LAB SINDIKATUA

2018/06/22 :: 1:21

Azken Eguneraketa:2018/06/21 :: 13:05

HIZKUNTZA
Hemen zaude: ARLOAK PENTSIODUNAK Pentsioak Toledoko Ituneko aldaketek ez dituzte pentsionisten aldarrikapenak asebetetzen

Toledoko Ituneko aldaketek ez dituzte pentsionisten aldarrikapenak asebetetzen

E-posta Inprimatu PDF fitxategia
Partekatu albistea
Sanchez Espainiako Gobernuko presidente denetik Toledoko Itunaren lehen bileraren inguruan dauden lehen informazioak konfirmatuta ez dagoen akordio bat “saltzeko” baliatzen dira. Gainera, balizko akordio horrek ez lituzke pentsionisten aldarrikapenak bermatuko eta ez lieke euskal pentsionisten eskariei erantzungo.

Esaten dute KPI hartuko dutela kontutan pentsioak igotzeko, baina oparotasun ekonomiko sasoietan baino ez, honek babesa emango lieke PPk 2013an egindako pentsioen erreforman sartutako aldaketei. Ordurako, krisian zegoen pentsioen sistema eta hortaz, pentsionisten buru gainean jarraituko du Damoclesen ezpata honek.

Ez da KPI pentsio guztientzat bermatzen ezta 1.080 eurotako gutxieneko pentsioa ere, Euskal Herrian aldarrikatzen ari dena pentsionistak pobreziaren atalasetik behera egon ez daitezen, Europako Karta Sozialak adierazten duen moduan.
Ezin dugu “ahaztu” ezta azken urteotan “gora” egiten duen eros-ahalmenaren galera bat dagoela edo nola euskal instituzioek, Gasteiz zein Iruñeko gobernuek, pentsioak osagarritu ditzaketen, Babes eta Gizarte Segurantzako Sistema Propioa izan dezagun arte, orain zein etorkizunean pentsio duinak bermatuko dituena.

Ez gaitzatela engainatu. Ez dugu hitz politik nahi. Pentsionisten aldarrikapenak onartzen dituztela erakutsiko duten ekintzak nahi ditugu. Hauek, EAJ eta PPk akordioa egin arren, ez dira engainatzen utzi eta pentsio duinak eta 1.080 eurotako gutxieneko pentsioak aldarrikatzen jarraitzen dute.

Badakigu hori benetan lortzeko modu bakarra gure apustua den Sistema Propioa lortuta izango dela baina bitartean, euskal instituzioak ezin dira geratu beste alde batera begira eta egiteko ugari dituzte, pentsionista pobreak egon daitezela ekiditeko.
 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.