LAB SINDIKATUA

2018/05/24 :: 7:46

Azken Eguneraketa:2018/05/23 :: 13:29

HIZKUNTZA
Hemen zaude: EUSKAL HERRIA Errepresioa

Errepresioa

Babesa erakutsi diegu Altsasuko auziperatuei Madrilgo Auzitegi Nazionalean #AltsasukoakAske

E-posta Inprimatu PDF fitxategia

Imanol Karrera Exekutiboko kideak eta Gaizka Uharte Sakanako arduraduna Madrilen izan dira gaur Altsasuko gazteen epaiketan, sindikatuaren babes eta elkartasun osoa adieraztera.

Justiziaren alde, larunbatean Iruñeko kaleak betetzeko deia egin dugu

E-posta Inprimatu PDF fitxategia

Mobilizazioa 17:30ean abiatuko da Golem zinemetatik eta 2016ko urriaren 15eko goizaldean, Altsasuko taberna batean gertaeraren ondorioz auzipetutako 8 gazteen kasuaren aurrean, “Justizia, ez da terrorismoa” lemapean egingo da.

Altsasuko gazteen aurkako epaiketa salatuko dugu bihar Iruñean

E-posta Inprimatu PDF fitxategia

Elkarretaratze batera deitu dugu euskal gehiengo sindikaletik, 11:00etarako, Iruñeko auzitegiaren aurrean.

Justiziaren alde eta inpunitatearen kontra mobilizatzera deitzen dugu, Iñigo Cabacasen heriotzaren seigarren urteurrenean

E-posta Inprimatu PDF fitxategia
Aste honetan sei urte betetzen dira 2012ko apirilean Ertzaintzak botatako pilotakada batek Iñigo Cabacas hil zuenetik.

Altsasuko gazteei elkartasuna erakutsiko diete, ostiralean, Bilbon

E-posta Inprimatu PDF fitxategia

Manifestazio zaratatsu batera deitu dute martxoaren 23rako. Eliptika plazatik irtengo da, 20:00etan. Hain zuzen ere, hainbat eremuko lagunak batu egin dira deialdia egiteko. "Altsasuko gazteen epaiketaren testuinguruan, eurek mobilizazio eskaera luzatu eta guk enplazamenduari heldu eta, Bilboko jendarte osoari zabaldu nahi diogu, basakeria honen aurrean mobilizatzearen premia", adierazi dute.

Egia, aitortza, erreparazioa eta ez errepikatzeko bermea aldarrikatu ditugu torturaren aurrean

E-posta Inprimatu PDF fitxategia

Torturaren kontrako eguna da gaur, otsailaren 13aren etorrerarekin. Komisaldegian hamar egunez torturatu ondoren hil zuten Joxe Arregi 1981eko otsailaren 13an, beste asko bezala. Izan ere, gure herria astindu duten indarkeria guztietatik torturak ez du oraindik benetako aitortzarik. Estatuak ez du torturatu duenik onartu ere egiten. Eta guk badakigu estatu tresna izan dela urte askoan.

Babesa erakutsi diegu Iñigo Cabacasen familiari eta egia argitzeko lanean ari diren demandatuei

E-posta Inprimatu PDF fitxategia

2012ko apirilean pilotakada batek jota hildako Iñigo Cabacasen auziari lotutako lehen epaiketa egin dute gaur, eta lotsagarria da gertaera haiekin lotutako lehen bista gertatutakoa argitzeko ez izatea, Ertzaintzaren ofizialorde batek jarritako demanda bati erantzuteko baizik. Ofizialorde horrek, pilotakada hilgarria jaurti zuten gauean polizia koordinatu zuenak, biktimatzat aurkeztu du bere burua. Mundua alderantziz.

