LAB SINDIKATUA

2018/06/18 :: 13:19

Azken Eguneraketa:2018/06/18 :: 6:52

HIZKUNTZA
Hemen zaude:

Prest gaude patronalarekin konfrontatzeko Bizkaiko metalgintzako lan-baldintzak duintzeko

E-posta Inprimatu PDF fitxategia
Partekatu albistea
Gaur egin da Bizkaiko Metalgintzako Hitzarmenaren mahai negoziatzailearen bigarren bilera, otsailean berriz deitzea erabaki zenetik. Gaurko bileran sindikatu bakoitzak bere plataformak aurkeztu ditugu sektorerako eskatzen duguna jasoz. Patronalak, bere aldetik, ez du inolako plataformarik aurkeztu baina aurreratu du sindikatuon proposamenak oso urruti daudela eurek sektorerako nahi dutenarekin eta gure aldarrikapenei eusten badiegu, zaila ikusten dutela hitzarmena sinatzea.

Datozen hilabeteetan erabakiko dira sektoreko langileen lan-baldintzak. Gaurko bileran argi geratu da patronalak nahi duen bakarra lan-baldintzen prekarizazio iraunkorra da, azken urteetan sektoreko enpresen emaitza onak publikoki lau haizetara zabaldu arren.

LABen ez gaude prest hau horrela izan dadin eta horregatik aurkeztu dugu gure plataforma, bi urtetako indarraldia duena, 2018-2019, eta eduki hauek jasotzen dituena.

- Enpleguaren sorrera; lanaldia 16 ordu murriztea eta errelebo-kontratua aplikatzea.

- Krisi urteetan lapurtutako soldaten berreskurapena. Soldaten eguneratzerik egon ez den urteetarako (2012-2016) urte horietako KPIren bestekoak izango diren soldata-igoerak planteatzen ditugu eta 2017, 2018 eta 2019rako KPIren gainetiko igoerak.

- Enplegua duintzeko neurriak, hala nola azpikontratetako langileentzako subrogazio- bermea, ABLEak desagertzea, aldi baterako kontratuak mugatzea, praktiketa eta prestakuntza kontratuen inguruko hobekuntzak...

- Sexua edo adinagatiko diskriminazioa kentzera bideratutako neurriak; hala nola soldata- diskriminazioa duten enpresak zigortzea.

- Lan osasunaren inguruko neurriak, euren lanpostuetako laneko arriskuen inguruko informazio eta prestakuntza gehiago langileentzat, baja arruntak %85era arte osagarritzea bajako lehen egunetik.

- Lan erreformaren aurrean hitzarmena blindatuko duten neurriak eta bere aplikazioa bermatuko dutenak.

- Bestelako neurri sozialak.

LABek bere plataforman aurkeztu dituen puntu hauek erakusten dute gure helburua dela sektoreko langileen lan-baldintzak duinduko dituen hitzarmena lortzea eta horretarako prest gaude patronalarekin konfrontatzeko.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.