LAB SINDIKATUA

2017/04/26 :: 9:47

Última actualización:2017/04/25 :: 12:56

IDIOMA
Estas aquí:

Aurreakordioa lortu da Arabako ardogintzako hitzarmenean

Email Imprimir PDF
Partekatu albistea

2012-2015 Arabako ardogintzako hitzarmenaren indarraldia pasa den martxoaren 31an amaitzen zen. Data hori iritsi aurretik, martxoaren 9, 20, 28 eta 30ean, akordio bat lortzeko hainbat saiakera egin baziren ere ezinezkoa izan zen adostasun batera iristea. Azken minuturarte ahaleginetan ibili ostean, pasa den ostiralean, martxoaren 31an, hitzarmenaren indarraldia amaitzeko ordu gutxi falta zirela, LAB eta ELAk aurreakordioa sinatu zuten, horrela langileen lan baldintzak hobetzen dituen hitzarmena berriztuz.

LAB eta ELA, Mahai Negoziatzailean gehiengo dugun sindikatuok, izan gara azken ordura arte ahaleginetan ibili garenak akordioa posible egiteko. Aipatu beharra dago martxoaren 31an bertan UGT gehitu zela sinadurara. Ordura arte, sindikatu honek ez zuen argi izan.

Gehiengo sindikalak “koma sakonean” zegoen Hitzarmena biziberritu du.

Azken lau urteak iraun zituen aurreko Hitzarmenean (2012-2015), UGT eta CCOOek sinatu egin zuten aintzinatasuna murriztu, malgutasuna handitu eta %1eko soldata igoerarekin, hitzarmena “klinikoki hilda” utziz.

2016-2018 Hitzarmenaren sinadurak, %2ko soldata igoerak bermatzen ditu 2016rako; %2koak 2017rako eta %2,25ekoak 2018rako. Hitzarmena amaitzerakoan, 2017 eta 2018ko benetako KPIaren igoera zein den begiratuko da eta soldaten igoera baino handiagoa da, taulen bidez arautuko da 2019 hasieran, hitzarmen berria negoziatzen hasi aurretik.

Gainera, berraztertu egingo da eros ahalmenaren galerarik egon ez dadin. Benetako igoerak dira, tauletan ezarriko litzaizkiekenak sektoreko langile guztiei. 2017tik aurrera, 1.000 eurotako gutxieneko soldata adostu da 15 pagatan (12 hilabetetakoak eta 3 paga), gogoratuz orain arte, lau kategoria ez zirela kopuru honetara heltzen (3. mailako ofiziala, 2. mailako ofiziala, especialista eta peoia).

Hitzarmenak aurrera egiten du lizentzia eta baimenetan, aurrejubilazioentzako kalteordainetan, enpresen barruan euskara kontuan hartzen hasten da (iragarkiak, komunikazioak, etab) eta beste zenbait puntutan. Hitzarmena bete eta ezarri egingo dela ere bermatzen da, berau ez ezartzea mugatzen duen klausula baten bidez.

Garrantzitsuena da hitzarmen honen aurrekoaren lerroarekin apurtzen duela eta ez duela
ezertan atzera egiten. Gehiengo sindikal berria batu da sektorean eta erakutsi da bestelako baldintzak eta hitzarmena ezberdina direla.

Sektoreko langileak zoriondu behar ditugu hitzarmena dutelako. Modu berezian zoriondu nahi ditugu Mahai Negoziatzailean parte hartu duten LAB eta ELAko delegatuak eta asanbladetan parte hartu duten langileak ere, euren inplikazio, konpromiso eta lanarekin, guztion artean lortu dugulako aurrekordioa.
 


 
 

No hay comentarios


Para hacer comentarios debes estar registrado.¿Todavía no tiene una cuenta? Regístrate