LAB SINDIKATUA

2017/11/18 :: 11:12

Última actualización:2017/11/17 :: 17:09

IDIOMA
Estas aquí:

General Mills enpresan sinatutako akordioa salatu dugu San Adrianen

Email Imprimir PDF
Partekatu albistea



Ekimen Ibiltaria San Adrianen izan da gaur, ostiral eta larunbatean Tuteran eta Tafallan egon eta gero. General Mills enpresaren atarira eraman dugu gaur "Lan duina, bizi duina" aldarria. Izan ere, prekarietatea oos presente dago elikagaingintza arloko enpresa horretan, joan den hilabetean CCOO eta UGT sindikatuek enpresarekin akordioa sinatu arren.

San Adrianen ere ekintza sindikalari buruzko tailer bat egin dugu goizean, kultur etxean, eta Infogunea egokitu dugu Andosillako Foruen plazan. Ekintza sindikaleko tailerrean General Mills, Huertas de Peralta, Gelagri, Provedis, Vegamayor, El Caserío eta Aguirre Maquinaria Agricola enpresetako zenbait langilek hartu dute parte.

Ekimen Ibiltaria Iruñerrira itzuliko da bihar, urriak 24; Barañain eta Berriozarrera, hain justu. Delegatuen batzarra eta ekintza sindikaleko tailerra egingo ditugu goizean, 9:30ean; Decathlonen aurrean mobilizatuko gara, 12:00etan, prekarietatearen aurka; ATHri buruzko hitzaldi bat egingo dugu arratsaldean, 19:00etan, Barañaingo Akelamendin; eta arratsaldean ere, 18:00etan, Ingofunea muntatuko dugu Barañaingo udal plazan.