LAB SINDIKATUA

2017/11/23 :: 4:45

Azken Eguneraketa:2017/11/22 :: 14:42

HIZKUNTZA
Hemen zaude:

LAB Diadan egon da Kataluniako herriari bere elkartasuna adierazten eta erreferenduma babesten

E-posta Inprimatu PDF fitxategia
Partekatu albistea



Irailaren 11ako testuinguruan, LAB sindikatua Bartzelonan egon da bertako herri langileari bere elkartasuna adierazteko eta erreferendumaren babeserako bere konpromisoa berresten.


Alde batetik Irailaren 10ean Kataluniako CSC, IAC eta COS sindikatuek deituta foro sindikal batean parte hartu genuen Intersindical Valenciana, CSI Asturies, Andaluziako SAT, Galizatik CUT eta CIG, Aragoitik CUT, Balearetatik STEI, Intersindical Canaria eta Euskal Herritik LAB, ELA, ESK eta STEILAS-en parte hartzearekin. Foro horretan Kataluniako erreferendumari gure babesa adierazi zitzaion eta Estatuaren balizko errepresioa gaitzesteaz gain, errepresioa emango balitz gure babes guztia adierazi genion Kataluniako herriari.



Bertze aldetik Irailaren 11ean Diadako ekitaldi herrikoietan parte hartu genuen. Goizean 1978ko Irailaren 11ean poliziak eraildako Gustau Muñozen omenaldian parte genuen, eguerdian preso eta iheslarien etxeratzea eskatzeko manifestaldian parte hartu genuen eta baita ere ezkerreko alderdi guztien ordezkaritza batek parte hartzen zuen ekitaldian parte hartu genuen Urriaren 1eko erreferendumean jendeari parte hartzera deituz. Arratsaldean gainontzeko sindikatuekin batera manifestazio edo kontzentrazio erraldoian egon ginen eta behin bukatuta Esquerra Independentistak deituriko manifestaldian parte hartu genuen.

Bartzelonan egun hauetan ikusitakoa gauzak oso argi dituen herri bat da, Urriaren 1ean bozkatzeko determinazioa hartua duen herri bat eta estatutik etor daitekeen errepresioari beldurra galdu dion herri bat. Horregatik LAB sindikatutik Kataluniako herriaren erabakitzeko eskubidearen aldeko defentsan berresten gara eta bai Euskal Herrian eta baita Katalunian ere deituta dauden mobilizazioetan parte hartzera deitzen dugu, larunbata honetan Gure Esku Dago plataformak Bilbon deituta duen manifestalditik hasita.


 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu