LAB SINDIKATUA

2018/09/20 :: 7:08

Azken Eguneraketa:2018/09/19 :: 10:49

HIZKUNTZA
Hemen zaude:

Zure eskubideak

‘Piztu Alarma’, laneko abusuei aurre egiteko tresna aktibista berria, aurkezteko hamahiru bilera eginen dituzte Iruñerrian

E-posta Inprimatu PDF fitxategia

LAB sindikatuak, bere afiliatu eta jarraitzaileekin elkarlanean, tresna aktibista berria sortu du Iruñerrian, lantokian gerta daitezkeen askotariko abusuei aurre egiteko. Tresna berriaren inguruan komunitate bat eratzen ari da, hainbat sostengu talde sortu dira eta, horiek osatzen segitzeko, hamahiru bilera ireki eginen dituzte maiatzean Iruñerriko bertze hainbertze tokitan.

Duintasunez beteko du LABek Tutera apirilaren 20an

E-posta Inprimatu PDF fitxategia

Ostiral Duina egitasmoarekin LAB sindikatuak prekarietate egoera salatu eta alternatibak egon badaudela agertuko du.

Antolatu eta borrokatzeko deia egin dugu indarkeria sexistaren aurrean

E-posta Inprimatu PDF fitxategia
Azaroan, LAB sindikatuak elkarretaratzea egin zuen epaitegi aurrean, emakume langile batek, bere lanpostuan zegoen bitartean gizon batek egindako erasoa salatzeagatik egiten ari zen epaiketan gure babesa adierazteko. Jakin berri dugu, epaia atera dela eta eta erasotutako emakume langileari arrazoia aitortu diotela. Erasotzaileari isuna eta epaiketako kostak ordainarazi dizkiote.

Prekarietatearen aurkako dinamika Tolosara iritsiko da ostiralean

E-posta Inprimatu PDF fitxategia

Prekarietatea agenda politikoan sartzeko garaia da. Helburu horrekin, LABek elkarguneak antolatu ditu Euskal Herriko hainbat herritan, lan prekarioa betetzen dutenak bildu eta esperientziak truka ditzaten, beti ere alternatibak daudela erakusteko. Hala, Ostiral Duinak izeneko dinamikaren lehen hitzordua Arrigorriagan izan zen martxoaren hasieran, eta ostiral honetan, martxoak 23, Tolosan egongo gara. Egitarau zabal bat prestatu dugu. 17:00etan, Altxorraren Bila ekimena egingo dugu. Hain zuzen ere, prekarietatearekin zerikusia duten elementuak eta honi aurre egiteko tresnak baliatuko ditugu jokoa gauzatzeko. 18:00etan, txontxongilo saio baten bitartez, prekarietatea salatuko dugu; 18:30ean, kalejira-katea egingo dugu; eta, 19:00etan, afari merienda. Hau guztia Tolosako Plaza Berrian izango da, eguraldi ona eginez gero. Bestela, euria ari badu, Berdura plazan elkartuko gara.

Ostiral Duinak dinamika martxan jarri dugu Arrigorriagan, prekarietatearen kontra indarrak batzeko

E-posta Inprimatu PDF fitxategia

Prekarietatea agenda politikoa sartzeko garaia da. Helburu horrekin, LABek elkarguneak antolatuko ditu Euskal Herriko hainbat herritan, lan prekariao betetzen dutenak bildu eta esperientziak truka ditzaten, beti ere alternatibak daudela erakusteko asmoz. Lehen hitzordua gaurkoa izan da, arratsaldez, Arrigorriagako Argala plazan. Tolosa eta Tuteran ere antzeko ekimenak egingo dira datozen asteotan. Dinamika honetan parte hartzera animatu nahi ditugu herritarrrak, denon ekarpena beharrezkoa baita prekarietateari aurre egiteko.

Prekarietatearen aurkako dinamika Larratxora iritsiko da ostiralean

E-posta Inprimatu PDF fitxategia

Pintxo prekario lehiaketa, garbi-kirolak, murala, denboraren tunela, aholkularitza sindikal eta juridikoa, mahai ingurua... Larratxoko Josu Artetxe plazan, hainbat jarduera egingo ditugu Ostiral Duinak dinamikaren baitan, 17:00etatik aurrera. Hain zuzen ere, LABek elkarguneak antolatu ditu Euskal Herriko hainbat txokotan, kapitalismoak eragindako gaitzari aurre egiteko. Altzara iritsiko da oraingoan, eta, 18:30ean, mahai inguru interesgarri bat proposatuko du, besteak beste: "Emakumea eta prekarietatea, zapalkuntzak bizi etapa desberdinetan" leloarekin, hain justu. Martxorako aurreikusita genuen jardunaldia, baina eguraldi txarragatik ostiral honetara arte atzeratu egin genuen.

Ostiral Duinak dinamika Oreretara iritsiko da aste honetan

E-posta Inprimatu PDF fitxategia

LAB elkarguneak antolatzen ari da Euskal Herriko hainbat txokotan, prekarietatearen ondorioen berri emateko eta kapitalismoak eragindako gaitzari aurre egiteko. Gasteizen, Iruñean eta Bilbon izan gara, eta prekarietatea bertatik bertara pairatzen dutenen arteko topagune bihurtu da jarduera. Bada, Ostiral Duinak izeneko dinamika hau Oarsoaldera iritsiko da ostiral honetan; Oreretara, hain justu. Hainbat jarduera antolatuko ditugu arratsaldez: mahai inguru bat Xenpelar plazan, 17:00etan, emakume, gazte, migrante eta langabeen lekukotasunekin; giza kate bat, 18:30ean, Oreretako enpresa historikoen eremuetatik barrena; eta musika eta pintxoak, 20:00, borrokarako indarberritzeko. Honekin guztiarekin batera, bulego ibiltari bat egokituko dugu Foru plazan, langileei arreta eta informazioa eskaintzeko.

Prekarietatearen aurkako dinamika Bilbora iritsi da

E-posta Inprimatu PDF fitxategia

LAB elkarguneak antolatzen ari da asteotan, Ostiral Duinak ekimenaren baitan, kapitalismoak eragindakogaitzari aurre egiteko. Gaur izan da Bilboko hitzordua. Hainbat jarduera egin dugu Areatzan, 16:30etikaurrera. Info-puntua eta bideoaz aparte, solasaldia egon da, “Prekarietatearen milaka aurpegi ”izenburupean. Bertan, Pedro Incoesako langabetuak, Rocio etxeko langile batek eta Eneko EHUko ikerlariprekarioak parte hartu dute. Helburua, prekarietateari aurpegia eta errealitate zehatzak jartzea. XabierUgartemendia LABeko Zerbitzu Pribatuen Federazioko arduradunak testuinguru orokorrean kokatu du prekarietatea, gure egunerokotasuneko esparru ezberdinetan sortzen duen eragina zehaztuz eta honiaurreegitea ezinbestekotzat jo du, langileon antolaketaren bidez.

Prekarietatearen aurkako elkargunea Bilbon egokituko dugu ostiralean

E-posta Inprimatu PDF fitxategia

Info Puntua, ikus-entzunezkoak, solasaldia, kalejira Alde Zaharretik... Bilboko Areatzan, hainbat jarduera egingo ditugu Ostiral Duinak dinamikaren baitan, 16:30etik aurrera. Hain zuzen ere, LAB elkarguneak antolatzen ari da Euskal Herriko hainbat txokotan, kapitalismoak eragindako gaitzari aurre egiteko. Bilbora iritsiko da oraingoan, eta mahai inguru interesgarri bat proposatuko dugu, besteak beste: "Prekarietatearen milaka aurpegi" leloarekin, hain justu. Prekarietatea errealitate desberdinetatik azaleratuko dugu; langabe, etxeko langile, gazte eta aniztasun funtzionala dutenen begietatik.

Prekarietatearen aurkako elkargunea Iruñeko San Frantzisko plazan egokituko dugu ostiralean

E-posta Inprimatu PDF fitxategia


Ostiral Duinak dinamika Iruñera iritsiko da ostiralean. Hain zuzen ere, hainbat jarduera egingo ditugu 17:00etatik aurrera: tele-kontsultak, prekariometro versus borrokametro izeneko tailerra, pilkete informatiboak... LAB elkarguneak antolatzen ari da Euskal Herriko hainbat txokotan, prekarietateari aurre egiteko. Gasteizen egon ginen joan den otsailaren 10ean, eta Iruñean izango gara orain, martxoaren 17aren etorrerarekin.

Page 1 of 7

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.