LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.
Apirilaren 29an eta 30ean eta maiatzaren 22an eta 23an greba deitu dugun LAB-ELA-CCOO-UGT sindikatuok CEBEKi eskatu diogu datorren osteguneko bileran sindikatuen plataforma bateratuari erantzun positiboa emateko.
Martxoan, Gipuzkoako Foru Aldundiak azpikontratatutako garbitzaileek mobilizazio zikloari berrekin zioten, negoziazioa blokeatuta zegoelako. Hala, astero elkarretaratzeak egin dituzte, Aldundiaren aurrean. Gaur berriz, manifestazioa egin dute Donostian, Koldo Mitxelenatik Aldundiraino, erosahalmena bermatuko dien hitzarmen baten alde. Benetako negoziazioa exijitu dute, sektoreko langileek bizi duten egoera agerian utziz.
Borondate ezaren ondorioz sindikatuok borrokan jarraitzen dugu eta bide judiziala ireki dugu. LABek hasitako eta STEILAS, CCOO eta ELAk berretsitako gatazka kolektiboaren epaiketa gaur izango da.