hilabete igaro eta zazpi bilera egin ostean, haren asmo bakarra soldatak mugagabe izozteko oniritzia ager genezan zen. Eta ez dugu halakorik onartuko. Hau dela eta, mobilizatuko gara.

Lan baldintza duinak eskatu dituzte anbulantzietako langileek

E-posta Inprimatu PDF fitxategia

"Larrialdiak anbulantziak – Maiz ambulancias” Aldi Baterako Enpresa-Elkartearen anbulantzietako langileek elkarretaratze bat egin dute gaur Gasteizeko epaitegien aurrean, LAB, ELA eta CCOO sindikatuok deituta. Aipatutako enpresan pairatzen duten prekarietate egoera salatu dute bildutakoek.

Kutxabanque SOS

E-posta Inprimatu PDF fitxategia

Kutxabankeko delegatu Filipe Dulucq-ek eta Iñaki Egañak iritzi artikulu bat idatzi dute Kutxabanqueko kaleratzeei buruz. "Gai honetan noraez nabarmenean ari diren elite ekonomiko baten erabakiak atzera bota daitezke", diote.

Elkartasuna adierazi diegu Kutxabanqueko langileei

E-posta Inprimatu PDF fitxategia

Langileak berriro karrikan ziren atzo Baionan, Macronen erreformak salatzeko. Mobilizazio hori baliatuta, LABek ekintza bat egin du Kutxabanque-ko langileei elkartasuna adierazteko. Hain zuzen ere, Kutxabanqueko bulegoak ixtea erabaki dute, eta, ondorioz, 23 langile kaleratu Ipar Euskal Herrian.

Langileen batasuna eta antolaketa aldarrikatzen ditugu Kutxabanqueko kaleratzeen aurrean

E-posta Inprimatu PDF fitxategia
23 langile kaleratuko dituzte Ipar Euskal Herrian irabaziak dituen enpresa batetik. 23 familia langabeziara joango dira arrazoi politikoengatik. Kaleratzeen arrazoia ez da ekonomikoa, enpresak irabaziak baititu, bezeroak ere bai, zerbitzu ona ematen du eta ez du inolako arazorik. Egoera honen aurrean edozein enpresak izango luke etorkizuna ziurtatuta, baina Kutxabanken administrazio kontseiluak, EAJrekin lotuta dagoenak, hiru bulego ixtea eta euretako langileak kaleratzea erabaki du.

Page 1 of 28