2024-03-19
HomeEkintza SindikalaAzkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Azkoitiko lan-zentroko ABEEEa bertan behera uzteko eskatu diogu Sidenorreko zuzendaritzari

Pasa den martxoaren 8an jakinarazi zigun Sidenor enpresako zuzendaritzak Azkoitiko eta Reinosako lan-zentroetan produkzio eta organizazio arrazoiengatiko Aldi Baterako Enplegu Erregulazio Espediente (ABEEE) bat martxan jartzeko asmoa zuela. Martxoaren 14an izan genuen negoziazio batzordea sortzeko eta dokumentazioa jasotzeko bilera.

LABetik, ABEEEarekin ados ez gaudela azpimarratzearekin batera, honakoa adierazi genuen bileran:

-ABEEEaren gehigizko erabilera egin du Sidenorrek historikoki.

-Denon diruarekin, irabazi ikaragarriak dituen enpresa bati dirua aurrezteko baino ez dio balioko.

-Langileek langabezia galduko dute bien bitartean.

-ABEEEa bertan behera uztea eskatu dugu, ez baita beharrezkoa.

-Zuzendaritzak Azkoitiko batzordearekin bilera egin dezala egoera zein den azaltzeko.

-ABEEEa beharrezkoa balitz (eta ez deritzogu inondik ere orain denik), Azkoitiko langileei eragiten diena Azkoitian negoziatu beharko litzateke.

-Garbi daukagu Azkoitiko Hitzarmenaren negoziazioagatik beldurra sartzeko eta xantaia egiteko pausoa dela honakoa.

Bi lantegiak elkartuta sortu den batzordean Azkoitiko gehiengoak aldatzen dira, horrela errealitatea desitxuratuz. Azpiko koadroan azaltzen dira, alde batetik, Azkoitiko enpresa-batzordearen osaketa eta, bestetik, Reinosarekin elkartuta gelditu den negoziazio-batzordearena (lan-zentro bati baino gehiagori aplikatzen zaizkien ABEEE prozesuetan, eta denen artean 13 delegatu baino gehiago badira, 13 kideko batzorde berria sortzen da planta guztietako delegatu guztien proportzioarekin):

Lan-zentroaELALABCCOOUSOUGT
Azkoitia53221
Batzordea32422

Azkoitiko langile kopurua: 313. Reinosako langile kopurua: 152

Urte askoren ondoren, enpresa-hitzarmenaren negoziazioa hasi berri dugu Sidenor Azkoitian. Garbi daukagu Azkoitiko hitzarmenaren negoziazioagatik beldurra sartzeko eta xantaia egiteko pausoa dela honakoa. Orain arteko mehatxuek ez dute eraginik izan hitzarmenaren negoziazio prozesuan eta ABEEEak ere ez du eraginik izango hitzarmen duin bat lortzeko bidean.

AZKEN ALBISTEAK | ÚLTIMAS NOTICIAS

00:02:19

Ezkerraldeko eta Meatzaldeko langileentzat lan eta bizi baldintza duinak aldarrikatu ditu LABek

Gaur, LABek deituta, ehunka lagunek Sestaoko kaleak hartuko dituzte, Ezkerraldeko eta Meatzaldeko langileentzat etorkizun duina aldarrikatzeko. Langileon lan eta bizi baldintzak borrokatzeko. Izan ere, bada denbora bat EAJk eta PSOEk Ezkerraldea zein Meatzaldea desindustrializatzeko estrategia martxan jarri zutela: ehun industriala suntsitu eta, trukean, zerbitzuen sektorea ezarri, logistikaren eta biltegiratzearen mesedetan.

Aliantzen, aktibazioaren eta borrokaren garaia da Bizkaiko grafikagintza sektorean

Bizkaiko grafikagintzako hitzarmenaren negoziazio mahaia lehen aldiz bildu zenetik hamar hilabete igaro dira. Maiatzaren 23tik hona 10 bilera egin ditugu, azkena atzo, martxoaren 14an, eta ezin dugu esan akordioa orduan baino gertuago dagoenik.

Uko egiten diogu CCOOk CEARen sustatutako estatu-esparruan parte hartzeari, eta berretsi egiten dugu Euskal Herriko esku-hartze sozialeko sektorearekiko apustua eta konpromisoa

Beste behin ere salatzen dugu estatalizazioa iraunaraztea langileak prekarizatutako egoera batean mantentzeko mekanismo bat dela, kasu honetan, CEAReko plantilla. Hartutakoa, erabaki-esparruak oztopatzen dituen akordioa da, eta ordezkatzen ez gaituen estatu-esparrua bermatzen du. LABek ez du onartuko edo legitimatuko lan-baldintzen estatalizazioa indartuko duen negoziazio-esparrurik, eta ez du parte hartuko langileen prekarizazioa betikotzen edo areagotzen duen akordioetan.