LAB SINDIKATUA

2018/12/16 :: 11:03

Azken Eguneraketa:2018/12/14 :: 12:34

HIZKUNTZA
Hemen zaude:

Ekintza Sindikala

Gasteizko Jardines de Uleta hotelean gertatutako kaleratzea eta jazarpen sindikala salatu dugu

E-posta Inprimatu PDF fitxategia

LABek Gasteizko Jardines de Uleta hotelaren aurrean salaketa dinamika bat hasi du. Hasteko, gaur kontzentrazio bat burutuko dugu “Jardines de Uleta: STOP Jazarpen sindikala STOP Persecución Sindical” lelopean. Dei egiten dugu hotel honetara ez joateko bere langileak esplotatzen eta jazartzen jarraitzen duen bitartean.

Ordutegiak zabaltzearen eta jai egunetan irekitzearen aurka protesta egin dugu Areetan, Supercorren aurrean

E-posta Inprimatu PDF fitxategia

Jaietan Jai plataformak deituta, azken asteotan egindako protesten harira, Getxoko Areetako Supercorren aurrean mobilizatu gara, igande eta jai-egunetako irekieren eta merkataritzako ordutegia zabaltzearen kontra. Denda aurrean mobilizatzeko baimena izan arren, Ertzaintzak azken momentura arte ez gaitu abisatu, eta, agertu garenean, aurreko kalera bidali gaituzte, espaloia estua zela argudiatuta. Kexa jarri dugu komisaldegian, Supercorrekin duten tratu bereziaren kontra, langileon manifestaziorako eskubidea zapaltzen baitute.

Donostian mobilizatu gara, igande eta jai egunetako irekierak salatzeko

E-posta Inprimatu PDF fitxategia

Araba, Bizkaia eta Gipuzkoan mobilizatzen ari gara, Jaietan Jai plataforma osatzen dugun sindikatuetatik, irekiera mugagabedunen merkataritza ereduaren aurka. Bada, dinamika horren barruan, Donostian irten gara kalera aste honetan, eta elkarretaratzeak egin ditugu eredu hori jarraitzen duten zenbait saltokien aurrean. Honen harira, Donostian ere, protesta egin genuen joan den astean, Loiolako Erriberan zabaldu berri duten DIA%GO denaren aurrean.

Irekiera mugagabedunen merkataritza ereduaren aurka mobilizatu gara Donostian

E-posta Inprimatu PDF fitxategia

DIA%GO denda bat ireki dute Donostian, kate honetako lehena Gipuzkoako hiriburuan. Hain zuzen ere, Loiolako erriberan zabaldu dute, eta, hori dela eta, halako dendek sustatzen duten merkataritza eredua salatzeko, elkarretaratze bat egin dugu Jaietan Jai plataforma osatzen dugun sindikatuok.

Elkarrizketa sozialaren helburua patronalaren eta Jaurlaritzaren politikei zilegitasuna ematea dela salatu dugu Legebiltzarrean

E-posta Inprimatu PDF fitxategia

Legez besteko bi proposamen eztabaidatzen ari dira, gaur, Gasteizko Legebiltzarrean, elkarrizketa soziala institituzionalizatzeko dekretua bertan behera uzteko eskatzen duena. Hala, eztabaida honi helduta, elkarretaratze bat egin dugu Legebiltzarraren aurrean, "Euskal langileon hitza errespetatu. No al decreto de diálogo social” lelopean. Bertan, LABeko idazkari nagusi Garbiñe Aranburuk dekretu proiektua bertan behera utz dezaten eskatu du, elkarrizketa sozialak ez dituelako lan baldintza duinak bermatzen, proiektuak berak ez duelako Lan Harremanetarako eta Babes Sozialerako Euskal Esparruaren alde egiten eta dekretuak ez dituelako gehiengo sindikalak errespetatzen.

Irekiera mugagabedunen merkataritza ereduaren aurka mobilizatu gara berriro

E-posta Inprimatu PDF fitxategia

Supercor-en aurrean, Bilboko Errekalde Zumarkalean, eta Carrefour Express-en atarian, Katalunia kalean, San Inazion, bildu gara gaur protesta egiteko.

Igande eta jai egunetan irekitzearen kontra mobilizatu gara Gasteizen

E-posta Inprimatu PDF fitxategia

Kontsumo eredu arduratsu eta iraunkorren alde, eta igande eta jai-egunetan erostearen kontra, “Jaietan Denok Jai” plataformak mobilizazio bat egin zuen atzo Gasteizen. Hain zuzen ere, SuperCOR aurrean hasi zen protesta, eta Gasteizko hiribidean dagoen SIMPLY-ALCAMPOren aurrean amaitu zen. Datorren iganderako ere deitu dute protestara.

Areetan mobilizatu gara, "komenientziako denda" berri baten irekiera dela eta

E-posta Inprimatu PDF fitxategia

Areetako Supercor dendaren aurrean mobilizatu gara gaur, urteko egun guztietan eta ordutegi zabalarekin irekita egoteko zabaldu baititu ateak. Elkarretaratzearekin, irekiera mugagabedunen merkataritza ereduaren aurka egin dugu protesta, azken asteetan egin dugun bezala, "komenientziako denda" hauek ugaritzen ari baitira, esplotazioa eta prekarietatea hedatuz.

UGT, CCOO eta CENek sinatutako Akordio Intersektoriala ez-legitimoa, baztertzailea, hipokrita eta ez eraginkorra da

E-posta Inprimatu PDF fitxategia
Formari dagokionez, Madrilen sinatutako akordioen traslazio hutsa da eta UGT, CCOO eta CENek Nafarroa sukurtsal hutsa bailitzan tratatzen dutenaren erakusgarri. Gainera, akordioek ez dute gehiengo sindikalik, UGT-k eta CCOO-k Nafarroako ordezkaritza sindikalaren %49a dutelako.

Irekiera mugagabedunen merkataritza ereduaren aurka mobilizatu gara

E-posta Inprimatu PDF fitxategia

DIA&Go denda berri bat zabaldu dute DIA Supermerkatuek Bilbon, Licenciado Poza kalean. Denda hau “komenientziako denda” formatuarekin zabaldu dute, hau da, goizeko 8:00etatik gaueko 23:00etara egongo da zabalik. Aldi berean, Bilboko Mª Díaz de Haro kalean dagoen Carrefour Express igandeetan zabaltzen hasiko da. Hau dela eta, igande eta jai-egunetako irekieren kontra LAB, ELA, CCOO eta UGTk osatutako Bizkaia, Gipuzkoa eta Arabako plataformatik, irekiera mugagabedunen komertzio eredu hauen erabat kontra gaude, merkataritza sektore bultzatu ordez, langileen baldintzak malgutu eta esplotatu egiten dituzte. Langile batzuen beharrizanaz eta prekarietateaz baliatzen dira 365 egun irekiak dauden dendak ezarri edo goitzeko 08:00etatik gaueko 23:00ak arte ordutegien zabaltzea ezartzeko. Honen aurrean, mobilizazio bikoitza egin dugu gaur, Poza kaleko DIA%GO dendaren artean eta Maria Diaz de Haroko Carrefour Expressen.

Page 1 of 61

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.