LAB SINDIKATUA

2017/03/27 :: 22:12

Última actualización:2017/03/27 :: 13:11

IDIOMA
Estas aquí: FEDERACIONES SERVICIOS PRIVADOS Merkataritza Sabeco Banaketako langileek kalejira egin dute enplegua suntsiketa eta lan-baldintzen okertzearen aurka

Sabeco Banaketako langileek kalejira egin dute enplegua suntsiketa eta lan-baldintzen okertzearen aurka

Email Imprimir PDF
Partekatu albistea

b_345_216_16777215_0___materiala_argazkiak_zerbitzuPribatuak_merkataritza_17_02_16simply_17-02-16simply.png
Sabeco Banaketa S.L. enpresak (SIMPLY dendak), langileen kontrako neurriak hartzeko asmoa adierazi du balizko salmenten jaitsiera argudiatuz. Honen aurrean eta egoera salatuz kalejira egin dute Bilboko Simplyko hainbat saltokitatik. Egoera kopondu ezean mobilizazioekin jarraitzeko asmoa erakutsi dute.

Sabeco Banaketa S.L. enpresak (SIMPLY dendak), langileen kontrako neurriak hartzeko asmoa adierazi du balizko salmenten jaitsiera argudiatuz. Izan ere, denda batzuen itxiera posibleaz gain (eta honen ondorioz emango liratekeen kaleratzeak), enpresak denda batzuen egungo funtzionamendu eredua aldatzeko nahia ere adierazi dio langileei. Aldaketa hauek ordutegien erabateko liberalizaziora eramango gintuzkete (urteko 365 egunak irekita, 18 ordu egunean) eta orain arte langileek borrokatutako lan-baldintzen galera suposatuko luke (denda batzuetan Simply- ko hitzarmen estatala aplikatzeko nahia, Bizkaiko elikadurako hitzarmena gutxika saltatu nahi dutelarik).

Honen aurrean, enpresak Bizkaian dituen zentro guztietako komite ordezkariok ondorengoa adierazi nahi dugu:

• Salmenten jaitsiera argudiatzen dute, nahi ez dituzten lan-postu batzuk suntsitzeko (antzinatasun gehien dutenak edo langile nagusienenak).

• Enpresak ez digu inongo aukerarik eskaintzen lan-postuak bere horretan mantentzeko, “denda batek ez dituenean nahi dituzten emaitzak ematen, denda itxi eta jendea kaleratu”,
hori da beraiek helarazten digutena.

• Denda batzuentzat proposatzen duten eredu berriak ez ditu Bizkaiko kontsumitzaileen ohitura eta kultura kontutan hartzen eta langileon lan-baldintzetan okertze nabarmenak ekarriko lituzke, ordutegien liberalizazioa eta igande eta jai-egunetako irekieretan oinarritu nahi delako. Horrela enplegua sortu edo mantendu eta salmentak handitzetik urrun, kontrako norabidea hartzen dugu, enpresaren asmo eta helburua lan-esku merke eta prekariagoa edukitzea delarik.

• Egun ez digute asmo hauen inongo zehaztasunik ematen eta langileak beldurtzeko estrategiarekin jarraitzen dute.

Gaur, kalejira egin dute Bilboko Simply hainbat saltokitatik (Errekalde, Gordoniz, Autonomia eta Henao kaleetakoetatik), enpresaren jarrera salatuz. Parodia egin dute saltokietan, “erruleta lanpostu suntsitzailean”, “zuzendaritzako desioen etorkizuneko bola” eta “eskubideak suntsitzeko dianarekin”. Egoera kopondu ezean mobilizazioekin jarraitzeko asmoa erakutsi dute.
 


 
 

No hay comentarios


Para hacer comentarios debes estar registrado.¿Todavía no tiene una cuenta? Regístrate