LAB SINDIKATUA

2017/09/26 :: 7:24

Última actualización:2017/09/25 :: 13:03

IDIOMA
Estas aquí: ACCIÓN SINDICAL Reforma Laboral Macronen lan erreformari modu kolektiboan egin behar diogu aurre

Macronen lan erreformari modu kolektiboan egin behar diogu aurre

Email Imprimir PDF
Partekatu albistea


Langileen haserrea ozen entzun da Baionako kaleetan. Sindikatuak egindako greba eta mobilizazio deialdiari erantzunez jende ugari bildu da frantziako gobernuaren azken erasoa salatzeko. Paristik etortzen diren inposaketek prekarietatea besterik ez dute ekarriko. Eraso hauei modu kolektiboan erantzun behar diegula aldarrikatzen du LABek. Gainera, hemengo beharrak kontutan hartuz hemen erabaki behar dugula deritzogu.


Lehendakaritzarako kanpainan Emmanuel Macronek argi adierazi zuen Lan Kodea erreformatzeko borondatea eta horretarako prozedura martxan jarria du. Erreforma honek ondorio larriak izanen ditu langileentzat. Erreforma honek aldaketa ainitz ekarriko ditu besteak beste nagusiek hitzarmen kolektiboa edo lan kodea baino kaxkarragoa den akordio bat negoziatzeko aukera izanen dute eta gehiegizko kanporaketa baten kasuan, langileak urte bat ukanen du bakarrik Prud'hommesetara joateko eta langileek jasotzen ahalko dituzten kalte-ordainak mugatuak izanen dira.



Macronen diskurtsoa gezurretan oinarritzen da, lan harremanak indibidualizatzea eta lan baldintzak prekarizatzeak ez baitu langabezia ttipituko. Gainera prekarietatea areagotzea kaltegarria da bai langileentzat baita enpresa txiki eta ertainentzat ere. Eraso berri honen aurrean, elkarrekin benetazko alternatiba bat eraiki behar dugu. LABen iritziz aterabidea Ipar Euskal Herri mailako batzorde parekidean datza. Sindikatuak honen alde borrokan jarraituko du.


 
 

No hay comentarios


Para hacer comentarios debes estar registrado.¿Todavía no tiene una cuenta? Regístrate