LAB SINDIKATUA

2018/10/19 :: 2:06

Azken Eguneraketa:2018/10/20 :: 12:48

HIZKUNTZA
Hemen zaude: ARLOAK LAN OSASUNA Lan istripuak Lan Osasuneko Nafarroako Kontseiluaren bileratik altxa gara, Gobernuak lan istripuekiko duen ekimen falta dela eta

Lan Osasuneko Nafarroako Kontseiluaren bileratik altxa gara, Gobernuak lan istripuekiko duen ekimen falta dela eta

E-posta Inprimatu PDF fitxategia
Partekatu albistea
Uda sasoi odoltsu baten ostean, Nafarroan 11 langile lanean edo lanerako bidean hil direnean, premiazko neurriak proposatzeko garaia da, lan istripuen hazkundeari aurre egiteko bidean. Bada, Nafarroako Gobernuak urriaren 10era arte atzeratu du gai honen eztabaida, eta Nafarroako Lan Osasuneko Kontseiluaren bilera deitu du gaurko, gai bakar batekin: patronalek eta UGT eta CCOO sindikatuek Estatu mailan aurkeztutako zenbait proiektu onartzea.

Fondoari dagokionez, ELA eta LAB sindikatuok publikoki galdegin diogu Nafarroako Gobernuari prebentziorako funtsen kudeaketa propioa ukatu izanari buruz, baita Estatu Mailako Lan Arriskuen Prebentziorako Fundazioaren sistema iluna babestu izanari buruz ere. Baina, dirudienez, Nafarroako Gobernuak bere horretan darrai.

Formei degokienez, negargarriak dira eta Gobernuaren lehentasunak garbi adierazten dituzte: garrantzitsuena ez dira 11 heriotzak, Nafarroako langileok kotizazioen dirua UGT, CCOO eta CENera bideratzea.

Horregatik, Lan Osasuneko Kontseiluko ELA eta LABeko ordezkariok gai-ordena aldatzea eskatzea dugu, Lan Arriskuen Prebentziorako Fundazio Estataleko funtsen inguruko puntua kenduz eta puntu bezala jarriz lan istripuen gorakada larria eta hauen ondorioz ematen diren heriotzak. Lan Osasuneko Kontseiluko presidenteak, Politika Ekonomiko, Enpresarial eta Lanaren ingurukoaren Zuzendari Izaskun Goñik, ez du gure eskaria onartu, hortaz ELA eta LABeko ordezkariek bilera utzi dute protesta bezala.

Hemendik gutxira ELA eta LABek prentsaurrekoa deituko dute egoera larri honen inguruan hartutako erabaki eta ekimenak jakinarazteko.

 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.