LAB SINDIKATUA

2017/11/23 :: 15:57

Azken Eguneraketa:2017/11/23 :: 13:39

HIZKUNTZA
Hemen zaude:

Rothenberger-eko langileek lanuzteak egingo dituzte, lan baldintza duinen alde

E-posta Inprimatu PDF fitxategia
Partekatu albistea
Abadiño eta Gasteizko Rothenberger-eko langileak lanuzteak egiten ari gara lan-baldintza duinak izateko dugun eskubidaren alde. Enpresa-batzordeak bere osotasunean deitutako lanuzteak dira (CCOO, LAB eta ELA), irailaren 25ean hasi zirenak egunean 4 ordutako paroekin. Bihar ostirala, irailaren 29an, 24 ordutako lanuztea egingo dute eta kontzentrazioa egingo dute Abadiñoko lantokiaren aurrean, 11:00etatik aurrera.

Hauxe da enpresa batzordearen oharra:

Azken 4 urteetan ezinezkoa izan da enpresarekin hitzarmen propio duina adoste. Enpresaren helburuak onartezinak dira, izan ere, bazterketa eta langileen arteko ezberdintasunak areagotzea besterik ez baitute nahi.

Akordio falta dela eta, enpresak ez ditu lehenagotik hartutako konpromisoak bete, errelebu kontratuak ez ditu bermatu adibidez, eta 30 urtez baino gehiagoz lanean egondako jendea lanean jarraitzera derrigortu dute, jubilazio aldia iritsitakoan. Horrelako eskubide urraketekin, enpresaren jarrera erabat mespretxagarria eta gaitzesgarria dela salatu nahi dugu. Argi baitugu, horrelako erabakien ondotik enplegu iraunkorraren galera, kontratazioetan prekarizazioa, aldibaterakotasuna edo ABLEak datozela.

Rothengerren 2011etik gaude enpresako hitzarmenik gabe eta laneko erreformaren ondorioak pairatzen. %5eko jaitsi ziguten soldata eta lan aldia luzatu; eta guzti hau, irabaziak dituen enpresa batek.

Gure aldarrikapenen oinarrian dago erreformaren aurkako klausulak onartzea, enplegu finkoa bultzatu eta babestea, soldaten eguneratzea eta lanaldia murriztea. Kontrara, enpresak, lotsagabe, eskubideak lapurtu dizkigu, langileon arteko ezberdintasuna bultzatu du eta laneko segurtasun eta prebentzio politika gabe, gure osasuna egunero arriskuan jarriko dugun makinak izatera kondenatu nahi gaitu.

Greba egun hauetan zehar, enpresako zuzendaritzak, eta beraien jarraitzaile eskirol zintzoek, grebalariak beldurrarazi nahi izan gaituzte. Batez ere, behin behineko kontratua duten edota ABLE bidez kontratatutako langileak grebarik egin ez dezaten. Eta gaurkoan, argi eta garbi salatu nahi dugu, horrelako jarrerek urratu egiten dutela grebarako eskubidea.

Argi dugu mobilizazioa eta borroka dela hitzarmen duina lortzeko bide bakarra.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu