LAB SINDIKATUA

2018/08/14 :: 19:45

Azken Eguneraketa:2018/08/13 :: 8:08

HIZKUNTZA
Hemen zaude:

Hitzarmen duin bat eta kalitatezko enplegua aldarrikatuko ditugu Bizkaiko metalgintzaren mahaian

E-posta Inprimatu PDF fitxategia
Partekatu albistea
Bizkaiko metalgintzako hitzarmenaren alde egindako manifestazio bat.Bizkaiko metalgintzako hitzarmenaren alde egindako manifestazio bat.

Berriro eratu da Bizkaiko metalgintzaren hitzarmena negoziatzeko mahaia. Aukera berri honen aurrean, LAB gertu dago negoziazio horri ekiteko, baina aitzitik, ez dugu onartuko lan baldintzak kaskartzea eta sektoreko beharginen eskubideak galtzea.

Bizkaiko metalgintzaren mahaia eratzeko deialdiaren harira, LABek ondorengoa adierazi gura du:

LABek sektoreko negoziazio esparruari sektoreko behargin guztion lan eskubideak arautzeko gutxieneko arlo deritza. Horrengatik, 2013ko ekainean nahiz 2014ko maiatzean LABek hitzarmenaren negoziazioa askatuko luketen hainbat proposamen ekarri zituen. Tamalez, patronalak erabaki zuen, bi abagunetan, negoziazioa eten behar zuela; hori eginez hitzarmena betetzen zela eta hura enpresa mailan beteko zela bermatuko lukeen hitzarmena sinatzeko gogorik ez zuela erakutsi zuen; azken finean, ez zion uko egin lan erreformak ematen zion aukerari sektoreko beharginen lan baldintzak okertzeko enpresetan.

Otsailak 7 dituen honetan, berriro eratu da hitzarmena negoziatuko duen mahaia. Aukera berri honen aurrean, LAB gertu dago negoziazio horri ekiteko, baina aitzitik, ez dugu onartuko lan baldintzak kaskartzea eta sektoreko beharginen eskubideak galtzea, ez ditugu lan erreformaren edukiak onartuko, egun arte patronalaren asmoa hori izan bada ere, aldiz, eskubide eta baldintza horiek babestuko ditugu, enpresa guztietan betetzen direla bermatuz, berezko hitzarmena eduki edota ez edukita ere. Azken urteotan galdu dugun eros ahalmena, gutxi gorabehera %6koa, berreskuratu nahi dugu.

Laburbilduz, Bizkaiko metalgintza hitzarmen duina gura dugu, zeinak enplegua sortuko duen, baina beti ere, kalitatezkoa, non sektoreko behargin guztiei bizi baldintza duinak izaten lagako dien, patronal berak jendartean onartzen duelako Bizkaiko metalgintzako enpresetan aberastasun handia sortzen ari dela.

Badakigu patronalak ez digula ezertxo ere oparituko, horrengatik gertu gaude beharginak antolatzera eta piztera, helburu horiek lortzearren borrokatzeko.

 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.