LAB SINDIKATUA

2017/12/14 :: 8:48

Azken Eguneraketa:2017/12/13 :: 15:55

HIZKUNTZA
Hemen zaude:

Jaurlaritza eta Aldundiko ordezkari gorenak Sidenorrek Basaurin duen instalazio berrien inauguraziora joan izana salatzen dugu, prekarietatean oinarritutako eredua balioztatzeagatik

E-posta Inprimatu PDF fitxategia
Partekatu albistea
Honakoa galdetzen diegu Jaurlaritza eta Aldundiko arduradunei. Honetan datza zuen industria-politika, hauxe al da zuen ekonomia eredua? Hori al da gure herriko gehiengo sindikalak eta sozialak kontuan hartu barik, ezarri den ekonomia eredua, CONFEBASKek agindu duen eredu ekonomikoa, gero eta txiroago bihurtzen gaituena?

LABek salatzen du, Urkullu lehendakaria, Arantxa Tapia Ekonomia Garapen eta Azpiegituren Sailburua eta Unai Rementeria, Bizkaiko Ahaldun Nagusia bertan zirela, Sidenorrek Basaurin dituen instalazio berrien inaugurazioaren harira egin zen ekitaldian, erabateko prekarietatean oinarritutako eredua balioztatu dela.

• Basauriko Sidenorrek azpikontratatu dituen langileak 300 baino gehiago dira. Hauek gutxiago irabazten dute, baldintza okerragoak dituzte eta lan-egonkortasuna txikiagoa dute. Hots, Basauriko lantokiko beharginen %30a edo azpikontratatuak dira.

• Sidenorreko Zuzendaritzak behin-behinekotasuna darabil, metodo moduan, behin-behineko kontratuak dauzkaten langileen baldintzak malgutzeko eta kaskartzeko. Ohikotzat finkatu dira. Sidenorren egin ohi diren kontratuen %15a baino gehiago behin-behinekoak dira.

• Behin-behinekoak eta azpikontratatuak ez direnei, prekarietatea esparru-akordioetan ezartzen zaie prekarietatea, honela behin eta berriz okerrera egiten dute langileen baldintzek.

• Hau gutxi balitz ere, Sidenorrek sustatzen duen kontratazio-eredua ez da batere gardena eta “entxufismoa” bultzatzen du, hainbat sindikaturi lagunduz. Sindikatu horiek ezinbestekoak dira enpresan ezarri den lan eredua betikotzeko.

• Hortaz, gure ustez, Eusko Jaurlaritzak eta Aldundiak, ordezkari gorenen partaidetzaz, balioztatu egoin dute enpresa eredu hau. CONFEBASKen eredua balioetsi dute. Industria-eredu horretan, patronalari uzten zaio gero eta gehiago irabaz dezan, beti ere gu guztiok, langileok, baldintza kaskarragoetan eta diru gutxiago irabaziz gaudenean, are gehiago lan egitearen lepotik.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu