Irunen izan da Ekimen Ibiltaria goizean, eta Hondarribiara iritsiko da arratsaldean. Hain zuzen ere, ekintza sindikaleko tailer bat egin dugu Palmera Monteron, eta, arratsaldean, Hondarribiako San Pedro kalean, eztabaidak egingo ditugu bertan muntatuko dugun Infogunean. Ostegunean berriro ekingo diogu “Lan duina, bizi duina” dinamikari: Oiartzungo Alcampotik abiatuta, auto karabana bat egingo dugu 10:00etatik 13:00etara; eta Pasai Antxon egokituko dugun Infogunean, beste hitzaldi bat egingo dugu arratsaldean, Zumardian.
Gipuzkoan sartu da gaur Ekimen Ibiltaria. Goizean goiz, delegatuekin ekintza sindikaleko tailerra egin dugu, eta 30 delegatu inguruk parte hartu dute. Kasu praktikoak landu ditugu. Gero, Plastikos Alai enpresan lan osasunerako prebentzio neurriak eskatu ditugu eta Wocco enpresan Aldi Baterako Lanerako Enpresetako langileak lan taldean sartzea eskatu dugu.
Gaur arratsaldeko jarduerei helduta, Hondarribian, 17:30ean, “Zaldunborda: Prekarietatea gune beltz berria?” eztabaida egingo dugu; eta, 18:30ean, “Etxebizitza, gazteok zer alternatiba ditugu?” mahai ingurua.
Pasai Antxon bihar egingo dugun hitzaldiari dagokionez, “Pasaiako badian duin bizitzeko, burujabetza eta aldaketa soziala” izenburua izango du. 18:00etan hasiko da, Zumardian jarriko dugun Infogunean, eta LABeko Ekintza Sozialeko kide Edurne Larrañagak, Portuko LABeko kide Jose Ramon Zapirainek eta Pasaiako alkate ohi Juankarlos Alduntzik hartuko dute hitza.
20/11/2017
Ondarroara iritsi da gaur “Lan duina, bizi duina” Ekimen Ibiltaria, eta etorkin langileak eta arrantza izan ditugu aldarrikapengai. Hala, gure eskaintzaren berri eman eta elkarretaratze bat egin dugu herrian, kaian bertan.
17/11/2017
Ekimen Ibiltaria Eibarren izan da gaur, hainbat aldarrikapen zabaltzeko, beti ere “Lan duina, bizi duina” leloarekin. Hala, Untzaga plazan, elkarretaratze bat egin dugu azpikontratazioa salatzeko. Hain zuzen ere, Eibarko ospitalean zerbitzuen azpikontrataziorik ez dugula onartuko jakinarazi dugu.
16/11/2017
Ekimen Ibiltaria Zestoan izan da goizean, “Lan duina, bizi duina” aldarria zabaltzeko. Jardueren artean, elkarretaratze bat egin dugu udalaren pribatizazio politikaren aurka. Hain zuzen ere, bi langile jubilatuko dira, biak funtzionario, eta postu horiek amortizatu eta azpikontrata bat jarriko dute mantenu lanak egiteko.
16/11/2017
“Lan duina, bizi duina” Ekimen Ibiltariak lehen lerrora eramango ditu emakumeak, Emakumeenganako Indarkeriaren Kontrako Nazioarteko Egunean. Hala, solasaldi bat egingo dugu Bilbon, etxeko langileen egoerari buruz hitz egiteko, “Inork ikusi nahi ez duen zapalkuntza hirukoitza” leloarekin.
15/11/2017
Arrasatera iritsi da Ekimen Ibiltaria, eta “Lan duina, bizi duina” aldarriak bere bidea egiten jarraitu du. Hain zuzen ere, pekarietatearen aurkako tailerra egin dugu goizean delegatuentzat, Kultur-Ate aretoan. Eguerdian, berriz, giza kate bat egin dugu merkataritza sektoreko langileen lan baldintzen defentsan.
14/11/2017
Arabako Lautadan dabil gaur Ekimen Ibiltaria; Araian eta Agurainen, hain zuzen ere. Araba agurtu eta Gipuzkoara itzuliko da ondoren, Arrasatera bihar iristeko. Hori gertatu aurretik, protestak egin ditugu Lautadako industriaguneetan barrena. Mobilizazioetako bat Araiako Nestle-Froneri enpresaren aurrean egin dugu, kaleratzeak salatzeko.
13/11/2017
Ekimen Ibiltariak Gasteiz utzi du, baina Araban jarraitzen du, bihar arte. Hain zuzen ere, “Lan duina, bizi duina” dinamika Oionen izan da gaur, eta Araia eta Agurainera iritsiko da asteartean.
11/11/2017
"Lan duina, bizi duina" Ekimen Ibiltaria Gasteizen dago gaur, bigarren egunez. Atzoko jardueren ostean, gaur ere irten gara kalera. Hain zuzen ere, dendetatik ibili gara merkataritza sektoreko langileen lan baldintzak defendatzeko eta hauek pairatzen duten prekarietatea salatzeko.
10/11/2017
LABek antolatutako “Lan duina, bizi duina” Ekimen Ibiltaria Gasteizera iritsi da gaur, urriaren 16tik hona prekarietatearen aurkako aldarria Euskal Herriko hainbat txokotan zabaldu eta gero. Zerbitzu publikoetan bizi den egoera salatzeko baliatu dugu gaurko eguna, Eusko Jaurlaritzaren egoitza nagusia Gasteizen dagoela kontutan hartuta. Hala, LABeko Zerbitzu Publikoetako Federazioko idazkari Gorka Berasategik ohartarazi du Eusko Jaurlaritzaren magalean dauden administrazioak prekarietatea eta behin behinekotasun gehien dutenak direla.
09/11/2017
Goierrira iritsi da Ekimen Ibiltaria, indartsu. Goizean goizetik gaude kalean, eskualdeko hainbat lantokitan “Lan duina, bizi duina” aldarria zabaltzen. Haurreskoletako gaurko grebarekin egin dugu bat eta Olaberriako Arcelor eta Carrefourren izan gara, hau guztia, Ekimen Ibiltariaren bitartez egindako auto karabanaren eskutik. Arcelorri dagokionez, prekarietatearen adibide bat dela salatu dugu lantegiaren aurrean.
08/11/2017
Ekimen Ibiltariak bidea egiten jarraitzen du, “Lan duina, bizi duina” lelopean. Tolosaldean ibili gara gaur. Hain zuzen ere, eskualdeko industriaguneak bisitatu ditugu goizean, auto karabana baten bitartez.
07/11/2017
LABek ekitaldia egin du gaur Hernaniko Biteri Kultur Etxean, Sobietar Iraultzaren mendeurrenean, “…sortuko dira berriak 1917-2017” izenburupean. Ekitaldia LABen ekimen ibiltariaren barruan kokatzen da. Igor Arroyo, LABeko Idazkari Nagusiaren ondokoak, gogorarazi duenez , “gaur egun Europan ezagutzen ditugun aurrerapen sozialak borroka sindikal eta politikoaren fruitu dira neurri handi batean”. Aurrera begira ere jarri nahi izan du LABen konpromisoak azalduz, “XX. mendeko borrokalarien enbor beretik sortuko dira, sortuko ditugu, XXI. mendeko iraultzak”.
06/11/2017
Ekimen Ibiltaria Donostian ibili da asteburuan, eta gaur Usurbil eta Lasartera iritsi da, “Lan duina, bizi duina” aldarrikapena zabaltzeko. Goizean, Urbil merkataritza gunean izan gara, bertako langileekin egoteko, prekarietatea eta lan eskubideei buruzko gure irakurketa plazaratzeko.
04/11/2017
"Lan duina, bizi duina" Ekimen Ibiltaria Donostiara iritsi zen atzo, eta Gipuzkoako hiriburuko Parte Zaharrean izan gara gaur, ostalaritza eta alojamenduetako langileen lan eskubideen defentsan eta sektorearen prekarietatea salatzeko. Kalean izan gara, egoera honen berri emateko eta sindikatuaren aldarrikapenak zabaltzeko. Hala, kalejira bat egin dugu Parte Zaharrean barrena, egoera ikusgarri egiteko.
03/11/2017
Ekimen Ibiltaria indartsu iritsi da Donostiara. Ibaetako kanpusean egon gara goizean, eta bertan egokitu dugu "Lan duina, bizi duina" dinamikaren berri ematen duen gunea. Eguerdian, manifestazio bat egin dugu kanpusean barrena, unibertsitatean lan egiten duten langileen egoraren berri emate4ko. Izan ere, hainbat dira prekarietatea bertatik bertara pairatzen dutenak: garbitzaileak, ikerlariak, ikasleak eta bekadunak, besteren artean. Guztiok izan ditugu gogoan protestan.
