LAB SINDIKATUA

2017/12/16 :: 23:23

Azken Eguneraketa:2017/12/15 :: 12:08

HIZKUNTZA
Hemen zaude:

Eskubide Sozialen Karta

Alternatiben Herriari buruzko batzar ireki bat egingo dute gaur Iruñean

E-posta Inprimatu PDF fitxategia

2018ko ekainaren 2an izango da Iruñeko Alternatiben Herria. Data garrantzitsu horri begira, batzar ireki bat egingo dute gaur Iruñean, 18:00etan, Katakrak gunean.

Nafarroako Gobernuaren politika ekonomikoak ez duela langileontzat aldaketa handirik ekarri adierazi dugu Iruñean

E-posta Inprimatu PDF fitxategia

Euskal Herriko Eskubide Sozialen Kartak eta Parlamentu Sozialak deituta, dinamika horietan gauden eragile sozial, politiko eta sindikalok aurrekontu burujabe, sozial eta parte hartzaileen aldeko ekitaldi bat egin dugu gaur, Iruñean, Labrit pilotalekuan. LABeko idazkari nagusi Garbiñe Aranburuk hartu du hitza bertan, besteren artean, eta salatu du Nafarroako aurrekontuak ez direla burujabeak eta ez dutela aldaketa sozialean sakontzen. Ekitaldia amaituta, manifestazio bat egin dugu Iruñeko kaleetan.

Garbiñe Aranburu: "Langileok zilegitasun eta eskubide osoa dugu sortzen dugun aberastasuna nola banatu erabakitzeko"

E-posta Inprimatu PDF fitxategia

Euskal Herriko Eskubide Sozialaren Kartan gauden eragileok ekitaldi bat egin dugu gaur Gasteizen, Mendizorrotzan, “Aurrekontu burujabe, sozial eta parte hartzaileen alde!” leloarekin. LABeko idazkari nagusi Garbiñe Aranburuk hitza hartu du, besteren artean. Sindikatuko ordezkariaren hitzetan, Eusko jaurlaritzak 2018rako aurkeztutako aurrekontuak “ez dira burujabeak, ez dira sozialak eta ez dira parte hartzaileak”.

Aurrekontu burujabe, sozial eta parte hartzaileen alde mobilizatuko gara, asteartean, Gasteizen

E-posta Inprimatu PDF fitxategia

Politikaren lehentasunak aldatzeko mobilizazioa ezinbestekoa da. Horregatik, azaroaren 21ean, Gasteizen bilduko gara berriro Euskal Herriko Eskubide Sozialaren Kartan gauden eragileak, “Aurrekontu burujabe, sozial eta parte hartzaileen alde!” leloarekin. Ekitaldia Mendizorrotzako kiroldegian izango da, 10.00etan, eta ondoren manifestazio bat egingo dugu. Honen guztiaren berri emateko agerraldi bat egin dugu gaur Bilbon, eta LABeko Ekintza Sozialeko idazkari Bea Martxuetak hartu du hitza bertan, sindikatuaren izenean.

Etxebizitza duin bat izateko eskubidea aldarrikatu du Eskubide Sozialen Kartak

E-posta Inprimatu PDF fitxategia

Euskal Herriko Eskubide Sozialen Kartaren baitan gauden eragileok elkarretaratze bat egin dugu gaur, Bilboko Alokabideren egoitzaren aurrean. Prestazio sozialen murrizketen aurka mobilizatu gara, eta magai gainean dauden legeek eta proposamenek etxebizitzaren egiturazko arazoari ez dietela erantzuten salatu dugu.

Babes sozialerako sistema publiko propio bat aldarrikatu dugu, Pobreziaren Kontrako Egunean

E-posta Inprimatu PDF fitxategia

Euskal Herriko Eskubide Sozialen Kartak, bertan gauden eragileon babesarekin, Eusko Jaurlaritza aplikatzen ari den poli-tika antisozialak salatu nahi ditu gaur, Gasteizko Legebiltzarraren aurrean. Hain zuzen ere, politika hauek biztanleriaren gehiengoaren pobretzea dakarte, gutxiengo bat aberasten den bitartean, eta halaxe nabarmendu dugu gaur, Pobreziaren Kontrako Nazioarteko egunean. 

Eskubide Sozialen Karta kalera irtengo da bihar, Pobrezia Ezabatzeko Eguna dela eta

E-posta Inprimatu PDF fitxategia

Kartaren parte garen eragileak Gasteizko Andra Mari Zuriaren plazatik hasita Eusko Legebiltzarreraino joango gara performance bat eginez. Pobreziara kondenatu nahi gaituzte, eta hori irudikatuko dugu. 11:00etan abiatuko dugu protesta.

Mugak Zabalduz Karabanarekin egin dugu bat

E-posta Inprimatu PDF fitxategia

Euskal Herriko Eskubideen Karta sinatu dugun erakunde sozial eta sindikalok babesa agertu diogu Mugak Zabalduz Karabanari. Uztailaren 14an, Melillarantz abiatuko da, etorkinek eta errefuxiatuek Hego Mugan pairatzen duten Giza Eskubideen urraketa sistematikoa salatzeko. Xede dugun jendarte-ereduaren erdigunean, bizitza dago, eta bizitza jokatzen dute, hain zuzen ere, gerratik eta miseriatik ihesi dabiltzanek. Hala adierazi dugu Bilbon, gaur egindako agerraldian.

Eskubide Sozialen Kartaren nondik norakoak azaldu ditugu Hanburgon

E-posta Inprimatu PDF fitxategia


LABeko Ekintza Sozialeko kide Mikel Alvarez Elkartasun Globalaren Goi Bileran izan da, Hanburgon. Ezkerrak Europan dituen erronkei buruz hitz egin dute bertan, eta LABek nabarmendu du alternatiba global bat eraikitzeko prest dagoela. Hain zuzen ere, sindikatuen eta mugimendu sozialen arteko sinergiak behar beharrezkoak direla berretsi eta gero, Euskal Herriko Eskubide Sozialen Kartaren berri eman diegu goi bileran bildutakoei. Proposamenaren nondik norakoak azaldu dizkiegu, ekarpen gisa.

Eskubide Sozialen Kartak bilera eskaera egin dio Jaurlaritzari, "egoera sozialaren larritasuna ikusirik"

E-posta Inprimatu PDF fitxategia

Euskal Herriko Eskubide Sozialen Kartak mobilizazioak abiatu zituen maiatzaren 29an, “Eskubide sozialen alde eta babes sozialerako sistema propio baten alde” leloarekin, diru sarreren bermerako eta inklusio sozialerako sistemak egun pairatzen dituen eta etorkizunean izango dituen murrizketak direla eta. Ordutik hona, pentsionistek, prestazioen jasotzaileek eta mugimendu feministak protestak egin dituzte. Gaur, berriz, euskal gehiengo sindikaleko kideak irten gara kalera, eta Eusko Jaurlaritzaren egoitzatan babes sozialerako sistema propio baten aldeko proposamen bat erregistratu dugu Gasteiz, Bilbo eta Donostian. Bertan, Kartaren izenean, Jaurlaritzari exijitu diogu gurekin batzartzeko hitzordua ikasturtea abiatu aurretik ezartzeko, "egoera sozialaren larritasuna ikusirik eta Lanbidek kudeatzen dituen prestazio sozialen inguruko erreforma abiatzeko Enplegu eta Gizarte Politiketako Sailburuak proposamen bat mahai gainean duela jakinik".

Page 1 of 10