LAB SINDIKATUA

2018/06/22 :: 1:23

Azken Eguneraketa:2018/06/21 :: 13:05

HIZKUNTZA
Hemen zaude: FEDERAZIOAK INDUSTRIA Eraikuntza Gipuzkoako eraikuntzako hitzarmena sinatu dugu

Gipuzkoako eraikuntzako hitzarmena sinatu dugu

E-posta Inprimatu PDF fitxategia
Partekatu albistea
LABek gaur, PRECOn egindako bileran, Gipuzkoako eraikuntza eta herri lanetako hitzarmena sinatu du. Patronalak azken bileran pasatutako testuak aztertu eta LABek egindako hainbat ekarpenen ondorioz, testu hauek hobetu egin dira dira. Hori dela eta, LABek hitzarmen hau sinatzea erabaki du.

LABek bere sinadurarekin, 2009tik berritu gabe zegoen sektore hitzarmenarekiko duen konpromisoa adierazi nahi izan du, baita balioan jarri LABek soilik defendatu eta eskuratu dituen hainbat lorpen ere: KPIren gaineko soldata igoerak, hitzarmena bermatzeko batzordera joango ez diren enpresei ordainak etetea edota hizkera sexistarekin amaitzea.

Hala eta guztiz ere, sektoreko langileentzat akordioa hobea lor zitekeela ziur gaude. Akordio honek ez du inolaz ere 2009tik galdutako eros-ahalmena bermatzen, ez du prekarietatearekin amaitzeko inolako neurririk jasotzen (lan egutegia, aparteko orduen mugapena, lizentziak...). Puntu honetan, gogoratu nahi dugu sindikatu guztiok eraikuntzak bizi duen egoera esplotaziokoa bezala definitu dugula. Hitzarmenaren berme batzordeak ezin izango ditu obrak ikuskatu eta honek, zaildu egingo du hitzarmena betetzen ez dela frogatzea. Hitzarmena betetzen ez duten enpresentzat ez da inolako ondoriorik egongo. Ezin dugu ahaztu aldarrikapen hauek sektoreko urteetako aldarrikapenak direla.

Adegik ELA eta LABen artean pitzadurak sortzea bilatu du akordio merkeago bat lortzeko asmoz, eta ELAk txantaia horri men egin dio, patronalaren proposamena hobetzeko borrokari uko eginez, baita bi sindikatuok mahaian aurkeztutako proposamena defendatzeari uko eginez ere.

LABek argi dauka hitzarmenaren sinadurarekin ez dela borroka amaitzen. Orain, hitzarmenean lortu ez diren edukiak enpresetan lortzen saiatuko gara, eta obretan, hitzarmena betearazteko jarraipen estua eta zorrotza egiten jarraituko dugu.

 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.