02/11/2017
Ekimen Ibiltariak ez du etenik. "Lan duina, bizi duina" dinamika Oarso Bidasoa eskualdera iritsi zen asteartean, eta bertan ibili da gaur ere. Hain zuzen ere, gaur goizean oarsoaldetik auto karabana ekintzailea egin dugu, Oiartzungo Alcampotik abiatuta. Hala, hainbat enpresatik igaro gara. Niessen-en, Parisera euskal presoen aldeko mobilizaziora joateko deialdia zabaldu dugu; Geka-n, askatasun sindikala aldarrikatu dugu; Leroy Merlin zein Carrefourren, estatalizazioaren kontrako salaketa eraman dugu; Burger King eta Mercadonan, esplotazioa salatu dugu; eta astillerosetan lan osasunerako eskubidea aldarrikatu dugu.
31/10/2017
Irunen izan da Ekimen Ibiltaria goizean, eta Hondarribiara iritsiko da arratsaldean. Hain zuzen ere, ekintza sindikaleko tailer bat egin dugu Palmera Monteron, eta, arratsaldean, Hondarribiako San Pedro kalean, eztabaidak egingo ditugu bertan muntatuko dugun Infogunean. Ostegunean berriro ekingo diogu “Lan duina, bizi duina” dinamikari: Oiartzungo Alcampotik abiatuta, auto karabana bat egingo dugu 10:00etatik 13:00etara; eta Pasai Antxon egokituko dugun Infogunean, beste hitzaldi bat egingo dugu arratsaldean, Zumardian.
30/10/2017
Nafarroatik Lapurdira eta Lapurditik Nafarroara. Bi herrialde horien artean dabil egunotan Ekimen Ibiltaria, “Lan duina, bizi duina” leloarekin. Lesakan izan gara gaur, ekintza sindikaleko tailerra egiten; eta Hendaian izan ginen larunbatean, Kutxabanquen aurreikusitako kaleratzeak eta itxierak salatzeko. Gipuzkoara igaroko da bihar dinakima ibiltaria. Hain zuzen ere, Irunen eta Hondarribian izango gara, eta hainbat jarduera proposatuko ditugu.
27/10/2017
Lapurdira iritsi da Ekimen Ibiltaria; Baionara, hain zuzen ere. "Lan duina, bizi duina" dinamikaren etorrerarekin, tresna berri bat proposatu du LABek: alerta sistema bat, Macronen erreformak enpresa batean atzerapen sozialen bat ekartzen duenean aktibatuko genukeena. Ipar Euskal Herriko langileei zuzendutako baliabidea Komertzio Ganberan egindako agerraldian aurkeztu dugu. "Zure enplegatzaileak konbenio kolektiboa baino apalagoa den akordio bat poposatzen badizu, alerta piztu eta abisatu gaitzazu. Elkarrekin harresi sozial bat antolatuko dugu bakoitzaren gizarte abantailak atxikitzeko gisan", adierazi dugu aurkezpenean.
26/10/2017
Zangotzan izan gara gaur, Ekimen Ibiltariaren baitan. Hain zuzen ere, Kale Nagusian dagoen ETT Manpower Aldi Baterako Lanerako Enpresaren aurrean egin dugu protesta. Hala, "Lan duina, bizi duina" dinamikaren izaerari jarraituz, prekarietatea sortzen duen beste gune bat identifikatu dugu.
25/10/2017
Iruñera itzuli da gaur Ekimen Ibiltaria, duela bederatzi egun bertatik abiatu eta gero. "Lan duina, bizi duina" dinamikaren bitartez, prekarietateak kutsatutako eremuak ari gara identifikatzen, eskualdez eskualde. Bada, Iruñeko Miserikordia zaharren egoitzan izan gara eguerdian, bertan lan egiten duten langileen lan eskubideak urratzen direla salatzeko. Hain zuzen ere, Miserikordiak egindako kontratuen %40,2 behin behinekoak dira eta 26 emakume daude lanean duela zortzi urtez geroztik, behin behineko kontratupean. La Meca bezala da ezaguna Miserikordia, bertako kudeatzaileek hala izendatuta. Eta izen aproposa dela iruditzen zaigu, "prekarietatearen meka" baita. Hau guztiagatik, Pikete Feministak hartu du parte Miserikordia etxeko prekarietatea salatzeko mobilizazioan.
24/10/2017
Zortzigarren eguna bete du gaur Ekimen Ibiltariak. Iruñean hasi genuen "Lan duina, bizi duina" dinamika, eta Iruñerrira itzuli gara gaur. Hain zuzen ere, zerbitzu pribatuetako delegatuekin batzarra izan dugu, eta, ondoren, Berriozarreko Decathlonen aurrean protesta egin dugu, bertako langileek pairatzen duten prekarietatea salatzeko. Era berean, Decathloneko biltegia ez ixteko eskatu dugu, eta 140 lanpostu arriskuan daudela ohartarazi.