Santi Brouard eta Josu Muguruza, gogoan

E-posta Inprimatu PDF fitxategia

Hainbat ekitaldi daude aurreikusita gaurko, Santi Brouard eta Josu Muguruzaren hilketen urtemuga dela eta. LABek bat egin du ekitaldiokin. Goizean, lore sorta eta omenaldia egin zaie Bilbon, Amezolan eta Errekalden; arratsaldean, Sortuk deituta, manifestazio bat irtengo da Arriagatik, 19:00etan, "Zuen ametsen alde borrokan darraigu. Euskal Errepublika!" leloarekin.

Oreretako lau gazteak libre uzteko exijitu dugu hainbat sindikatuk

E-posta Inprimatu PDF fitxategia

Oarso-Bidasoako LAB, ELA, CCOO, ESK, CGT eta STEILAS sindikatuok elkarretaratze bat egin genuen atzo Oreretan, Iruñean atxilotutako herriko gazteei babesa emateko. Zazpi hilabete bete dira herriko 4 gazte horien etorkizuna eten zutenetik, mobilizazio liskartsu batean parte hartzeagatik. Guztiz bidegabea eta desproportzionala den egoera hau salatu dugu protestarekin.

Sindikatuok Iruñean atxilotutako gazteen aldeko mobilizaziora deitu dugu urriaren 11rako

E-posta Inprimatu PDF fitxategia

7 hilabete betetzear daude herriko 4 gazteren etorkizuna eten zenetik, 200 egun gazteen eta ingurukoen bizitzak hankaz gora jarri zirenetik. Zergatik? Mobilizazio liskartsu batean parte hartzeagatik. Guztiz bidegabea eta desproportzionala den egoera honen aurrean, Oarso-Bidasoako ELA, LAB, CCOO, ESK, CGT eta STEILAS sindikatuko kideok elkarrekin basakeria hau salatzeko deia luzatzeko batu gara, eta gaur agerraldai egin dugu urriaren 11ko mobilizaziorako deia egiteko. Oreretako Herriko Plazan izango da hitzordua, 19:00etan.

Amurrion izango gara, Alfredo Remirezi babesa emateko

E-posta Inprimatu PDF fitxategia

Alfredo Remirez kartzelaratzeko agindua eman du Espainiako Auzitegi Nazionalak, eta amurriotarra urtebetez espetxeratu nahi dute sakabanaketa salatzeagatik. LABetik gure elkartasun osoa adierazi nahi diogu Remirezi, eta, bide batez, amurriotarrari babesa eskaintzeko deitutako mobilizazioetan parte hartzeko deia luzatzen dugu. Hain zuzen ere, manifestazio bat egingo dute gaur, 20:00etan, Amurrioko Juan Urrutia plazatik abiatuta.

Alfredo Remirezen aldeko manifestazioan parte hartzeko deia egin dugu

E-posta Inprimatu PDF fitxategia

Alfredo Remirez kartzelaratzeko agindua eman du Espainiako Auzitegi Nazionalak, eta amurriotarra urtebetez espetxeratu nahi dute sakabanaketa salatzeagatik. Horixe izan da bere delitu bakarra. Bistan da Espainiako Estatuaren errepresioak ez duela etenik, eta, egoerak egoera, garaiak garai, euskal herritarrak jopuntuan izaten jarraitzen dutela; adierazpen askatasunaren kontrako erabaki hau aurretik hartutako beste batzuen segida besterik ez da. Aski da, jazarpen honekin amaitu beharra dago.

Altsasuko gazteak aske uzteko eskatuko dugu Barakaldon

E-posta Inprimatu PDF fitxategia

Elkarretaratze batera deitu dugu hainbat eragileok asteazkenerako, 19:30ean, Barakaldoko Justizia Jauregian aurrean. LAB sindikatuarekin batera, hauek dira muntaia polizialen aurkako protestari atxikimendua erakutsi dioten eragileak: Berri Otxoak, Eguzki, Ekologistak Martxan, HerriKolore, Sasiburu, Iretargi, Ernai, ELA, ESK, Steilas, CNT, EH Bildu, Irabazi, Podemos, Ezker Anitza, Equo, PCE-EPK, Antikapitalistak eta Sortu.

