LAB SINDIKATUA

2018/09/19 :: 16:22

Azken Eguneraketa:2018/09/19 :: 10:49

HIZKUNTZA
Hemen zaude: ARLOAK INGURUMENA Errauskailua Errauste planta gelditzeko arrazoiak eraman ditugu Bruselara

Errauste planta gelditzeko arrazoiak eraman ditugu Bruselara

E-posta Inprimatu PDF fitxategia
Partekatu albistea



Errauste planta gelditzera joan da LABeko ordezkaritza bat Bruselara. GuraSOS, Euskal Herriko gehiengo sindikala, CES, EH Bildu eta Podemos elkartu gara Europako Parlamentuan. Erraustegiaren kontratazioaren irregulartasunak, diru publikoaren xahutzea, ingurumenaren eta osasunaren aurkako erasoa eta herritarron parte hartzerik eza salatu ditugu bertan.

 
Donostiako erraustegia jada eraikitzen ari dira Zubietan. Hori, ordea, ez da arrazoi nahikoa errausketa sistemaren aurkako olatua geldiarazteko. LABeko ordezkaritza Bruselara etorri da GuraSOSek Europako Batzordean sartutako kexa eta eskaerei babesa emateko. GuraSOS elkarteak erraustegiaren kontratazioan gertatutako irregulartasunak eta bidegabekeriak alderdi guztietako eurodiputatuen, ingurumen zuzendaritzaren eta Eurostaten aurkezteko parada izan du.



Europan ekonomia zirkularraren alde hartzen ari diren konpromisoek markatzen dute gaurko eta biharko eredua, non errausketa azken aukeratzat kokatzen den, beti ere guztiz gaitzesten ez delarik, izan ere, baliabide petroliferoak dituzten europa iparraldeko herrialdeak erraustearen aldekoak baitira. Honetan guztian, Espainiako Estatuko erkidego hainbat zaborren kudeaketa plan zein berrikuspen faltagatik justizia auzitegira eraman ditu orain gutxi Europako Batasunak.

Beraz, itxaropena kaleko borrokan baina baita ere Europan jarrita etorri gara, eta errauskailuak dakarren inpaktu sozioekonomiko eta ingurugiroaren gainekoa izan ditugu bi egun hauetan mintzagai. Behin baino gehiagotan ikusi dugun beste ustelkeria kasuen artean bat gehiago da Zubietako makroproiektua. Parte-hartze prozesurik gabe aurrera ateratako erabaki politikoa izateaz gain, herritarron beharrei eta garapen eredu iraunkor bati erantzuten ez dion kudeaketa sistema ere bada. Besteak beste, azpiegituraren gaindimentsionamendua, zor publikoaren iruzurra, ezagun zaizkigunez gain oraindik ezezagun diren elementuen kutsakortasuna, eta funtsean, ekoizpen eta kontsumo eredu zalantzagarria jarri ditugu mahai gainean. LABetik bestelako kudeaketa sistema baten alde egiten jarraituko dugu: kontsumoaren murrizketan, berrerabilpen eta berziklapenean oinarritzen den sistema iraunkor, justu eta demokratikoa.


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.