23/10/2017
Ekimen Ibiltaria San Adrianen izan da gaur, ostiral eta larunbatean Tuteran eta Tafallan egon eta gero. General Mills enpresaren atarira eraman dugu gaur "Lan duina, bizi duina" aldarria. Izan ere, prekarietatea oos presente dago elikagaingintza arloko enpresa horretan, joan den hilabetean CCOO eta UGT sindikatuek enpresarekin akordioa sinatu arren.
20/10/2017
Bosgarren eguna bete du gaur Ekimen Ibiltariak, eta, atzo Altsasun egon eta gero, gaur Tuteran izan gara. Ekintza sindikaleko tailerrak egin ditugu goizean, eta ustezko autonomoen egoera salatzeko elkarretaratze bat gauzatu dugu UVESA enpresaren aurrean eta beste bat, prekarietatea salatzeko, Villa Castejon hotelaren aurrean.
20/10/2017
Miles y miles de personas sufren la precariedad de primera mano, y muchas de ellas no son visibles en el mundo laboral, por lo que se ven en la imposibilidad de defender sus derechos laborales. A través de la dinámica itinerante “Lan duina, bizi duina”, LAB quiere hacer visibles a todos los colectivos, en defensa de sus derechos, y hoy haremos referencia a la situación de las y los falsos autónomos mediante una concentración en Tutera, frente a la empresa Uvesa. En este sentido, hemos recogido el testimonio de Juan Mari para conocer la realidad que vive este colectivo.
19/10/2017
Se cumple hoy el cuarto día desde que iniciamos la dinámica itinerante "Lan duina, bizi duina". Hemos estado hoy en Lizarra denunciando la precariedad, y, entre actividad y actividad, hemos estado con las y los pensionistas, que han realizado una concentración frente al punto de información habilitado en el casco viejo de Lizarra. LAB pretende proyectar el sujeto de clase en toda su amplitud y realizar su oferta a colectivos concretos, incluyendo el de las y los pensionistas, que los tenemos muy presentes en nuestra acción sociosindical. Patricia nos ha dejado su testimonio, como ejemplo de la cruda realidad que padece este colectivo.
19/10/2017
Ekimen Ibiltaria Lizarrara iritsi da gaur, eta "Lan duina, bizi duina" mezua lau haizetara aldarrikatu dugu. Hainbat jarduera egin ditugu; horien artean, Sar Quavitae enpresaren aurrean egindako elkarretaratzea. Hain zuzen ere, enpresa honen kontratazio politika, soldatak eta jardunaldi murriztuak salatu ditugu, prekarietatearen adibide gisa.
18/10/2017
Altsasun geldiadia egin du gaur Ekimen Ibiltariak, "Lan duina, bizi duina" mezua Sakanan zabaltzeko helburuarekin. Hain zuzen ere, tailer bat egin dugu goizean Gure Etxean, lan munduko hainbat gairen inguruan. Sindikatuaren ekintza soziosindikal berrituaren nondik norakoen berri eman dugu, besteak beste. Arratsaldean, Sakanako egoera orokorra izango du hizpide.
17/10/2017
"Lan duina, bizi duina" ekimen ibiltariak bigarren eguna bete du gaur. Iruñean aurkeztu genuen atzo, eta gaur Lekunberri, Leitza eta Beteleu bisitatu ditu prekarietatearen aurkako dinamikak. Hain zuzen ere, industriaguneetan izan gara lan eta bizi duinak izateko eskubidea aldarrikatzen.
LAB sindikatuak "Lan Duina Bizi duina" ekimen ibiltariaren aurkezpena egin du gaur Iruñean. Martxa honekin gaur egun langileek bizi duten prekarietatea salatu nahi dute, herriz herri, lantokiz lantoki, eta lan eta bizi duinak izateko eskubidea aldarrikatuko du.
16/10/2017
Abian da LABek antolatutako Ekimen Ibiltaria. Iruñean egin dugun ekitaldiak hasiera eman dio, eta, behin abiatuta, Euskal Herri osoa zeharkatuko du abenduaren 6a bitartean. Sindikatuko idazkari nagusi Garbiñe Aranburuk hartu du hitza ekitaldian, eta lanaren eta bizitzaren prekarizazioari aurre egiteko proposamenak ditugula adierazi du: "Lan harremanen prekarizazioaren kontrako borrokan sakontzearekin batera, LABen eskaintzak eta praktika sindikalak une honetan soldatapeko lana duten langileen behar izanei erantzutea baino harago joan behar dute. Langilego osoaren errealitateari erreparatzen diogu. Guzti guztiak ditugu buruan".
.jpg)
