LAB SINDIKATUA

2018/12/18 :: 17:47

Azken Eguneraketa:2018/12/18 :: 11:43

HIZKUNTZA
Hemen zaude: FEDERAZIOAK INDUSTRIA Eraikuntza Aukera galdua eraikuntzako lan-baldintza prekarioak duintzeko

Aukera galdua eraikuntzako lan-baldintza prekarioak duintzeko

E-posta Inprimatu PDF fitxategia
Partekatu albistea
Aurreakordioa sinatu da Bizkaiko eraikuntzako hitzarmenean. Bada, LABek ez du Bizkaiko eraikuntzako hitzarmenaren aurreakordioaren sinadura babesten. Aurreakordioa ASCOBI, Maestros Pintores eta Asociación Vizcaína de Excavadores patronalek eta CCOO eta UGT sindikatuek hartu dute.

Hauek dira LABek adierazten dituen arrazoiak aurreakordioa ez babesteko.

Lehenik eta behin, 4 urtetako indarraldia zehazten du (2017-2020). Urte hauetan hutsaren hurrenak diren soldata igoerak soilik zehazten dira, CCOO eta UGTk Eraikuntzako Hitzarmen Estatalean sinatutakoaren azpitik. 2017 eta 2018rako 1,6 igoerak planteatzen dira hitzarmen estatalak, %1,9 eta %2ko igoerak, hurrenez hurren, zehazten zituzen bitartean. 2019rako %1,5eko igoera zehazten du eta 2020koa negoziatzeke geratuko litzateke.

8 ordutako lanaldi murrizketa planteatzen dute 2019rako. LABetik baloratzen dugu murrizketa hau guztiz eznahikoa dela kontutan izanda eraikuntzan, asko luzatzen dela lanaldia legez zehaztutakoaren gainetik, aparteko orduek duten kontrol faltagatik.

Aurreakordioak ez ditu langileak lan-erreformatik babesten, berau ez betetzea eta enpresen aldetik, aldebakarrez, adostutako lan-baldintzak ez betetzea ahalbidetuz.

18 hilabetetako ultraaktibitatea baino ez dauka, behin hitzarmenaren indarraldia bukatuta. Hortaz, behin 18 hilabete horiek beteta hitzarmena ez aplikatzea ahalbidetzen da, berau berrizten ez bada.

Ez du jasotzen Lan publiko guztietan hitzarmena ezartzearen derrigortasunaren inguruko neurririk jasotzen, hala nola, lan publikoetako kontratuetan klausula sozialak txertatzea. Gogoratu nahi dugu hauxe dela sektorean duen arazoen nagusienetakoa.

Lanaren exekuzio kontratua edo kontratazioa bera non egin den gorabehera, euren lan-zentroa Bizkaian duten langile guztiei hitzarmena aplikatzea ere ez du bermatzen,

Ez du aldi-baterakotasuna edo azpikontratazioa mugatzera bideratutako neurririk jasotzen.

Azken finean, iturri ofizialen arabera EAEko eraikuntza sektoreak %6 gora egin duen momentu batean, aukera galdu da itzelezko prekarietatea duen sektore honetako langileen lan-baldintzak duintzeko. CCOO eta UGTk alfonbra gorria jarri diote ASCOBIri lan baldintzak are gehiago prekarizatzeko.

Praktikan, estatu mailan adostutakoaren azpitiko soldata igoeretara mugatzen den akordioa da, gainontzeko aldarrikapen sindikalak alde batera utzita. LABek, Euskal Herri osoko kale eta poligonoetan gaur egin dugun moduan, bizitza duina bermatuko duten hitzarmen duinak eskatzen jarraituko dugu. Horretarako, beharrezkoa da mobilizazioa.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.