Euskal Herrian murru demokratiko sendo bat altxatzeko unea da, Altsasuko basakeriaren aurrean

E-posta Inprimatu PDF fitxategia
Elkartasuna eta besarkadarik estuena helarazi nahi diegu gazte altsasuarrei eta haien senideei. Gure deia, halaber, altsasuarrei, nafar jendarteari eta euskal herritar guztiei, basakeria honi herri mobilizaziotik erantzun irmoa ematera. Altsasun bertan dugu horren adibide txalogarria. Dei egiten diegu ere Nafar Gobernuari zein Eusko Jaurlaritzari, injustizia honen aurrean erantzun irmo bat eman dezan.

Eskubide sozialak eta askatasun demokratikoen alde eta Mozal Legearen kontra mobilizatzeko deia egiten dugu

E-posta Inprimatu PDF fitxategia

Uztailaren 1ean bi urte beteko dira Mozal Legea indarrean jarri zenetik. Egun horretan Donostia eta Gasteizen antolatutako mobilizazioetan parte hartzeko deia luzatzen die LABek bere kide eta zaleei. Ustelkeriaren nahiz politika neoliberalen ondorioz atxikimendu soziala nabarmen galdu du estatu espainiarrak eta demokratizazio prozesu bati ekin beharrean, justu kontrako bidetik abiatu da. Arrazoiaren indarrak huts egin dionean, indarraren arrazoia inposatzea erabaki du. Honen aurrean lanean jarraitu behar dugu eskubide sozialak eta askatasun demokratikoak oinarri izango dituen estatu propio baten alde.

Liher Aretxabaletari elkartasuna adierazi diote Bilbon

E-posta Inprimatu PDF fitxategia

Bilboko Alde Zaharreko auzokideek Liher Aretxabaletaren kontrako epaiketa salatu dute gaur, 'Liher auzoan eta libre' dinamikaren baitan. Hain zuzen ere, ekainaren 28 eta 29an Madrileko Audientzia Nazionalean epaituko dute, eta agerraldian bildutakoek salatu dute epaiketak gatazkaren konponbidearen bidean beste kolpe bat dela.  

Sindikatuko zuzendaritzako sei kidek Altsasun pairatutako jazarpen poliziala salatu dugu

E-posta Inprimatu PDF fitxategia
Pasa den aste amaieran, ohiko bilera bat tarteko Altsasuko egoitzara zihoazela, Guardia Zibilaren kontrol batean geratuak izan ziren, eta haietako batzuk ia ordubeteren bueltan izan ziren erretenituak. LABeko militanteon lan politiko eta sindikalari traba egitea izan zuten helburu eta, jazarpen politiko eta pertsonalarekin, tartean larriena, guardia zibilaren eskutan torturatua izandako batek jasotako iseka.

“Bakearen artisauek” antolatutako ekitaldietan parte hartuko dugu

E-posta Inprimatu PDF fitxategia
ETA erakundearen armagabetzea apirilaren 8an izango da. Honen inguruan “Bakearen artisauek” egun osoko egitaraua prestatu dute Baionako erdigunean. LAB sindikatua presente izango da Baionako ekitaldian, Garbiñe Aranburu idazkari nagusirako hautagaia buru izango duen ordezkaritza batekin. Sindikatuaren arabera, txalotzekoa izan da gizarte zibilak eta bakearen artisauek egindako lana Estatuek oztopatu nahi zuten armagabetze prozesua hauspotu eta bideratzeko.

Babesa pilatzen segitzen du «bakearen artisauek» martxan jarritako ekimenak

E-posta Inprimatu PDF fitxategia
Euskal Herrian zein gure mugetatik kanpo babesa pilatzen segitzen du ETAren armagabetzerako «bakearen artisauek» planteatutako bideari. Oraingo honetan Euskal Herriko, Estatu frantseseko, Bretainiako, Kaledonia Berriko, Kortsikako eta Italiako hamabost sindikatu izan dira “bake artisauek” aurkeztutako dokumentua sinatu dutenak.

Page 1 of 6

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.