LAB SINDIKATUA


2018/07/23 :: 5:57

Última actualización:2018/07/20 :: 12:12

IDIOMA
Estas aquí:

La Asuncion klinikako langileek lanuzteekin jarraitzen dute

Email Imprimir PDF
Partekatu albistea



Tolosako La Asuncion klinikako langileek lanuzteekin jarraitzen dute, egun osoz gaurko egunari dagokionez. Lau orduko eta egun osoko lanuzteak egin zituzten abenduan, eta, urte berriaren etorrerarekin, borroka indartu dute, beti ere hitzarmen duin baten defentsan. Elkarretaratze bat egin dute gaur klinikan bertan, eta datozen orduetarako hainbat protesta dituzte aurreikusita: bihar, adibidez, gaur bezala, greba eguna egingo dute.

Tolosako La Asuncion klinikako zuzendaritzak negoziatzeko asmorik ez duela jakinarazi die langileei: ez du soldata igoeraz hitz egin nahi, 2010etik izoztuak dauden arren; ez du urteko lanaldia murrizteari buruz hitz egiteko asmorik, langileek Osakidetzan baino 78 lan ordu gehiago dituzten arren; eta ez dio klinikako zerbitzuan gertatzen ari den gainbeherari heldu nahi, medikuak joaten ari diren arren. Hori dela eta, lanuzteak eta mobilizazioak deitu ditugu LAB eta ELA sindikatuok.

Hauxe da gaur eta biharko aurreikusitako mobilizazioak:

Urtarrilak 9, asteartea

8:00-10:00: elkarretaratzea, klinikan.
10:30-11:15: elkarretaratzea, Andoainen.
11:45-12:30: elkarretaratzea, Belaten (Tolosa).
16:00-16:45: auto karabana, Andoainen (Eroskiko aparkalekuan elkartuko dira).
17:00-18:00: auto karabana, Tolosan, klinikatik abiatuta.

Urtarrilak 10, asteazkena

8:00-10:00: elkarretaratzea, klinikan.
10:30-11:15: elkarretaratzea, Andoainen.
11:45-12:30: elkarretaratzea, Belaten (Tolosa).
18:00: manifestazioa, Tolosako udaletxetik abiatuta. 
 


 
 

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.