LAB SINDIKATUA

2019/01/18 :: 21:07

Azken Eguneraketa:2019/01/18 :: 9:35

HIZKUNTZA
Hemen zaude:

Abadiñoko Rothenberger enpresa zigortu dute greba eskubidea urratzeagatik

E-posta Inprimatu PDF fitxategia
Partekatu albistea

Rothenberger enpresan egindako mobilizazio bat.Rothenberger enpresan egindako mobilizazio bat.

2017ko irailean Rothenbergerreko langileek lanuzte batzuk egin zituzten, enpresako hitzarmen kolektiboaren negoziazioan zuzendaritzak zuen jarrera salatzeko. Lanuzteak Rothenbergerrek Euskal Herrian dituen bi lantokietan, hau da, Abadiñon eta Gasteizen deitu genituen. Grebaren eragina gutxitu nahiean, enpresak zenbait trikimailu erabili zituen Abadiñoko lantegian: malgutasuna erabili nahi izan zuen langileak larunbatean lanera joatera behartzeko, eta ABLE bidez langileak kontratatu zituen grebalariak ordezkatzeko.

LABek eta epaitegira jo zuen gertatutakoa salatzeko. Orain, urte bat baino gehiago pasa denean, Euskal Autonomia Erkidegoko Auzitegi Nagusiak Rothenberger zigortu du greba eskubidea urratzeagatik, 224/2018 epaian eta Enpresa Batzordeko 3 sindikatuetako bakoitzari (LAB, ELA eta CCOO) 6.250 euro ordaindu beharko dizkio, grebalari bakoitzari nominatik deskontatutakoa bueltatu beharko die, eta kontrako lehen epaiaren aurrean, aurrera egitea erabaki genuen LAB eta CCOOko abokatuen tasetarako 1.000na euro ordaindu beharko ditu.

Gogoratu nahi dugu hein handi batean greba hau izan zela enpresako hitzarmen kolektiboa adostea lortu zuena, eta aurrean jarri nahi dizkiguten oztopoak handiak izan arren, izan legezkoak ala legez kanpokoak, langile batasuna eta greba direla patronalaren zekenkeriari aurre egiteko tresna eraginkorrenak.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.