LAB SINDIKATUA

2018/12/10 :: 11:26

Azken Eguneraketa:2018/12/10 :: 8:53

HIZKUNTZA
Hemen zaude: ARLOAK EUSKARA Euskararen normalizazioa Euskara erabili nahi dutenentzat ingurune sozial eroso, abegikor eta naturala da eta izango da sindikatua, Euskaraldiak iraun bitartean ere

Euskara erabili nahi dutenentzat ingurune sozial eroso, abegikor eta naturala da eta izango da sindikatua, Euskaraldiak iraun bitartean ere

E-posta Inprimatu PDF fitxategia
Partekatu albistea

Bilboko egoitzako kideak.Bilboko egoitzako kideak.

Abian da Euskaraldia, eta 11 egunez Ahobizi eta Belarriprest izango gara sindikatuan. Hain zuzen ere, langileok Euskaraldian subjektu aktiboak izango gara. Lanean zein kalean, askatasunean, euskararen hazia erein egingo dugu euskararen erabilera hazteko.

Donostiako Groseko egoitzako kideak.Donostiako Groseko egoitzako kideak.

2000. urtean LAB sindikatuak erabaki zuen sindikatuaren LAN eta KOMUNIKAZIO hizkuntza euskara izango zela. Erabaki horren aurretik euskararen normalizazioan lan handia egina bagenuen, erabakiaren ostean EUSLAB egitasmo estrategikoa jarri genuen martxan sindikatu barruko jardueran zein lan munduan euskararen erabilera areagotzeko. Ez gara berriak lan munduan euskararen erabileran eragiteko dinamiketan.

Euskaraldiaren alde, Gasteizko egoitzaren aurrean.Euskaraldiaren alde, Gasteizko egoitzaren aurrean.

EUSKARALDIA euskararen erabilera areagotzeko ariketa sozial eta kolektiboa den neurrian, LABek bat egin du dinamikarekin eta EUSKARALDIAn eragile aktiboa izatea erabaki dugu. LAB sindikatuko kideok, urte osoan zehar bezala, azaroaren 23tik abenduaren 3ra, 11 egunez, euskara erein egingo dugu kalean zein lanean, langileok euskararen erabileran hazteko.

Lizarrako egoitzako kideak.Lizarrako egoitzako kideak.

Euskararen berreskuratze proposamen guztietan lan mundua eta langileak bazter geratu gara eta EUSKARALDIAn subjektu aktiboak izan nahi dugu. LABeko kideok gure eginbide sindikalean AHOABIZI eta BELARRIAPREST izango ditugu eta horrela, sindikatuaren jardueran euskararen erabilera areagotu nahi dugu eta langileekin euskararen erabileraren erantzukizuna partekatuko dugu eta aukera eskainiko diegu gurekin eta lan munduan euskara erabiltzeko.

Durangaldeko LABeko kideak.Durangaldeko LABeko kideak.

Sindikatu barruan zein lan munduan hizkuntzarekin ditugun inertziak astindu nahi ditugu eta sindikatu barruko prozesuetan euskararen erabilera areagotzeko ahalegin kolektiboa egingo dugu.

Oarsobidasoko kideak.Oarsobidasoko kideak.

LABek EUSKARALDIA baliatu nahi du lan munduko euskaltzaleen sareak berraktibatzeko eta indartzeko, eta 11 egun horietan gure sindikatuan eta lan munduan sortutako dinamikak denboran mantentzeko ahalegin berezia egingo dugu.

Eusko jaurlaritzako LABeko kideakEusko jaurlaritzako LABeko kideak

EUSKARALDIAn LAB sindikatua euskara erabili nahi dutenentzat ingurune sozial eroso, abegikor eta naturala izango da. Gure eginbide sindikala egiteko moduari eta prozesuari emango diogu garrantzia: Euskaraz egingo dugu.

Gipuzkoako Foru Aldundiko LABeko kideak.Gipuzkoako Foru Aldundiko LABeko kideak.
 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.