LAB SINDIKATUA

2017/12/15 :: 12:55

Azken Eguneraketa:2017/12/15 :: 7:31

HIZKUNTZA
Hemen zaude:

Eusko Jaurlaritzaren eta Nafarroako Gobernuaren jarrerak erraztu egin ditu Siemens-Gamesan iragarritako kaleratzeak

E-posta Inprimatu PDF fitxategia
Partekatu albistea
Atzo, Siemens-Gamesako Zuzendaritzak iragarri zuen 155 langile kaleratuko dituela Hego Euskal Herrian, horietako 48 Zamudioko lantegitik eta gainerakoak Nafarroako lantokietatik.

EAEko eta Nafarroako gobernuek duela egun batzuk adierazi zuten suertatuko zen eragina “txikiena” izango zela. Atzoko berria aditu ostean, orain, soinekoak urratu eta atzipetuak sentitzen direla diote. Guztiz eskandalagarria den egoera baten aurrean gaude.

Siemens-Gamesa enpresa ez dago krisialdian. Iaz, fakturazio eta mozkin errekorra izan zuen: 301 milioi euro. Gamesako akziodunek 1.047 milioi € baino gehiago banatu zuten beraien artean, Gamesa saldu izanaren ondorioz. Beraz, ez dago inongo arrazoirik Siemens-Gamesan inor kaleratzeko.

Tapia anderea, Urkullu jauna, Ayerdi jauna, Barkos anderea, zuek, Siemens Gamesa enpresaren bozeramailearenak eginez, haizea eman diezue enpresari, atzo jakinarazi zituzten kaleratzeak egin zezaten. Zuok erraztu dituzue lanetik bidaltzeak Siemens-Gamesan.

Eskatzen dizuegu, jendartean argi adieraz dezazuen, Siemens-Gamesan ezin daitekeela kaleratzerik justifikatu. Bestela, atzokoan esan zenutenak ez du zilegitasunik, ez eta sinesgarritasunik izango Siemens Gamesako langileentzat, ez eta jendartearentzat ere.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu