LAB SINDIKATUA

2018/09/23 :: 15:45

Azken Eguneraketa:2018/09/21 :: 9:47

HIZKUNTZA
Hemen zaude: ARLOAK LAN OSASUNA Prekarietatea Hiltzailea 20 egunen buruan 8 langile hil dira lan istripuan #prekarietateaHiltzailea

20 egunen buruan 8 langile hil dira lan istripuan #prekarietateaHiltzailea

E-posta Inprimatu PDF fitxategia
Partekatu albistea

Gaur, hilak 13, lan istripu berri bat jazo da, itsas-gizon bat hil egin da Hondarribiako portuan. LAB sindikatutik, lehenik eta behin, elkartasuna eta doluminak eskaini nahi dizkiogu haren senide eta lankideei. Modu bereran aurreko larunbatean Biana herriko paper-fabrikan hildako langilea eta Betelun hildako nekazaria ere gogoan izan nahi ditugu. Hauekin gutxienez 35 dira 2018an Euskal Herrian lanean hil diren langileen kopurua.

Laneko istripuen atzean lan eta bizi baldintza kaskarrak aurkitzen dira. Larria da azken hilabeteak argi erakusten 2018an ematen ari den lan istripuen gorakada.

Gorakada hau, Nafarroan zein EAE mailan ematen ari da, hortaz ez da kasualitatea, sakoneko arrazoiak daude. Merkatua eta ekonomia langileen gainetik jartzen denean emaitza garbia da, miseria, pobrezia prekarietatea, osasuna galera eta heriotza .

Betiko arrazoiez gain (azpikontratazioa, lan erreforma, soldata eta prezioen merketzea...) udan beste faktore bat gehitu behar zaio, presio eta presa.

Industria eta zerbitzuetan, Bianako kasua adibide, asko dira garai honetan mantenu lanak egiten dituzten enpresak eta horretarako azpikontratazioetara jotzen dute askok azken hauei itzelezko presioa ezarriz lanak ahal bezain azkar egiteko, lan baldintzak eta segurtasun neurriak kontutan hartu gabe.

Arrantza sektoreari dagokionez, lan baldintza gogorrak azpimarratzearekin batera, garai honetan izaten duten lan karga haundia, eta kuotek ezartzen duten presioa nabarmendu nahi dugu. Lan baldintzak oso gogorrak dira, lan ordu luzeak eta ia deskantsurik gabeko jardunaldiak, eta arrazoi hauek aurkitzen dira istripu hauen iturburuan.

LAB sindikatutik oinarrizko arrazoei aurre egin eta sektorea behar bezala erregulatzea eta bizi eta lan baldintzak hobetzea exijitzen dugu.

Istripu guzti hauen gaineko behar bezalako erantzuna artikulatzen saiatuko gara hurrengo orduetan eta langile guztiei deituko diren mobilizazietan parte hartzeko deia luzatu nahi diegu.

LAN ISTRIPU GEHIAGORIK EZ! PREKARIETATEA HILTZAILEA
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.